मीका 2:6 - नेवाः बाइबल

⁶ इमि अगमवक्तातय्‌सं धाइ, “अगमवाणी याये मते, थ्‍व खँयात कयाः अगमवाणी याये मते। जिमिगु बेइज्‍जत जुइ मखु।”

मीका 2:6 ပူးပေါင်းရင်းမြစ်များ

भजनसंग्रहया सफू 74:9

आः अजू चायापुगु चिं नं खने मन्‍त अगमवक्तात नं छम्‍ह हे मन्‍त। थथे गुबलय् तक जुयाच्‍वनी जिपिं सुनानं मस्‍यू।

यशैया 29:10

परमप्रभुं छिमित स्‍याक्‍क न्‍ह्यःवय्‌कादीगु दु। अले छंगु मिखा (अगमवक्तात) तिनाब्‍यूगु दु, अले छंगु छ्यं (दर्शन खनीपिं) त्‍वपुयाब्‍यूगु दु।

यशैया 30:10

दर्शन खनीपिन्‍त इमिसं धाइ, “आः थनिंनिसें दर्शन मखनेमा!” इमिसं अगमवक्तातय्‌त धाइ, “जिमित खःगु खँया दर्शन कने मते!” “जिमित यःगु खँ जक धा, मखुगु अगमवाणी कँ!

इजकिएल 20:46

“अय् सीमानिम्‍ह मनू, थःगु ख्‍वाः दच्‍छिनपाखे स्‍वय्‌काः दच्‍छिन पाखेया विरोधय् न्‍ववा! झाः दुगु दच्‍छिनया देशयागु विरोधय् अगमवाणी ल्‍हा!

इजकिएल 21:2

“अय् सीमानिम्‍ह मनू, थःगु ख्‍वाः यरूशलेमपाखे स्‍वय्‌काः पवित्र थाय्‌या विरोधय् अगमवाणी ल्‍हा! इस्राएल देशया विरोधय् अगमवाणी ल्‍हा,

इजकिएल 3:26

जिं छंगु मेयात छंगु थक्‍वय् प्‍यपुंकाबी। उकिं यानाः छ नवाये फइ मखु अले छं इमित हक्‍के फइ मखु। खः ला इपिं विद्रोही घरानायापिं खः।

आमोस 2:12

“तर छिमिसं नाजिरीतय्‌त दाखमद्य त्‍वंकल, अले अगमवक्तातय्‌त अगमवाणी ल्‍हाये मते धकाः आज्ञा बिल।

आमोस 7:13

बेथेलय् हाकनं गुबलें अगमवाणी धाये मते, छाय्‌धाःसा थ्‍व ला जुजुया पुजा याइगु थाय् व राज्‍य याइगु देगः खः।”

आमोस 7:16

अथे जुयाः आः परमप्रभुया वचन न्‍यँ। छं धाइगु, “‘इस्राएलया विरोधय् अगमवाणी धाये मते, अले इसहाकया घरानातय्‌गु विरोधय् प्रचार यायेगु त्‍वःति।’

मीका 3:6

उकिं छिमिके दर्शन मदुगु चा वइ। छिपिं तच्‍वःगु खिउँगुलिइ लाइ, अले छिमिसं ज्‍वखना स्‍वये फइ मखु। अगमवक्तातय्‌गु निंतिं सूर्य बिनावनी, छिमिगु निंतिं दिं खिउँसे च्‍वनी।

मीका 6:16

छिपिं ओम्रीया विधित व आहाबया घरानायागु दक्‍व खँ पालन यानाः इमिगु थितिकुथिया ल्‍यूल्‍यू जुयाच्‍वंगुलिं जिं छिमित नाश यानाबी। छिमि मनूत दक्‍वसिनं हेपय् याकाः च्‍वनाच्‍वने माली। अले जाति जातियापिं मनूतय्‌सं नं छिमित हेस्‍यानाच्‍वनी।”

प्रेरित 4:17

अय्‌सां थ्‍व खँयात न्‍यंकभनं थ्‍यंके मज्‍यू। अय्‌जूगुलिं इमित आवंलि येशूयागु छुं नं खँ न्‍यंके दइ मखु धकाः ख्‍याच्‍वः बी माल।”

प्रेरित 5:28

“जिमिसं व मनूयागु खँ मनूतय्‌त स्‍यनेकने याये मते धकाः धयागु मखु ला? अय्‌नं छिमिसं यरूशलेमय् च्‍वँक्‍वसित व मनूयागु खँ न्‍यंके धुंकल। छिमिसं व मनू सीगुया द्वपं जिमित बीत स्‍वयाच्‍वन।”

प्रेरित 5:40

अले इमिसं प्रेरिततय्‌त दुने सःताः कोर्रां दाय्‌काः आवंनिसें येशूयागु खँ स्‍यनेकने याये मते धकाः उजं बियाः त्‍वःता छ्वल।

प्रेरित 7:51

“छिकपिं तसकं हे अतेरि, अले छिकपिनिगु नुगः तसकं छाः। छिकपिन्‍सं न्‍ह्याबलें पवित्र आत्‍मायागु खँ मन्‍यंसे थः तापाःबाज्‍यापिन्‍सं याःथें जक यानाच्‍वंगु दु।