मीका 2:3 - नेवाः बाइबल

³ अथे जुयाः परमप्रभुं थथे धयादी, “स्‍व, थ्‍व प्रजाया निंतिं जिं तच्‍वःगु विपत्ति छ्वया हयेत्‍यनागु दु, छिपिं उकिं म्‍वाये फइ मखु। छिपि फुँइ क्‍यनाः छ्यं धस्‍वाकाः थुखे उखे जुइ नं फइ मखु। छाय्‌धाःसा व छगू विपत्तियागु ई जुइ।

मीका 2:3 ပူးပေါင်းရင်းမြစ်များ

यशैया 29:20

दयामदुपिं मनूतय्‌गु नां तक हे ल्‍यं मदय्‌क नाश यानाछ्वइ। मेपिन्‍त क्‍वह्यंकीपिं तनावनी, अले मभिंगु ज्‍याय् मिखा तइपिन्‍त नाश यानाछ्वइ।

यशैया 3:16

परमप्रभुं धयादी, “स्‍व, यरूशलेमया मिसात गुलि जक तःधंछुया जूगु। अले यरूशलेमया मिसात छ्यं धस्‍वाकाः मिखा ब्‍वया जुइ, कल्‍लि न्‍ह्यानाः छमछम सः वय्‌काः न्‍यासि जुयाच्‍वनी।

यशैया 5:19

धिक्‍कार दु इमित, गुपिन्‍सं परमप्रभुयात चुनौती बियाः थथे धाइ, “वय्‌कः छाय् हथाय् चायामदीगु अले वय्‌कलं यानादीगु ज्‍या छाय् याकनं झीत मक्‍यंगु छाय् इस्राएलया पवित्र परमेश्‍वरं झायाः थःगु योजना पूवंकामदीगु? अले झीसं व फुक्‍क सीगु।”

यर्मिया 18:11

“उकिं आः छं यहूदायापिं मनूत व यरूशलेमयापिं मनूतय्‌त थथे धा, ‘परमप्रभुं थथे धयादी – स्‍व, जिं छिमिगु विरोधय् विपत्तिया योजना दय्‌का च्‍वनागु दु। उकिं छिपिं सकसिनं थःपिन्‍सं यानाच्‍वनागु मभिंगु ज्‍यायात त्‍वःति, थःगु पहःचहः व थःगु ज्‍या भिंकि।’

यर्मिया 27:12

यहूदाया जुजु सिदकियाहयात जिं थ्‍व फुक्‍क खँ नं धया। जिं धया, “बेबिलोनयाम्‍ह जुजुया जुवा थःगु ककुइ ति अले वयात व वया मनूतय्‌त सेवा या। अले छ म्‍वाइ।

यर्मिया 34:17

“उकिं परमप्रभुं थथे धयादी – छिमिसं जिगु आज्ञा पालन याःगु मदु। अले थः मनूतय्‌त स्‍वतन्‍त्र यायेगु घोषणा याःगु मदु। उकिं आः जिं थःम्‍हं हे छिमिगु निंतिं स्‍वतन्‍त्र यायेगु घोषणा याये, छिमित तरवार, महामारी व अनिकालं सीगु घोषणा याये। जिं छिमित पृथ्‍वीया राज्‍य राज्‍यया निंतिं घच्‍चाइपुपिं यानाबी।

यर्मिया 36:23

यहूदीं भ्‍वँ थू प्‍वलाः च्‍वयातःगु स्‍वझ्‍वः प्‍यझ्‍वः ब्‍वनीगु, जुजुं व ब्‍वने धुंकूगु भाग चकुनं चानाः मकलय् तयाबीगु। व फुक्‍क भ्‍वँया थू मकलय् भस्‍म मजुतले वं अथे याना हे च्‍वन।

यर्मिया 43:2

होशयाहया काय् अजर्याह व कारेहया काय् योहानान व मेपिं फुक्‍क जिराहा मनूतय्‌सं यर्मियायात धाल, “छं मखुगु खँ ल्‍हानाच्‍वंगु दु! ‘छिपिं मिश्र देशय् च्‍वंवने हे मते’ धकाः धायेत परमप्रभु झी परमेश्‍वरं छन्‍त छ्वयाहयादीगु मखु।

