मीका 3:3 - नेवाः बाइबल

³ छिमिसं जि प्रजाया ला नइगु, इमिगु छेंगू तुलीगु अले इमिगु क्‍वँय्‌त थलय् दय्‌केत कुचा कुचा यानाः त्‍वथुलीगु। इमिगु ला थलय् दय्‌केत कुचा कुचा याइगु।”

मीका 3:3 ပူးပေါင်းရင်းမြစ်များ

भजनसंग्रहया सफू 14:4

थुपिं मभिंगु यानाजुइपिन्‍सं गुबलें हे सय्‌की मखु ला? इमिसं जिमि मनूतय्‌त मरि नये थें नयाच्‍वन। अले परमप्रभुया नां हे काइ मखु।

भजनसंग्रहया सफू 27:2

गुबलय् दुष्‍टत जिगु ला नयेत न्‍ह्यज्‍याः वइ, जितः महीपिं व जिमि शत्रुत जितः हय्‌क्‍काः वइ, इपिं लुफिं हानाः क्‍वःदइ।

हितोपदेश 30:14

छथ्‍वः मनूत चीमिपिं व हाःनाः मदुपिनिपाखें लबः कयाजुइपिं दु।

यशैया 3:14

परमप्रभुं थकालित व थः प्रजायात शासन याइपिनिगु विरूद्धय् न्‍याय यानादी। वय्‌कलं इमित थथे द्वपं बियादीगु दु – “छिमिसं जिगु क्‍यबयागु दाख नाश याःगु दु। चीमिपिंपाखें लुतय् यानाहःगु मालसामानं छिमिगु छेँ जाःगु दु।

यशैया 3:15

छिमिसं जिमि प्रजायात क्‍वत्‍यःगु व मगाःमचाःपिनिगु ख्‍वालय् क्‍यःगु मतलब छु खः?” प्रभु, दक्‍व शक्ति दुम्‍ह परमप्रभुं धयादी।

इजकिएल 11:3

इमिसं धाइगु, ‘छेँ दय्‌कीगु ई थ्‍यंकः मवनी ला? थ्‍व शहर छगः सामान तइगु थल थें खः अले थुकिया दुने झीपिं थलय् दुगु ला थें सुरक्षित जू।’

इजकिएल 24:4

उकी तुति, ब्‍वहया ला व फुक्‍क भिंगु भिंगु कुचात मुनाः ति, अले भिंगु भिंगु क्‍वँचं व जाय्‌की।

आमोस 8:4

मगाःमचाःपिन्‍त न्‍हूत्तुमतु न्‍हुइपिं व देशया गरीबतय्‌त चीका छ्वइपिं न्‍यँ,

मीका 2:8

नकतिनि जक जि मनूत शत्रुत थें दंगु दु। छुं वास्‍ता मयासें न्‍ह्यःनं वनीपिंपाखें छिमिसं लडाइँनं लिहांवःपिं मनूतय्‌सं थें मू वंगु वसः लाका यंकीगु।

सपन्‍याह 3:3

वया नायःतय्‌त गर्जे जुइपिं सिंहत खः। वया न्‍यायकर्तात गुँखिचात खः गुपिन्‍सं कन्‍हय् सुथय् तक छुं ल्‍यं तइ मखु।