मीका 2:1 - नेवाः बाइबल

¹ लासाय् ग्‍वारतुलाः मेपिन्‍त स्‍यंकेगु व मभिंगु ज्‍या यायेगु ग्‍वसाः ग्‍वइपिं मनूतय्‌त धिक्‍कार दु। सुथ जुइवं इमिसं व ज्‍या याइ, छाय्‌धाःसा इमिके अथे यायेगु शक्ति दु।

मीका 2:1 ပူးပေါင်းရင်းမြစ်များ

उत्‍पत्ति 31:29

जिं छन्‍त स्‍यंके नं फु। तर म्‍हिगः चान्‍हय् छिमि बाःया परमेश्‍वरं जितः धयादिल, ‘होश या, छं याकूबयात छुं कथं ख्‍याये मते।’

१ राजा 21:7

ईजेबेलं वयात धाल, “इस्राएलयाम्‍ह जुजु छि खः, कि सु खः? लासां दनादिसँ, ख्‍वाः खिउँकादी मते, छुं भपियादिसँ! जिं नाबोतया दाखक्‍यब छितः बीके।”

एस्‍तर 3:8

अले हामानं अहासूरस जुजुयात धाल, “छसपोलया राज्‍य दुने छगू जाति देय्‌या फुक्‍क प्रान्‍तय् मनूतय् दथुइ च्‍वनाच्‍वंगु दु। इपिं ब्‍यागल च्‍वना वयाच्‍वंगु दु। इमिगु रितिथिति मेगु फुक्‍क जातितय्‌गु स्‍वयाः पा। इमिसं छसपोलया नियम कानून नं मानय् मयाः। छिसं इमित सह यानाच्‍वनेगु बांलाः मजू।

एस्‍तर 5:14

अले वया कलाः व सकल पासापिन्‍सं वयात धाल, “निइन्‍यागू मिटर तःजाःगु छगू फांसि बीगु थां थनादिसँ, अले सुथय् मोर्दकैयात थामय् यख्‍खाय्‌त जुजुयात इनाप यानादिसँ। अले खुसि जुयाः जुजुनापं भ्‍वय् नयेत झासँ।” हामानयात थ्‍व खँ तसकं यल अले वं व फांसि बीगु थां धस्‍वाके बिल।

एस्‍तर 9:25

जुजुं थ्‍व खँ सीवं यहूदीतय्‌गु विरोधय् हामानं याःगु मभिंगु ज्‍यात वयागु हे छेनय् तयेत व वया काय्‌पिन्‍त फांसिया थामय् यख्‍खायेत जुजुं च्‍वयाः उजं बिल।

अय्‍यूब 15:35

इमिसं संकट प्‍वाथय् दय्‌की अले अधर्म बुइकी, इमिगु मनय् न्‍ह्याबलें धोखा हे धोखा दइ।”

अय्‍यूब 24:14

ज्‍यानमारा धाःसा सुथय् खिउँ खिउँ धाबलय् दनाः गरीब व मगाःमचाःपिन्‍त स्‍याइ। चान्‍हय् धाःसा वं खुँनं थें लुटपाट याइ।

भजनसंग्रहया सफू 36:4

लासाय् ग्‍वारातुलीबलय् तक नं इमिसं मभिंगु ग्‍वसाः ग्‍वयाच्‍वनी। इमिगु ज्‍या छुं नं भिंगु मदु। मभिंगु यायेत धाःसा इपिं छपलाः हे लिचिली मखु।

भजनसंग्रहया सफू 36:5

हे परमप्रभु! छिगु न्‍ह्याबलें दयाच्‍वनीगु माया आकाश थें तःधं। अले छि विश्‍वास याये बहःम्‍ह खः धयागु खँ सुपाँय् स्‍वयाः नं पुलाः वं।

भजनसंग्रहया सफू 58:3

मभिंपिं मनूतय्‌सं मसीतले मभिंगु ज्‍या जक यानाच्‍वनी। बूसांनिसें हे इमिसं मखुगु खँ ल्‍हायेगु व बेक्‍वःगु लँय् जुइगु याइ।

