मीका 3:4 - नेवाः बाइबल

⁴ उबलय् नायःतय्‌सं परमप्रभुयाके ग्‍वाहालि फ्‍वनी। तर वय्‌कलं इमित लिसः बियादी मखु। इमिसं बांमलाःगु ज्‍या याःगुलिं उबलय् वय्‌कलं थःगु ख्‍वाः इपिंपाखें फस्‍वय्‌कादी।

मीका 3:4 ပူးပေါင်းရင်းမြစ်များ

अय्‍यूब 27:9

वयात दुःख जुइबलय् परमेश्‍वरं वयागु बिन्‍ति न्‍यनादी ला?

अय्‍यूब 35:13

धात्‍थें हे परमेश्‍वरं इमिगु बकंफुस्‍लु बिन्‍ति न्‍यनादी मखु, दक्‍व शक्ति दुम्‍ह परमेश्‍वरं उकी ध्‍यान बियादी मखु।

भजनसंग्रहया सफू 18:41

इपिं ग्‍वाहालिया निंतिं हाल, अय्‌नं इमित सुनानं बचय् याः मवः। इमिसं परमप्रभुयात सःतल, अय्‌नं वय्‌कलं लिसः बियामदी।

हितोपदेश 1:28

उबलय् छिमिसं जितः सःती। अले जिं लिसः बी मखु। छिमिसं जितः माली, तर जितः लुइके फइ मखु,

हितोपदेश 28:9

व्‍यवस्‍था मानय् मयाइम्‍हय्‌सिगु प्रार्थना तकं परमेश्‍वरयागु निंतिं घच्‍चायापुसे च्‍वनी।

यशैया 1:15

छिमिसं प्रार्थनाय् ल्‍हाः ल्‍ह्वनीबलय् जिं छिमित स्‍वये मखु। छिमिसं न्‍ह्याक्‍व प्रार्थना याःसां जिं न्‍यने मखु छाय्‌धाःसा छिमिगु ल्‍हाः हिया हिं जाःगु दु।

यशैया 3:11

धिक्‍कार दुष्‍टतय्‌त! दुष्‍ट मनूतय्‌गु धाःसा पक्‍का हे नाश जुइ। अले इमिगु ल्‍हातं याःगु ज्‍याया पाय्‌छिगु ज्‍याला दइ।

यर्मिया 11:11

उकिं परमप्रभुं थथे धयादी, ‘स्‍व! जिं थम्‍हं हे इमिथाय् इपिं बचय् जुइ मफय्‌क विपत्ति हये। अले इमिसं जितः सःतूसां जिं लिसः बी मखु।

यर्मिया 14:12

इपिं अपसं च्‍वंसां जिं इमिगु सः न्‍यने मखु। इमिसं होमबलि व अन्‍नबलि छाःसां जिं व नालाकाये मखु। उकिया पलेसा जिं इमित तरवार, अनिकाल व महामारीं नाश याये।”

यर्मिया 33:5

गुगु बेबिलोनीतलिसें लडाइँ जूबलय् थुंगु खः, ‘जिगु तंमय्‌ जिं स्‍याइपिं मनूतय्‌गु सीम्‍हं छेँत जाइ। थुकियागु फुक्‍क मभिंगु ज्‍याया निंतिं जिं थ्‍व शहरपाखें थःगु ख्‍वाः सुचुके।

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

इजकिएल 8:18

उकिं जिं नं इपिंलिसें तंमय्‌ ज्‍या याये। जिं इमित भचा नं दया याये मखु, त्‍वःते नं मखु। जिगु न्‍हाय्‌पनय् चिल्‍लाय् दनाः हाःसां जिं इमिगु खँ न्‍यने मखु।”

मीका 3:7

दर्शन खनीपिं मनूत लज्‍या चाइ, अले ज्‍वखना स्‍वइपिनिगु ख्‍वाः ह्याउँसे च्‍वनी। इपिं सकसिनं थःगु ख्‍वाः त्‍वपुइ, छाय्‌धाःसा इमित परमेश्‍वरपाखें लिसः दइ मखु।”

मीका 7:13

तर इमिगु ज्‍यायागु कारणं व अनयापिं मनूतय्‌गु कारणं पृथ्‍वी सुनसान हे जुयावनी।

जकरिया 7:13

“‘गथे जिं सःताबलय् इमिसं मन्‍यन अथे हे इमिसं सःतिबलय् जिं इमिगु बिन्‍ति न्‍यने मखु,’ दक्‍व शक्ति दुम्‍ह परमप्रभुं धयादी।

मत्ती 7:22

न्‍याय याइखुन्‍हु यक्‍वसिनं जितः थथे धाइ – ‘प्रभु, प्रभु, छिगु नामं जिमिसं अगमवाणी कना मवया ला? छिगु हे नामं भूत दुबिना च्‍वंपिं मनूतय्‌त लाय्‌का मवया ला? अले छिगु हे नामं यक्‍व हे अजू चायापुगु ज्‍या मयाना ला?’

लूका 13:25

छेँ थुवालं खापा ति धुंकाः हानं चाय्‌काबी मखु। अले छिपिं पिने च्‍वनाः थथे धयाः खापा संका च्‍वनेमाली – ‘प्रभु, खापा चाय्‌कादिसँ।’ वय्‌कलं थथे लिसः बिया हइ – ‘छिपिं गनं वयापिं खः? जिं छिमित म्‍हमस्‍यू।’

यूहन्‍ना 9:31

पापीतय्‌गु खँ परमेश्‍वरं न्‍यनादी मखु धकाः जिमिसं स्‍यू। परमेश्‍वरया भय काइम्‍ह व वय्‌कलं धाःथें याना जुइम्‍हय्‌सिगु जक खँ न्‍यनादी।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।

१ शमूएल 8:18

व ई वइबलय् छिमिसं ल्‍यःम्‍ह जुजुपाखें छुत्‍काराया निंतिं तसकं हाली। अथेसां व दिनय् परमप्रभुं छिमित लिसः बियादी मखु।”