मीका 3:6 - नेवाः बाइबल

⁶ उकिं छिमिके दर्शन मदुगु चा वइ। छिपिं तच्‍वःगु खिउँगुलिइ लाइ, अले छिमिसं ज्‍वखना स्‍वये फइ मखु। अगमवक्तातय्‌गु निंतिं सूर्य बिनावनी, छिमिगु निंतिं दिं खिउँसे च्‍वनी।

मीका 3:6 ပူးပေါင်းရင်းမြစ်များ

भजनसंग्रहया सफू 74:9

आः अजू चायापुगु चिं नं खने मन्‍त अगमवक्तात नं छम्‍ह हे मन्‍त। थथे गुबलय् तक जुयाच्‍वनी जिपिं सुनानं मस्‍यू।

यशैया 29:10

परमप्रभुं छिमित स्‍याक्‍क न्‍ह्यःवय्‌कादीगु दु। अले छंगु मिखा (अगमवक्तात) तिनाब्‍यूगु दु, अले छंगु छ्यं (दर्शन खनीपिं) त्‍वपुयाब्‍यूगु दु।

यशैया 59:10

कांपिं मनूत थें झीसं अंगलय् पचिपचि याना जुइ। मिखा मदुपिं थें झीसं थःगु लँपु माला जुइ। झीपिं न्‍हिनय् नं सन्‍ध्‍याकाः इलय् थें लुफिं हाइ। तसकं बल्‍लाःपिंनिगु दथुइ झीपिं सीपिं थें जुइ।

यर्मिया 13:16

वय्‌कलं तसकं खिउँगु हये न्‍ह्यः हे, तसकं खिउँगु डाँडाय् छिपिं लुफिंहाये न्‍ह्यः हे परमप्रभु थः परमेश्‍वरया प्रशंसा या! छिमिसं जःया आशा याइ, तर वय्‌कलं उकियात खिउँगुलिइ हिलाः तसकं खिउँकादी।

यर्मिया 15:9

न्‍हय्‌म्‍ह काय् म्‍ह्याय्‌पिनि मां मुर्छ्या जुयाः सी। न्‍हिनय् हे वयागु सूर्य बिनावनी। वयागु बेइज्‍जत जुइ, अले व लज्‍याय् लाइ। इमि तरवारं बचय् जूपिन्‍त धाःसा जिं इमि शत्रुतय्‌गु न्‍ह्यःने तरवारं स्‍याके बी,” परमप्रभुं धयादी।

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

इजकिएल 13:9

जिगु ल्‍हाः मखुगु दर्शन खनीपिं व मखुगु ज्‍वखना ल्‍हाइपिं अगमवक्तातय्‌गु विरोधय् जुइ। इमित जिगु प्रजाया सभाय् थाय् दइ मखु। इमिगु नां इस्राएलया घरानाया धलखय् दइ मखु। इस्राएल देशय् इपिं दुहां वने दइ मखु। अले जि हे परमप्रभु परमेश्‍वर खः धकाः छिमिसं सी।

इजकिएल 7:26

छगू विपत्तिया ल्‍यू मेगु विपत्ति वइ अले छगू बांमलाःगु खबरया ल्‍यू मेगु बांमलाःगु खबर वइ। इमिसं अगमवक्तातपाखें दर्शन कायेत स्‍वइ। पुजाहारीतपाखें व्‍यवस्‍थाया शिक्षा व धर्म गुरुतपाखें सल्‍लाह तनावनी।

आमोस 8:11

परमप्रभु परमेश्‍वरं धयादी- “जिं देय्‌न्‍यंक अनिकाल हयेगु दिं वइतिनि।” व अनिकाल अन्‍नयागु मखु न लः त्‍वने प्‍याचाइगु अनिकाल खः, तर परमप्रभुया वचन न्‍यनेगु इच्‍छाया अनिकाल जुइ।

मीका 2:6

इमि अगमवक्तातय्‌सं धाइ, “अगमवाणी याये मते, थ्‍व खँयात कयाः अगमवाणी याये मते। जिमिगु बेइज्‍जत जुइ मखु।”