मीका 3:8 - नेवाः बाइबल

⁸ तर जि ला परमप्रभुया शक्तिं जाःगु दु, परमप्रभुया आत्‍मां जाःगु दु, अले न्‍याय व शक्तिं जाःगु दु। याकूबयात वयागु अपराध व इस्राएलयात वयागु पाप कनाबीत।

मीका 3:8 ပူးပေါင်းရင်းမြစ်များ

अय्‍यूब 32:18

छाय्‌धाःसा जिके यक्‍व खँ दु, जिगु दुने दुगु आत्‍मां जितः करं क्‍यंकी,

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

यशैया 61:2

वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

यर्मिया 1:18

अय् यर्मिया, न्‍यँ! थ्‍व देशयापिं फुक्‍क यहूदाया जुजु, भारदार, पुजाहारी व मनूत छंगु विरोधय् दनी। तर थौं इमिगु सामना यायेगु शक्ति जिं छन्‍त बी। छचाःखेरं पःखाः दुगु शहर थें, नँयागु थां व कँय्‌या पःखाः थें जिं छन्‍त बल्‍लाकाबी।

यर्मिया 20:9

तर “जिं वय्‌कःया खँ पिकाये मखु, जिं हाकनं गुबलें वय्‌कःया नामय् नवाये मखु” धकाः जिं धाल धाःसा वय्‌कःया वचन जिगु नुगलय् च्‍यानाच्‍वंगु व जिगु क्‍वँचय् कुनाच्‍वंगु मि थें जुइ। उकियात पँपं जितः त्‍यानुसे च्‍वनी। धात्‍थें जिं व सह याये मफु।

यर्मिया 6:11

तर जि परमप्रभुया तमं जाःगु दु, अले जिं थुकियात पनातये मफु। “थुकियात लँय् दुपिं मस्‍तय्‌थाय् व ल्‍याय्‌म्‍हपिं मनूत मुनाच्‍वंथाय् प्‍वंकाब्‍यु! छाय्‌धाःसा कलाः भाःतपिं सकसितं ज्‍वनाः यंकीगु जुइ। बाज्‍यःवंपिं व ज्‍याथपिं तकं बचय् जुइ मखु।

विलाप 2:14

छंगु अगमवक्तातय्‌सं खंगु दर्शनत सत्‍य मखुगु व छुं हे मूं मवंगु खः। इमिसं छंगु अधर्म क्‍यना मब्‍यू, मखुसा छन्‍त ज्‍वनाः बेबिलोनय् मयंकीगु। इमिसं छंगु निंतिं खंगु दर्शन सत्‍य मखुगु व अलमल यायेत जक खः।

इजकिएल 16:2

“अय् सीमानिम्‍ह मनू, यरूशलेमयात वयागु घच्‍चाइपुगु ज्‍या क्‍यनाः

इजकिएल 20:4

“छं इमिगु न्‍याय या, इजकिएल! छं इमिगु न्‍याय या! इमित इमि पुर्खातय्‌गु घच्‍चाइपुगु ज्‍या लुमंकाब्‍यु!

इजकिएल 22:2

“अय् सीमानिम्‍ह मनू, छु छं वयागु न्‍याय याये, मखु ला? छु छं थ्‍व ज्‍यानमारा शहरया न्‍याय याये, मखु ला? छं वयागु फुक्‍क घच्‍चाइपुगु ज्‍या वयात कनाब्‍यु।

इजकिएल 23:36

परमप्रभुं जितः धयादिल, “अय् सीमानिम्‍ह मनू, छु! छं ओहोला व ओहोलिबाया न्‍याय यायेगु ला? अथे खःसा इमिसं याःगु घच्‍चाइपुगु ज्‍या इमित कनाब्‍यु,

इजकिएल 3:14

अले आत्‍मां जितः ल्‍ह्वनाः यंकादिल। म्‍हाइपुसे च्‍वंकाः तंमय्‌ जि वना। परमप्रभुया शक्ति जिके दुगु जुल।

इजकिएल 43:10

“अय् सीमानिम्‍ह मनू, इस्राएलयापिं मनूतय्‌त थ्‍व देगःया बारे धा, गुकिं यानाः इपिं थःगु पापया निंतिं मछालेमाः। इमिसं थ्‍व देगःया नमूनायात बिचाः यायेमा।

मत्ती 7:29

छाय्‌धाःसा वय्‌कलं इमि शास्‍त्रीतय्‌सं थें मखु, बरु अधिकार दुम्‍ह मनुखं थें स्‍यनादिल।

मर्कूस 3:17

जब्‍दिया काय् याकूब व याकूबया किजा यूहन्‍ना, गुम्‍हय्‌सित वय्‌कलं बोअनर्गेस धकाः नां तयादिल, (बोअनर्गेसया अर्थ तंगुलु खः),

१ कोरिन्‍थी 2:4

भिंगु खँ न्‍यंका च्‍वनाबलय् जिगु म्‍हुतुं थःगु ज्ञान व चलाखि खँ पिहां मवः। पवित्र आत्‍मायागु शक्तिं जक जिं नवानागु खः।