यर्मिया 8:3

जिं थ्‍व मभिंगु जातियापिं म्‍वानाच्‍वंपिं मनूतय्‌त पितिनाः गन गन छ्वये अन अन इमिसं म्‍वायेगु स्‍वयाः सीगु यय्‌की।” दक्‍व शक्ति दुम्‍ह परमप्रभुं धयादी।

विलाप 1:14

“जिगु ब्‍वहलय् ककुसिँ थें हे वय्‌कलं थःगु हे ल्‍हातं जिं यानागु मभिंगु ज्‍या जिके तयादिल इपिं नितुनिला जिगु गःपतय् यग्‍गात। वय्‌कलं जिगु शक्तियात ताःमलाकादिल। परमप्रभुं जितः थः शत्रुतय्‌गु ल्‍हातय् लःल्‍हानादिल, तर जि इपिंनापं ल्‍वाये हे मफुत।

विलाप 2:17

परमप्रभुं छु योजना यानादीगु खः। यक्‍व दँ न्‍हापा वय्‌कलं छु घोषणा यानादीगु खः, व हे वचन वय्‌कलं पूवंकादिल। छुं हे दयामाया मदय्‌क वय्‌कलं छन्‍त नाश यानादिल। वय्‌कलं शत्रुयात छंगुपाखें लय्‌ताय्‌कादिल, अले छंगु शत्रुतय्‌गु शक्ति अप्‍वय्‌कादीगु दु।

विलाप 5:5

जिमित ल्‍यूवःपिं जिमिगु पलाः लिक्‍क दु, जिपिं तसकं त्‍यानुचाःगु दु, जिमित आराम मदु।

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

आमोस 2:14

तसकं ब्‍वाँय् वनेफुम्‍ह नं उम्‍के जुइ फइ मखु, अले बल दुम्‍हय्‌सिनं नं थःगु बल छ्यले फइ मखु, लडाइँलय् वनीम्‍हय्‌सिनं नं थःत बचय् याये फइ मखु।

आमोस 3:1

अय् इस्राएलयापिं मनूत, परमप्रभुं छिमिगु विरोधय् अर्थात मिश्र देशं जिं हयापिं फुक्‍क खलःया विरोधय् धयादीगु थ्‍व वचन न्‍यँ –

आमोस 3:2

“पृथ्‍वीइ च्‍वंपिं फुक्‍क परिवारतय्‌गु दथुइ जिं छिमित जक ल्‍ययागु दु। अथे जुयाः छिमिगु दक्‍व पाप व अधर्मया निंतिं जिं छिमित सजाँय बी।”

आमोस 5:13

अथे जुयाः बुद्धि दुम्‍ह मनू थज्‍याःगु इलय् सुम्‍क च्‍वनी, छाय्‌धाःसा ई तसकं मभिं।

मीका 2:1

लासाय् ग्‍वारतुलाः मेपिन्‍त स्‍यंकेगु व मभिंगु ज्‍या यायेगु ग्‍वसाः ग्‍वइपिं मनूतय्‌त धिक्‍कार दु। सुथ जुइवं इमिसं व ज्‍या याइ, छाय्‌धाःसा इमिके अथे यायेगु शक्ति दु।

रोमी 16:4

जितः बचय् यायेत इपिं थःपिं हे झन्‍दलय् सीत्‍यंगु खः। जिं जक मखु, फुक्‍क जात जातियापिं मनूत दुगु मण्‍डलीं नं इमित सुवाः बियाच्‍वंगु दु।

एफिसी 5:16

इलं लाःबलय् हे छिमिसं भिंगु ज्‍याखँ याना जु, छाय्‌धाःसा ई तसकं मभिं।

व्‍यवस्‍था 28:48

अथे जुयाः परमप्रभुं छिमिगु विरोधय् छ्वया हयादीत्‍यंपिं शत्रुतय्‌गु छिमिसं सेवा याइ। छिपिं नये पित्‍याःपिं, प्‍याय्‌चाःपिं व नांगा जुइ। छिमित फुक्‍क खँय् मगाःमचाः जुइ। छिपिं नाश जुया मवंतले परमप्रभुं छिमिगु गःपतय् ल्‍वहंयागु जुवा तयादी।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।