हितोपदेश 12:2

भिं मनूयात परमप्रभुं नं यय्‌की, नुगः वँचुपिन्‍त परमप्रभुं दोषी ठहरय् यानादी।

हितोपदेश 14:22

छं मभिंगु ज्‍या यायेगु बिचाः यात धाःसा छं द्वंकाच्‍वन, भिंगु ज्‍या याइपिन्‍सं मेपिनिपाखें हनाबना व माया कायेखनी।

हितोपदेश 3:27

छं फतले छंगु ग्‍वाहालि माःपिन्‍त ग्‍वाहालि या।

हितोपदेश 4:16

दुष्‍टत सुयातं मस्‍यंकुतले द्यनेफइ मखु सुयातं क्‍वःमथतले इमि न्‍ह्यः वइ मखु।

यशैया 29:20

दयामदुपिं मनूतय्‌गु नां तक हे ल्‍यं मदय्‌क नाश यानाछ्वइ। मेपिन्‍त क्‍वह्यंकीपिं तनावनी, अले मभिंगु ज्‍याय् मिखा तइपिन्‍त नाश यानाछ्वइ।

यशैया 3:14

परमप्रभुं थकालित व थः प्रजायात शासन याइपिनिगु विरूद्धय् न्‍याय यानादी। वय्‌कलं इमित थथे द्वपं बियादीगु दु – “छिमिसं जिगु क्‍यबयागु दाख नाश याःगु दु। चीमिपिंपाखें लुतय् यानाहःगु मालसामानं छिमिगु छेँ जाःगु दु।

यशैया 32:7

मभिंगु ज्‍या यानाजुइपिनिगु चाला मभिंगु हे जुइ, दुःखय् लानाच्‍वंपिन्‍सं फ्‍वंगु पाय्‌छि जूसां नं मगाःमचाःपिन्‍त मखुगु खं नाश यायेगु निंतिं इमिसं मभिंगु ज्‍याया योजना दय्‌की।

यशैया 5:8

धिक्‍कार छिमित, गुपिन्‍सं छेँया छें जाय्‌कल अले बुँया बुँ जक न्‍यानाः मेपिन्‍त थाय् हे मदय्‌काबिल। देशय् छिपिं जक हे च्‍वनी।

यशैया 59:3

छाय्‌धाःसा छिमिगु ल्‍हाः हिं त्‍वपूगु दु व छिमिगु पतिंचाय् दोष कीगु दु अले छिमिगु म्‍हुतुं मखुगु खँ ल्‍हाःगु दु अले छिमिगु मेचां मभिंगु खँ ल्‍हाःगु दु।

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

इजकिएल 11:2

परमप्रभुं जितः धयादिल, “अय् सीमानिम्‍ह मनू, थ्‍व शहरय् मभिंगु ज्‍या यायेत ग्‍वसाः ग्‍वःपिं व मभिंगु सल्‍लाह ब्‍यूपिं मनूत थुपिं हे खः।

इजकिएल 33:26

छिमिसं थःगु तरवारय् भलसा तइगु, छिमिसं घच्‍चाइपुगु ज्‍या याइगु, छिपिं सकसिनं छम्‍हय्‌सिनं मेम्‍हय्‌सिया कलाःयात स्‍यंकीगु। धात्‍थें हे छिमिसं थ्‍व देश छिमिगु खः धकाः मतिइ तयागु ला?’

इजकिएल 38:10

“‘परमप्रभु परमेश्‍वरं थथे धयादी – उखुन्‍हु छुं बिचाःत छंगु नुगलय् वइ, अले छं छगू मभिंगु ग्‍वसाः ग्‍वइ।

इजकिएल 46:18

शासकं मनूतय्‌त थःगु जग्‍गा जमिनं पितिनाछ्वयाः इमिगु सर्बय लाकाकाये मज्‍यू। वं थःगु हे जग्‍गा जमिनं छुं ब्‍व थः काय्‌पिन्‍त सर्बय कथं बीमाः थुकथं जिम्‍ह सुं मनूयात वयागु थःगु जग्‍गा जमिनपाखें अलग याइ मखु।’”

