मीका 3:1 - नेवाः बाइबल

¹ अले जिं धया, “हे याकूबया नायःत, हे इस्राएलया घरानायापिं शासकत, ध्‍यान बिया न्‍यँ। न्‍याययात सिकाकायेगु छु छिमिगु ज्‍या मखु ला?

मीका 3:1 ပူးပေါင်းရင်းမြစ်များ

नहेम्‍याह 13:17

अले जिं यहूदायापिं भारदारतय्‌त हक्‍काः धया, “शबाथयात अपवित्र यानाः छिमिसं थ्‍व छु यानागु?

भजनसंग्रहया सफू 14:4

थुपिं मभिंगु यानाजुइपिन्‍सं गुबलें हे सय्‌की मखु ला? इमिसं जिमि मनूतय्‌त मरि नये थें नयाच्‍वन। अले परमप्रभुया नां हे काइ मखु।

यशैया 1:10

अय् सदोमया शासकत, परमप्रभुया वचन न्‍यँ! अय् गमोराया मनूत, परमेश्‍वरया आज्ञा मानय् या! परमप्रभुं छिमित छु धयादीगु दु व बांलाक न्‍यँ!

यशैया 10:2

गरीबतय्‌गु अधिकार लाकाकायेत व क्‍वत्‍यलातःपिं जिमि प्रजातय्‌गु खःकथं न्‍याय मयायेत अले भाःत सी धुंकूपिं व मांबौ मदुपिनिगु सम्‍पत्ति लाकाकायेत इमिसं थथे याइगु खः।

इजकिएल 22:6

“‘स्‍व! छंगु पःखाः दुने दुपिं सकलें शासकतय्‌सं गय् यानाः थःगु बल मनू स्‍यायेगुलिइ छ्यलाच्‍वंगु।

इजकिएल 34:2

“अय् सीमानिम्‍ह मनू, इस्राएलया फैजवाःतय्‌गु विरोधय् अगमवाणी यानाः उपिं फैजवाःतय्‌त थथे धा! ‘परमप्रभु परमेश्‍वरं थथे धयादी – धिक्‍कार दु, थःगु जक वास्‍ता याइपिं इस्राएलया फैजवाःतय्‌त। छु! फैजवाःतय्‌सं फैच्‍वलय्‌तय्‌गु जक वास्‍ता यायेमाःगु, मखु ला?

इजकिएल 34:3

छिमिसं धौ नइगु, ऊनया वसः फीगु, ल्‍ह्वंल्‍ह्वंपिं पशुत स्‍याइगु, बथांयात धाःसा वास्‍ता हे मयाः।

इजकिएल 9:9

वय्‌कलं जितः धयादिल, “इस्राएल व यहूदाया घरानाया पाप तसकं तःधं। देश मनू स्‍यायेगु ज्‍यां जाःगु दु अले शहर अन्‍यायनं जाःगु दु। इमिसं धाइगु, ‘परमप्रभुं देशयात त्‍वःतादीगु दु, परमप्रभुं मखं।’

होशे 5:1

“अय् पुजाहारीत, थ्‍व खँ न्‍यँ! अय् इस्राएलीत, ध्‍यान बियाः न्‍यँ! अय् जुजुया घराना, ध्‍यान बियाः न्‍यँ! थ्‍व न्‍यायया फैसला छिमिगु विरोधय् दु। छिपिं मिस्‍पाय् जाः व तबोरय् पानातःगु जाः जूगु दु।

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

आमोस 6:1

सियोनय् मोजमज्‍जा यानाः आरामं च्‍वनाच्‍वंपिन्‍त व सामरियाया डाँडाय् थःत सुरक्षित ताय्‌कीपिन्‍त धिक्‍कार। छिपिं न्‍हापांगु जातिया नांजाःपिं मनूत खः, ग्‍वाहालि फ्‍वनेत छिमिथाय् इस्राएलया मनूत वयाच्‍वनी।

मीका 2:13

लँ दय्‌कादीम्‍ह इमिगु न्‍ह्यःने झाइ। इपिं ध्‍वाखा स्‍यंकाः पिने पिहांवनी। इमि जुजु इमिगु न्‍ह्यः न्‍ह्यः वनी। परमप्रभु इमिगु न्‍ह्यःने न्‍ह्यःने दइ।”

१ कोरिन्‍थी 6:5

छिमित मछाः नं मजू ला? छिमिगु पुचलय् थ्‍व ल्‍वापु छिने फुम्‍ह छम्‍ह हे बुद्धि दुम्‍ह मदु ला?

व्‍यवस्‍था 16:18

परमप्रभु छिमि परमेश्‍वरं बियादीगु छिमिगु फुक्‍क शहरय् थथःगु कुलकथं न्‍याय याइपिं व मेपिं हाकिमत ल्‍य। इमिसं मनूतय्‌गु न्‍याय खःकथं यायेमाः।