मीका 1:6 - नेवाः बाइबल

⁶ “अथे जुयाः जिं सामरियायात ल्‍वहंया कुचाकाचाया द्वँ दय्‌काबी, अले दाखया क्‍यब दय्‌काबी। जिं उकिया ल्‍वहंत ब्‍यासिइ वांछ्वयाबी। अले उकिया जग प्‍वलाबी।

मीका 1:6 ပူးပေါင်းရင်းမြစ်များ

२ शमूएल 17:13

दाऊद छुं शहरय् शरण कयाच्‍वंगु जूसां फुक्‍क इस्राएलं व शहरयात खिपतं चिनाः जगय् छग्‍वः नं ल्‍वहं ल्‍यंमदय्‌कः लुयाः ब्‍यासिइ थ्‍यंकाबी।”

२ राजा 18:10

स्‍वदँ तक घेरय् यायेधुंकाः अश्‍शूरीतय्‌सं सामरिया त्‍याका काल। थुकथं हिजकियां राज्‍य यानाच्‍वंगु खुगूगु दँय्, गुगु इस्राएलया जुजु होशियां राज्‍य यानाच्‍वंगु गुंगूगु दँ खः, अश्‍शूरीतय्‌सं सामरिया त्‍याका काल।

२ राजा 18:9

हिजकियां राज्‍य यानाच्‍वंगु प्‍यंगूगु दँय्, गुगु इस्राएलय् जुजु एलाहया काय् होशियां राज्‍य यानाच्‍वंगु न्‍हय्‌गूगु दँ खः, अश्‍शूरयाम्‍ह जुजु शलमनेशेरं इस्राएलय् हमला यात अले सामरियायात घेरय् यात।

२ राजा 19:25

“‘यक्‍व न्‍हापा हे जिं अथे यायेगु ग्‍वसाः ग्‍वयागु खः धकाः छु छं गुबलें मन्‍यना ला? आः जिं हे व पूवंका। पखालं घेरय् यानातःगु शहरतय्‌त नाश यानाः द्वंचिंकेगु शक्ति जिं छन्‍त बिया।

यशैया 17:1

दमस्‍कसया विरोधय् अगमवाणी, “स्‍व, दमस्‍कस शहर दइ मखुत। व दुना वनाः तःजाःगु द्वँ जक जुइतिनि।

यशैया 25:12

छंगु तःतज्‍जाःगु किल्‍लात दुगु पःखात वय्‌कलं थुनादी, अले उमित बँय् धुलय् वान्‍छ्‌वयादी।

यशैया 25:2

छिं शहरत नाश यानादीगु दु अले इमिगु किल्‍लात नं नाश यानादीगु दु। शत्रुतय्‌सं दय्‌कूगु जुजुया दरबारत नं नाश यानादीगु दु, उपिं हाकनं गुबलें नं दय्‌की मखुत।

यर्मिया 31:5

छं सामरियाया डाँडा डाँडाय् हाकनं दाखमा पी। किसानतय्‌सं दाखमा पी अले उकिया फल नइ।

यर्मिया 51:25

“हे नाश याइगु पहाड, गुगु फुक्‍क पृथ्‍वीयात नाश याइगु खः, स्‍व! जि हे छंगु विरोधय् दु,” परमप्रभुं धयादी, “अले जिं थःगु ल्‍हाः छंगु विरोधय् न्‍ह्यज्‍याके। छन्‍त भीरं क्‍वय् क्‍वफानाबी, अले छन्‍त मिं नःगु पहाड यानाबी।

यर्मिया 51:37

बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

विलाप 4:1

लुँ मथिना वने धुंकल! भिंगु लुँ तक नं बुलुया वने धुंकल। पवित्र थाय्‌यागु मू तूगु ल्‍वहंत चुक चुकय् वांछ्वयातःगु दु!

इजकिएल 13:14

अले छिमिसं सख्‍वाः पाःगु पःखाःयात जिं थुनाबी अले उकियात बँ तक हे माथं वंकाबी। व दुनीबलय् छिपिं नं उकिं ल्‍हानाः नाश जुइ, अले परमप्रभु जि हे खः धकाः छिमिसं सी।

होशे 13:16

थः परमेश्‍वरया विरोधय् विद्रोही जूगुलिं सामरियाय् च्‍वंपिं मनूतय्‌सं थःगु दोषया निंतिं सजाँय फये हे माली। इमित तरवारं स्‍याइ, अले इमि मस्‍तय्‌त बँय् बस्‍वानाः स्‍याइ, इमि प्‍वाथय् दुपिं मिसातय्‌गु प्‍वाः फायाबी।”

आमोस 5:11

छिमिसं मगाःमचाःपिन्‍त क्‍वत्‍यला च्‍वन, इमिगु अन्‍न लुतय् यानाच्‍वन। अथे जुयाः ल्‍वहंया ततःखाःगु छेँ छिमिसं दय्‌कूसां छिपिं उकी च्‍वने दइ मखु। छिमिसं लहलह वइगु दाखमा प्‍यूसां छिमिसं उकियागु दाखमद्य त्‍वने खनी मखु।

आमोस 6:8

परमप्रभु परमेश्‍वरं थःगु हे नामं पाफयादीगु दु। दक्‍व शक्ति दुम्‍ह परमप्रभु परमेश्‍वरं घोषणा यानादी – “जिं याकूबया घमण्‍डयात यय्‌के मखु, अले वया किल्‍लातय्‌त तच्‍वकं मयय्‌के। जिं थुकी दुगु दक्‍वनापं थ्‍व शहरयात शत्रुतय्‌गु ल्‍हातिइ लःल्‍हानाबी।”

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

हबकूक 3:13

थः मनूतय्‌त उद्धारया निंतिं, थः अभिषेक जूम्‍हय्‌सित बचय् यायेत छि झायादिल। दुष्‍टताया देशया न्‍हेलुवाःयात छिं चुंचुं यानादिल, वयागु छेनंनिसें तुति तक पचिनांगा यानादिल। सेला

मत्ती 24:2

अले वय्‌कलं धयादिल – “बांलाक स्‍वयाच्‍वँ। जिं छिमित खःगु खँ धाये – थ्‍व फुक्‍क दुना वनाः ल्‍वहं छगः नं दइ मखुत।”