मीका 4:12 - नेवाः बाइबल

¹² तर इमिसं परमप्रभुया बिचाःयात सीके मफु। इमिसं वय्‌कःयागु आजुयात नं थुइके मफु। वय्‌कलं इमित अन्‍न दायेगु थासय् थूत मुंकु थें इमित मुंकादी।

मीका 4:12 ပူးပေါင်းရင်းမြစ်များ

भजनसंग्रहया सफू 147:19

वय्‌कलं थःगु आज्ञा याकूबयात, अले थःगु नियम व विधि इस्राएलयात कनादीगु दु।

भजनसंग्रहया सफू 147:20

मेगु छुं जातियात वय्‌कलं थथे यानादीगु मदु, वय्‌कःया नियम इमिसं मस्‍यू। हल्‍लेलूयाह!

यशैया 10:7

तर थ्‍व वयागु इच्‍छा मखु अले वयागु मनय् थज्‍याःगु बिचाः नं मदु। अय्‌नं वयागु बिचाः यक्‍व जातित नाश यायेगु खः।

यशैया 21:10

अय् जिमि प्रजा, दाइँ याइगु खलय् हायातःपिं! दक्‍व शक्ति दुम्‍ह परमप्रभु इस्राएलया परमेश्‍वरपाखें जिं छु न्‍यनागु दु, व जिं छिमित धाये।

यशैया 29:7

अरीएलया विरोधय् लडाइँ यायेत फुक्‍क जाति-जातितय्‌गु पुचः वःबलय् इपिं व इमिगु ल्‍वाभः नं याकनं म्‍हगस थें मदयावनी। शहरया किल्‍लायात हमला याइपिं चान्‍हय्‌या दर्शन थें मदयावनी-

यशैया 55:8

“छाय्‌धाःसा छिमिगु बिचाः थें जिगु बिचाः मखु, अले छिमिगु लँपु थें जिगु लँपु मखु,” परमप्रभुं घोषणा यानादी।

यर्मिया 29:11

छाय्‌धाःसा जिं छिमिगु निंतिं गुगु योजना दय्‌कागु दु, व जिं स्‍यू,” परमप्रभुं धयादी। “व छिमिगु भिंया लागि खः, छिमित स्‍यंकेत मखु, छिमित बांलाःगु भविष्‍य व आशा बीत।

यर्मिया 51:20

“हे बेबिलोन, छ जिगु लडाइँया कथि, जिगु लडाइँया ल्‍वाभः जुइमा। छपाखें जिं जातितय्‌त चुंचुं याये। छपाखें हे जिं राज्‍य राज्‍ययात नाश याये।

यर्मिया 51:33

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “बेबिलोन खलाया न्‍हुइत्‍यंगु छ्व थें खः। व लइगु ई याकनं वइ।”

योएल 3:2

उबले जिं सकल जातितय्‌त छथाय् मुंकाः यहोशापातया बेँसीइ यंके। अन हे जिं उपिं जातितय्‌त न्‍याय याये, छाय्‌धाःसा इमिसं जिमि प्रजा, जिगु उत्तराधिकारी इस्राएलयात जाति जातितय् दथुइ छ्यालब्‍याल यानाबिल, अले जिगु देशयात ब्‍वथला बिल।

लूका 3:17

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”