मीका 1:8 - नेवाः बाइबल

⁸ अथे जुयाः जिं ख्‍वख्‍वं विलाप याये। जि खालि तुति व नांगा जुयाः थुखे उखे जुये। जि ध्‍वंचा थें हाले अले न्‍हिकांझंगः थें ख्‍वये।

मीका 1:8 ပူးပေါင်းရင်းမြစ်များ

२ राजा 18:13

हिजकियां राज्‍य यानाच्‍वंगु झिंप्‍यदँ दुबलय् अश्‍शूरया जुजु सनहेरीबं यहूदाया फुक्‍क पःखाः ग्‍वयातःगु शहरतय्‌त हमला यानाः त्‍याका काल।

एस्‍तर 4:1

थ्‍व फुक्‍क खँ न्‍यनेवं मोर्दकैनं थःगु वसः खुत, भांग्रा फिनाः नलीं बुलाः तःसलं हालाः विलाप यायां शहरया प्‍यखेरं चाःहुलाजुल।

अय्‍यूब 30:29

जि ध्‍वंचातय् किजा जूगु दु, न्‍हिकांझंगःत जि पासापिं जूगु दु।

भजनसंग्रहया सफू 102:6

जि मरुभूमियाम्‍ह न्‍हिकांझंगः थें जुइ धुन, झिजांमिजां दंगु थासय् च्‍वंम्‍ह न्‍हिकांझंगः थें जुइ धुन।

यशैया 13:21

तर अन मरुभूमिइ च्‍वनीपिं पशुत आराम कायेगु याइ। इमिगु छेँत ध्‍वंचातय्‌सं जाइ। अन न्‍हिकांझंगःतय्‌सं स्‍वँ दय्‌की। गुँ च्‍वलय्‌चात अन तितिंन्‍हुया म्‍हितिगु थाये जुइ।

यशैया 13:22

अनयागु किल्‍ला व दरबारय् ध्‍वंचातय्‌सं व फ्‍याकाधोंतय्‌सं थ्‍वय्‌कः हाःगु सः ताये दइ। बेबिलोनया ई लिक्‍क वःगु दु, वयागु ई आः अप्‍वः मन्‍त।

यशैया 16:9

अथे जुयाः जि सिब्‍माया दाखमाया निंतिं याजेर ख्‍व थें ख्‍वये। हे हेश्‍बोन, हे एलाले, जिगु ख्‍वबिं छन्‍त प्‍याकाबी। छंगु पाकय् जूगु फलत व बालीया लसताया सः मवये धुंकल।

यशैया 21:3

अनंलि जिगु म्‍ह तसकं कष्‍टं जायावल। व दुःखकष्‍ट मचाबू ब्‍यथा जूम्‍ह मिसायागु थें च्‍वं। जिं छु न्‍यना उकिं जिगु छ्यं क्‍वछुल जिं छु खनाः उकिं जिगु नुगः क्‍वतुन,

यशैया 22:4

अथे जुयाः जिं धया, “जिपाखें फःहिला हुँ! जितः ह्वाँय्‌ह्वाँय् ख्‍वये ब्‍यु, जिमि प्रजाया नाशया कारणं जितः ह्यय्‌केगु कुतः याये मते।”

यशैया 32:11

अय् याउँक च्‍वनाच्‍वंपिं मिसात, थुरथुर खा, हे याउँक च्‍वनाच्‍वंपिं म्‍ह्याय्‌पिं थुरथुर खा। थःगु वसः त्‍वःताः पचिंनांगा जु, अले थथःगु जँय् भांग्रा हिनाब्‍यु।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

यर्मिया 9:10

जिं धया– जि पहाडतय्‌गु लागि ख्‍वये, जि मरुभूमिइ दुगु घाँय्‌ख्‍यःया निंतिं ख्‍वये, छाय्‌धाःसा व गने धुंकल। सुं नं अनं यात्रा याइ मखु। अन सा द्वहं मन्‍त। पशुत व झंगःत बिस्‍युं वने धुंकल।

यर्मिया 9:19

सियोनयापिं ख्‍वयाच्‍वंगु सः ताये दयाच्‍वंगु दु, ‘जिपिं गय् यानाः नाश जुल। जिमित तसकं बेइज्‍जत याःगु दु, जिमिसं थःगु देश त्‍वःते हे माः, छाय्‌धाःसा इमिसं जिमिगु छेँ नाश यानाब्‍यूगु दु।’”

इजकिएल 32:18

“अय् सीमानिम्‍ह मनू, मिश्र देशया सेनाया लागिं ख्‍वः, वयात व बबल्‍लाःगु जातिया म्‍ह्याय्‌पिन्‍त पातालय् लानाच्‍वंपिं मनूतय्‌थाय् पृथ्‍वीया क्‍वय्‌पाखे क्‍वका!

मीका 2:4

उगु दिनय् मनूतय्‌सं छिमित हेस्‍याइ अले छिमित लाय्‌बुयाः थ्‍व बिलापया म्‍ये हाली, ‘जिपिं भज्‍यंक नाश जुल, जिमि मनूतय्‌गु सम्‍पत्ति इनाब्‍यूगु दु, वय्‌कलं थ्‍व जिपाखें लाकाकयादी। वय्‌कलं जिमिगु बुँ जिमित ध्‍वं लाइपिन्‍त इनाबियादी।’”

१ शमूएल 19:24

वं अन थःगु लं त्‍वःतल अले शमूएलया न्‍ह्यःने अगमवाणी धाधां उखुन्‍हु न्‍हिच्‍छि चच्‍छि पचिनांगां हे बँय् ग्‍वारातुलाच्‍वन। अथे जुयाः मनूतय्‌सं थथे धयाहल, “छु शाऊल नं अगमवक्तातय्‌गु पुचःयाम्‍ह हे जुल ला?”