9 हे याकूबया घरानाया नायःत, हे इस्राएलया घरानाया शासकत, हे न्याययात मयय्कीपिं अले तप्यंगु खँयात बेक्व याइपिं मनूत, छिमिसं थ्व खँ बांलाक न्यँ!
अले जिं यहूदायापिं भारदारतय्त हक्काः धया, “शबाथयात अपवित्र यानाः छिमिसं थ्व छु यानागु?
“छ वनाः इस्राएलयापिं थकालित मुंकाः इमित थथे धा, ‘छिमि पुर्खा अब्राहाम, इसहाक, याकूबया परमप्रभु परमेश्वर जिथाय् न्ह्यःने खनेदय्कः झायाः थथे धयादीगु दु, जि छिमिथाय् वयागु दु, मिश्रय् छिमित गुलि दुःख ब्यूगु दु व नं जिं खनागु दु।
दोष मदुपिन्त दोष बीगु व दोष दुपिन्त दोष मबीगु नितां परमप्रभुयात मयः।
मभिंपिं मनूतय्सं सुलाः सुलाः घुस काइ, अले न्याय हे अःखतं यानाबी।
दोषीया पंलिनाः निर्दोषम्हय्सित द्वपं बियेगु पाय्छि मजू।
दुष्ट थःपिनिगु हे ल्वापुख्यापुं न्हनावनी, इपिं भिंगु ज्याखँ यायेत मानय् जुइ मखु।
छिमि न्ह्यलुवाःत विद्रोही व खुँतय् पासापिं जुइ धुंकूगु दु। इमिसं न्ह्याबलें कोस्यालि व घुस नयेत माला जुइ। न्याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्यनी मखु।
इपिं यक्व नयाः ल्ह्वंगु दु। इमिसं मभिंगु ज्या यायेगु गुबलें त्वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्याय याइ मखु।
इमिसं जिगु प्रजायात पवित्र व साधारण छु पाः व स्यनेमाः अले इमित शुद्ध व अशुद्ध छुतय् यायेगु स्यनेमाः।
“अय् पुजाहारीत, थ्व खँ न्यँ! अय् इस्राएलीत, ध्यान बियाः न्यँ! अय् जुजुया घराना, ध्यान बियाः न्यँ! थ्व न्यायया फैसला छिमिगु विरोधय् दु। छिपिं मिस्पाय् जाः व तबोरय् पानातःगु जाः जूगु दु।
जिगु नियमयात क्वह्यंकल धाःसा अले जिनापं चिनातःगु बाचा त्वथुल धाःसा,
छिमिसं न्याययात स्यंकीगु अले थुकियात खाइकाबीगु, छिमिसं धार्मिकतायात धुलय् वान्छ्वया बीगु।
यहूदाया जुजुपिं योताम, आहाज व हिजकियां राज्य यानाच्वंबलय् मोरेशेत शहरय् च्वंम्ह मीकायाथाय् वःगु परमप्रभुया वचन, थ्व दर्शन वं सामरिया व यरूशलेमयागु बारे खंगु खः।
अले जिं धया, “हे याकूबया नायःत, हे इस्राएलया घरानायापिं शासकत, ध्यान बिया न्यँ। न्याययात सिकाकायेगु छु छिमिगु ज्या मखु ला?
“परदेशी, मांबौ मदुम्ह व भाःत सी धुंकूम्हय्सित बीमाःगु न्याय स्यंकूम्ह मनूयात सराः लायेमाः।” अले फुक्कसिनं “आमेन” धायेमाः।