मीका 2:4 - नेवाः बाइबल

⁴ उगु दिनय् मनूतय्‌सं छिमित हेस्‍याइ अले छिमित लाय्‌बुयाः थ्‍व बिलापया म्‍ये हाली, ‘जिपिं भज्‍यंक नाश जुल, जिमि मनूतय्‌गु सम्‍पत्ति इनाब्‍यूगु दु, वय्‌कलं थ्‍व जिपाखें लाकाकयादी। वय्‌कलं जिमिगु बुँ जिमित ध्‍वं लाइपिन्‍त इनाबियादी।’”

मीका 2:4 ပူးပေါင်းရင်းမြစ်များ

२ शमूएल 1:17

शाऊल व वया काय् जोनाथनया निंतिं दाऊद थुकथं दुखं च्‍वन।

२ इतिहास 35:25

अगमवक्ता यर्मियां नं योशियाहया निंतिं सीम्‍येत च्‍वल। म्‍ये हालीपिं फुक्‍क मिजं व मिस्‍तय्‌सं थौं तक नं थुपिं सीम्‍येलय् योशियाहयात लुमंकी। थुपिं सीम्‍येत इस्राएलय् छगू परम्‍परा जूगु दु। थुपिं सीम्‍येत बिलापया म्‍येलय् नं च्‍वयातःगु दु।

अय्‍यूब 27:1

अले अय्‍यूबं थःगु भाषण हाकनं शुरु यात,

यशैया 14:4

छिमिसं बेबिलोनया जुजुयात थथे धकाः गिजय् याइ– स्‍व, अत्‍याचार यानाः सकसित क्‍वत्‍यलातःम्‍ह जुजुया अन्‍त जुल! वयागु तंया नाश गुकथं जूवल!

यशैया 24:3

पृथ्‍वी फुक्‍क नाश जुयावनी अले फुक्‍क थासय् लुतय् यायेगु याइ, परमप्रभुं हे थ्‍व खँ धयादीगु खः।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यर्मिया 14:18

ख्‍यलय् वनेबलय् जिं लडाइँलय् सीपिं मनूतय्‌गु सीम्‍ह खनीगु। शहरय् वनेबलय् जिं अनिकाल जुयाः नये मखनाच्‍वंपिं खनीगु। अगमवक्तात व पुजाहारीत निखलः हे थःम्‍हं म्‍हमस्‍यूगु देशय् वंगु दु।’”

यर्मिया 4:13

स्‍व, व सुपाँय् थें हथासं वयाच्‍वंगु दु। वयागु रथ ग्‍वःफय् थें व वयागु सल इमा स्‍वयाः तसकं ब्‍वाँय् वनी। आः गथे याये! जिपिं नाश जुइ धुंकल।

यर्मिया 6:12

जिं थःगु ल्‍हाः थ्‍व देशय् च्‍वंपिनिगु विरोधय् ल्‍ह्वनेबलय् इमिगु छेँ, बुँ व मिस्‍त फुक्‍क मेपिनिगु जुइ,” परमप्रभुं धयादी।

यर्मिया 8:10

छाय्‌धाःसा जिं इमि कलाःपिं मेपिं मनूतय्‌त व इमिगु बुँ न्‍हूपिं मालिकतय्‌त बी। दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 9:10

जिं धया– जि पहाडतय्‌गु लागि ख्‍वये, जि मरुभूमिइ दुगु घाँय्‌ख्‍यःया निंतिं ख्‍वये, छाय्‌धाःसा व गने धुंकल। सुं नं अनं यात्रा याइ मखु। अन सा द्वहं मन्‍त। पशुत व झंगःत बिस्‍युं वने धुंकल।

यर्मिया 9:16

इमिसं वा इमि पुर्खातय्‌सं म्‍हमस्‍यूपिं जातितय्‌गु दथुइ जिं इमित छ्यालब्‍याल यानाबी। अले इमित नाश मयातले तरवार ज्‍वनाः जिं इमित लिनाच्‍वने।”

इजकिएल 16:44

“‘उखान धाइपिं सकसिनं छंगु बारे थ्‍व उखान धाइ, “गथे मां अथे म्‍ह्याय्।”

इजकिएल 2:10

वय्‌कलं उकियात जिगु न्‍ह्यःने फ्‍यनादिल। उकियागु न्‍ह्यःने व ल्‍युने निखेंपाखे शोक, बिलाप व विपत्तिया खँ च्‍वयातःगु दु।

