मीका 1:5 - नेवाः बाइबल

⁵ थुपिं फुक्‍व याकूबया अपराध व इस्राएलया घरानाया पापया कारणं जूगु खः। याकूबया अपराध छु खः लय्? छु व सामरिया मखु ला? यहूदाया द्यःपुजा याइगु थाय् गन दु? छु व यरूशलेम मखु ला?

मीका 1:5 ပူးပေါင်းရင်းမြစ်များ

१ राजा 11:7

यरूशलेमया पुर्बपाखेया पहाडय् वं घच्‍चाइपूम्‍ह मोआबी द्यः कमोश व अम्‍मोनीतय् घच्‍चाइपूम्‍ह द्यः मोलोखयात पुजा याइगु पुजा यायेगुथाय् दय्‌कल।

१ राजा 13:32

छाय्‌धाःसा परमप्रभुया वचनपाखें बेथेलय् च्‍वंगु वेदी व फुक्‍क सामरियाया शहरया पुजा याइगु थासय् दुगु थांया विरोधय् वं धाःगु खँ धात्‍थें पूवनी।”

१ राजा 16:24

वं ६८ किलो वहः बियाः शेमेरया ल्‍हातिं सामरियाया डाँडा न्‍यानाः डाँडाय् छगू शहर दय्‌कल। उगु डाँडाया न्‍हापांम्‍ह थुवाः शेमेरया नामय् उकिया नां सामरिया तल।

२ इतिहास 34:3

योशियाह जुजु जूगु च्‍यागूगु दँय्, व ल्‍याय्‌म्‍हबलय् वं थः पुर्खा दाऊदया परमेश्‍वरयात माल। अले झिंनिगूगु दँय् यहूदा व यरूशलेमय् दुगु पुजा याइगु थाय् व अशेरा द्यःमय्‌जुया थांत अले कियाः दय्‌कातःगु व ढलोटया मूर्तित चीकल।

२ इतिहास 34:4

जुजुया आज्ञा कथं वया मनूतय्‌सं बालद्यःया वेदीत थुनाबिल। इमिसं अशेरा द्यःमय्‌जुया थांत व मेपिं द्यःतय्‌गु मूर्तित धू यानाः उपिं द्यःतय्‌त बलि बीपिं मनूतय्‌गु चिहानय् ह्वलाबिल

यशैया 7:9

इस्राएल वया राजधानी सामरिया स्‍वयाः बमलाः अले सामरिया रमल्‍याहया काय् जुजु पेकह स्‍वयाः नं बमलाः। छुं जुयाः छिपिं थःगु विश्‍वासय् क्‍वातुक्‍क च्‍वना मच्‍वन धाःसा छिपिं नं दयाच्‍वनी मखु।’”

यर्मिया 2:17

परमप्रभु छिमि परमेश्‍वरं छन्‍त लँय् यंकूसां हे वयात त्‍वःतूगुलिं छं थ्‍व खँ थःके हःगु मखु ला?

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 23:13

“सामरियायापिं अगमवक्तातय्‌के जिं छगू घच्‍चाइपुगु खँ खना। इमिसं बालद्यःया नामय् अगमवाणी ल्‍हात अले जि प्रजायात मखुगु लँय् यंकल।

यर्मिया 23:14

यरूशलेमयापिं अगमवक्तातय्‌के नं जिं छगू ग्‍यानापुगु खँ खना। इमिसं व्‍यभिचार याइगु अले मखुगु खँ ल्‍हाइगु। इमिसं मखुगु ज्‍या यायेत मनूतय्‌त ग्‍वाहालि याइगु। सुनानं मभिंगु ज्‍या यायेगु मत्‍वःतू। इपिं सकलें जिगु लागि सदोम थें खः, यरूशलेमयापिं मनूत गमोरा थें जूगु दु।”

यर्मिया 4:18

“हे यहूदा, छंगु ज्‍याखं थ्‍व खँ छं थःके हल। छंगु पापं छंके थ्‍व दुःखकष्‍ट हःगु खः। उकिं छंगु नुगलय् सूगु दु।”

यर्मिया 5:25

छिमिगु मभिंगु ज्‍यां यानाः थुपिं खँयात तापाक तःगु दु। छिमिगु पापं यानाः छिमित थ्‍व भिंगु खं तापाकाब्‍यूगु दु।

यर्मिया 6:19

हे पृथ्‍वी न्‍यँ, स्‍व! जिं थुपिं मनूतय्‌थाय् विपत्ति हये, गुगु इमिगु थःगु हे बिचाःया लिच्‍वः खः। इमिसं जिगु वचनय् ध्‍यान मब्‍यू। अले जिगु व्‍यवस्‍थायात इमिसं त्‍वःतल।

विलाप 5:16

जिमिगु छेनं श्रीपेच कुतुं वंगु दु, जिमित धिक्‍कार दु, छाय्‌धाःसा जिमिसं पाप यानागु दु।

इजकिएल 16:46

छिमि तता थःम्‍ह्याय्‌पिंनापं छंगु उत्तरपाखे च्‍वनीम्‍ह सामरिया खः, छिमि केहेँ थः म्‍ह्याय्‌पिंलिसें छंगु दच्‍छिनपाखे च्‍वनीम्‍ह सदोम खः।

होशे 7:1

जिं इस्राएलयात लाय्‌काबीबलय् एफ्राइमया दुष्‍टता, व सामरियाया दुष्‍ट ज्‍या खनेदः वइ। इमिसं मेपिन्‍त ध्‍वंलानां तुं च्‍वनी खुँतय्‌सं छेँ स्‍यंकी, खुयायंकी, डाँखुतय्‌सं लँय् लुतय् याइ।

आमोस 6:1

सियोनय् मोजमज्‍जा यानाः आरामं च्‍वनाच्‍वंपिन्‍त व सामरियाया डाँडाय् थःत सुरक्षित ताय्‌कीपिन्‍त धिक्‍कार। छिपिं न्‍हापांगु जातिया नांजाःपिं मनूत खः, ग्‍वाहालि फ्‍वनेत छिमिथाय् इस्राएलया मनूत वयाच्‍वनी।

आमोस 7:9

“इसहाकया ततःजाःगु पुजा याइगु थाय् भज्‍यंक नाश जुइ, अले इस्राएलया पवित्रथाय् भज्‍यंक स्‍यनी। जिं तरवार ज्‍वनाः यारोबामया घरानायात हमला याये।”

आमोस 8:14

सामरियाया मूर्तितय्‌गु नामं पाफइपिं वा ‘दानया द्यःत व बेर्शेबाया द्यःतय्‌गु’ नामं पाफइपिं दक्‍वं क्‍वदली, अले हाकनं गुबलें दने फइ मखु।”

मीका 1:13

हे लाकीशय् च्‍वंपिं मनूत, छिमिसं सलत रथय् च्‍यु। म्‍ह्याय् सियोनया पापया शुरु छिपिं हे खः। छाय्‌धाःसा इस्राएलया अपराधत छिमिके हे लुत।