मीका 6:12

थनयापिं तःमिपिं मनूत ल्‍वापुख्‍यापुं जाःगु दु। थनच्‍वंपिं सकसिनं मखुगु खँ ल्‍हानाच्‍वंगु दु। इमिगु म्‍हुतुं छलया खँ ल्‍हानाच्‍वनी।

नहूम 1:11

अय् निनवे! छंपाखें छम्‍ह परमप्रभुया विरोधय् ग्‍वसाः ग्‍वइम्‍ह, व मभिंगु सल्‍लाह बीम्‍ह पिहां वःगु दु।

जकरिया 7:10

भाःत सी धुंकूपिं मिस्‍त व मांबौ मदुपिं मस्‍त, परदेशी वा मगाःमचाःपिन्‍त क्‍वत्‍यले मते। छम्‍हय्‌सिनं मेम्‍हय्‌सित स्‍यंकेगु योजना दय्‌के मते।’

मर्कूस 15:1

कन्‍हय् खुन्‍हु सुथ न्‍हापां हे तःधंपिं पुजाहारीत, थकालिपिं व शास्‍त्रीतय्‌सं सल्‍लाह यानाः येशूयात चिनायंकाः पिलातसयात लःल्‍हाना बिल।

लूका 20:19

वय्‌कलं अथे धयादीगुलिं शास्‍त्रीत व तःधंपिं पुजाहारीतय्‌सं वय्‌कःयात अन हे ज्‍वनेत स्‍वल, छाय्‌धाःसा व उखान इमित हे किकाः न्‍यंकादीगु खः धकाः इमिसं सीकल। अय्‌नं मनूत खनाः ग्‍यानाः इमिसं वय्‌कःयात ज्‍वने मफुत।

यूहन्‍ना 19:11

वय्‌कलं वयात लिसः बियादिल – “छितः थ्‍व अधिकार च्‍वय्‌नं मब्‍यूगु जूसा छिं जितः छुं नं याये फइ मखु। अय्‌जूगुलिं सुनां जितः ज्‍वनाः छिथाय् हल, वयात हे अप्‍वः पाप लाइ।”

प्रेरित 23:12

कन्‍हय् खुन्‍हु सुथय् यहूदीतय् नायःतय्‌सं मुनाः पावलयात स्‍यायेगु ग्‍वसाः ग्‍वल। इमिसं “पावलयात मस्‍यासे त्‍वःते मखु, वयात मस्‍याय्‌कं नये नं मखु, त्‍वने नं मखु” धकाः पाफल।

प्रेरित 23:15

अय्‌जूगुलिं छिकपिन्‍सं तःधंम्‍ह कप्‍तानयाथाय् झायाः ‘पावलयागु मेमेगु खँ नं बांलाक सीके माःगु दु, उकिं वयात छकः क्‍वत हजि’ धकाः धयादिसँ। अले जिमिसं वयात थन मथ्‍यंवं लँय् हे स्‍यानाबी।”

रोमी 1:30

ख्‍वाः ल्‍युने कर्पिन्‍त मभिंकाः खँ ल्‍हाः जुइगु, परमेश्‍वरयात हेला यायेगु, तःधंछुयाः कर्पिन्‍त हेला यानाः खँ ल्‍हायेगु, घमण्‍डी जुइगु, जि हे खः तःधंम्‍ह धकाः जुइगु, मभिंगु बांमलाःगु जक ज्‍याखँ यानाजुइगु व मां बौयात मानय् मयायेगु।

व्‍यवस्‍था 28:32

छिमि काय्‌म्‍ह्याय्‌पिं मेगु देशयापिं मनूतय्‌गु ल्‍हातय् ला वनी। छिमि काय्‌म्‍ह्याय्‌पिं लिहां वइ ला धकाः न्‍हियान्‍हिथं छिमिसं मिखा ब्‍वयाच्‍वनी। अय्‌नं छिमिसं छुं याये फइ मखु।