योएल 1:13

हे पुजाहारीत, भांग्रा फिनाः नुगःपा दादां ख्‍व! हे वेदीया न्‍ह्यःने सेवा याइपिं, ह्वाँय्‌ह्वाँय् ख्‍व! हे जिमि परमेश्‍वरया न्‍ह्यःने सेवा याइपिं, भांग्रा फिनाः चच्‍छि च्‍वँ, छाय्‌धाःसा छिमि परमेश्‍वरया छेँय् अन्‍नबलि व त्‍वँसाबलि छाये हयेगु दीधुंकल।

योएल 1:8

थः ल्‍यासे जूबलय्‌याम्‍ह भाःतया निंतिं भांग्रा फिनाः ख्‍वइम्‍ह ब्‍याहा जुइत्‍यंम्‍ह मिसा थें ह्वाँय्‌ह्वाँय् ख्‍व।

आमोस 5:1

अय् इस्राएलया घराना, जिं हालागु विलापया म्‍ये न्‍यँ–

आमोस 5:17

दक्‍व दाखक्‍यबय् नुगः चेचेतुंक ख्‍वइगु जुइ, छाय्‌धाःसा जि छिमिगु दथुं जुयावने,” परमप्रभुं धयादी।

मीका 1:15

हे मारेशाय् च्‍वंपिं मनूत छिमित बुकीम्‍ह छम्‍हय्‌सित जिं हये। इस्राएलया महिमा अदुल्‍लाम गुफाय् वये माली।

मीका 1:8

अथे जुयाः जिं ख्‍वख्‍वं विलाप याये। जि खालि तुति व नांगा जुयाः थुखे उखे जुये। जि ध्‍वंचा थें हाले अले न्‍हिकांझंगः थें ख्‍वये।

मीका 2:10

दँ, वना हे छ्व, थ्‍व थाय् छिमिगु आराम कायेगु थाय् मखु, छाय्‌धाःसा थ्‍व देश अशुद्ध जूगु दु, छुं उपाय मदय्‌क थ्‍व नाश जूगु दु।

हबकूक 2:6

“छु इपिं दक्‍वसिनं थथे धयाः वयागु विरोधय् हिमस्‍याइ ला अले लाय्‌मबूइ ला, “‘खुँयागु मालताल मुंकीम्‍ह व लाकाहःगु मालतालं धनी जुइम्‍हय्‌सित धिक्‍कार! वं गुबलय् तक अथे याइ?’

सपन्‍याह 1:2

“जिं पृथ्‍वीइ दुगु दक्‍व सुचुक न्‍हंकाछ्वये,” परमप्रभुं धयादी।

गन्‍ती 23:18

अले बालामं थ्‍व वचन धाल, “अय् बालाक दँ, अले न्‍यँ! अय् सिप्‍पोरया काय्, जिगु खँ न्‍यँ!

गन्‍ती 23:7

अले बालामं इमित थुकथं ईश्‍वरवाणी बिल, “झासँ, जिगु निंतिं याकूबयात सराः बियादिसँ! इस्राएलयात ख्‍याच्‍वः बियादिसँ! धकाः मोआबया जुजु बालाकं जितः अरामया पुर्बया डाँडांनिसें हल।

गन्‍ती 24:15

अले वं परमेश्‍वरयागु थ्‍व वचन नवात, “थ्‍व बओरया काय् बालामया अगमवाणी खः, मिखां बांलाक खंके फुम्‍ह मनूया अगमवाणी,

गन्‍ती 24:3

अले वं परमेश्‍वरयागु थ्‍व वचन नवात, “थ्‍व बओरया काय् बालामया अगमवाणी खः, मिखां बांलाक खंके फुम्‍ह मनूया अगमवाणी,

मर्कूस 12:12

वय्‌कलं कनादीगु थ्‍व उखान न्‍यनाः इमिसं थःपिन्‍त हे ध्‍याकाः धयादीगु खः धकाः थुइका काल। अले इमिसं वय्‌कःयात ज्‍वनेत स्‍वल। अय्‌नं इमिसं मनूत खनाः ग्‍यानाः ज्‍वने मछाल, अले इपिं सुम्‍क वनाछ्वत।

व्‍यवस्‍था 28:29

कांम्‍ह मनुखं खिउँगु थासय् पचिपचि याः थें न्‍हिनय् छिमिसं पचिपचि याना जुइ। छिमिगु न्‍ह्यागु ज्‍याय् नं छिपिं ताःलाइ मखु। न्‍हियान्‍हिथं छिमित क्‍वत्‍यलातइ, छिमिके दुगु लाकायंकी। छिमित ग्‍वाहालि याइम्‍ह सुं नं दइ मखु।