मीका 2:9 - नेवाः बाइबल

⁹ छिमिसं जि प्रजाया कलाःपिन्‍त इमिगु सुखया छेँनं पित छ्वइगु। इमि मस्‍तय्‌गु लागि जिं बियातयागु आशिष नं छिमिसं लाकाकाइगु।

मीका 2:9 ပူးပေါင်းရင်းမြစ်များ

भजनसंग्रहया सफू 72:19

वय्‌कःयागु महिमां जाःगु नांया सदां प्रशंसा जुयाच्‍वनेमा। पृथ्‍वी न्‍यंक वय्‌कःयागु महिमां जायेमा। आमेन! आमेन!

यर्मिया 10:20

जिगु पाल नाश जूगु दु। उकियागु फुक्‍क खिपः चबूगु दु। जि काय्‌पिं जिथासं वने धुंकल, आः इपिं मन्‍त। जिगु पाल ग्‍वयाबीम्‍ह व जि च्‍वनेगु थाय् दय्‌काबीम्‍ह आः सुं मन्‍त।

इजकिएल 39:21

“जात जातिया दथुइ जिं थःगु महिमा क्‍यने। फुक्‍क जातिं जिं बियागु सजाँय व इमिगु द्यःने लाःगु जिगु झ्‍यातुगु ल्‍हाः खनी।

योएल 3:6

छिमिसं यहूदाय् च्‍वंपिं मनूतय्‌त व यरूशलेमय् च्‍वंपि मनूतय्‌त इमिगु देशं तापाक्‍क छ्वयेत ग्रीकतय्‌गु ल्‍हातय् मियाछ्वःगु दु।

आमोस 2:7

इमिसं चीमितय्‌गु छेनय् बँय् च्‍वंगु धू थें न्‍हूत्तुमतु न्‍हुइ, क्‍वत्‍यका च्‍वनेमाःपिन्‍त न्‍याय याइ मखु। अबु व काय् छम्‍ह हे मिसायाथाय् वनाः जिगु पवित्र नांयात क्‍वह्यंकी।

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

हबकूक 2:14

छाय्‌धाःसा समुद्र लखं जाः थें पृथ्‍वी परमप्रभुया महिमाया ज्ञानं जाइ।

जकरिया 2:5

जि थः हे शहरया प्‍यखेरं मिया पःखाः जुइ। जि हे उकी दुनेया महिमा जुइ,’” धकाः परमप्रभुं धयादी।

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

मर्कूस 12:40

इमिसं भाःत मदुपिं मिसातय्‌गु छेँ लुतय् यानाच्‍वंगु दु। मनूतय्‌त क्‍यनेत धाःसा ताःहाकय्‌क प्रार्थना याना जुइ। उकिं इमित मेपिन्‍त स्‍वयाः अप्‍वः सजाँय बी।”

लूका 20:47

थज्‍याःपिन्‍सं भाःत मदुपिं मिसातय्‌गु छेँ लुतय् यानाच्‍वंगु दु, प्रार्थना धाःसा कर्पिन्‍त क्‍यनेत ततःहाकय्‌क यानाक्‍यनी। थज्‍याःपिन्‍सं हे दकलय् तःधंगु सजाँय फये मालीतिनि।”

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

१ शमूएल 26:19

हे प्रभु जिमि जुजु, जिं छु धायेत्‍यनागु दु बांलाक ध्‍यान बियाः न्‍यनादिसँ। थथे परमप्रभुं हे छितः जिगु विरोधय् याकेब्‍यूगु खःसा जितः वय्‌कःयात छगू भेटी छाय्‌के बियादिसँ सके वय्‌कःया मन हिलिला। तर छुं जुयाः थ्‍व मनूतय्‌सं याकूगु जूसा इमित परमप्रभु सराः लायेमा। छाय्‌धाःसा थौं ‘वं मेपिं द्यःतय्‌गु सेवा यायेमा’ धकाः इमिसं जितः परमप्रभुया सर्बयपाखें लिकाःगु दु।