4 वय्कःया क्वय् पहाडत नायावनी, अले ब्यासित निब्व जुइ। पहाडत मिइ मैन नायावं थें नायावनी, भीरं लः क्वहां वः थें ल्वहंत सुल्ल क्वहां वनी।
जाति जातियापिं मनूतय् दथुइ तसकं हल्लाखल्ला जुल, राज्य-राज्य लिगिलिगि सनाः क्वःदल वय्कलं थःगु सः पिकयादिल, पृथ्वी नायावन।
फसं कुँयात ब्वय्कू थें वय्कलं इमित ब्वय्कादीमा, मिइ मैन नायावं थें परमेश्वरया न्ह्यःने दुष्टत नाश जुयावनेमा।
परमप्रभुया न्ह्यःने, फुक्क पृथ्वीयाम्ह प्रभुया न्ह्यःने पहाडत मैन थें नायावनी।
दक्व शक्ति दुम्ह परमप्रभु परमेश्वर वय्कः हे खः, गुम्हं पृथ्वीयात थीबलय् व नायावनी, उकी च्वंपिं दक्वसिनं दुखं च्वनी। पृथ्वी खुसिबाःया इलय् नील खुसि थें थाहां वइ अले मिश्र देशया खुसि थें क्वहां वनी।
वय्कःया न्ह्यःने पहाडत थुरथुर खाइ, अले डाँडात नायावनी। वय्कःया न्ह्यःने पृथ्वी थुरथुर खाइ, संसार व अन दुपिं फुक्क मनूत थुरथुर खाइ।
पहाडत छितः खनाः थुरथुर खात। आकाशं वा वया हे च्वन। ततःजाःगु समुद्र थ्वय्क हाल अले लःग्वारा सन।
वय्कः जुइगु दिनाः पृथ्वीयात संकादिल। वय्कलं स्वयादिल, अले जात जातित थुरथुर खात। न्हापांनिसें दुगु पहाड पर्वतत कुचा कुचा जुल, उपिं पुलांगु डाँडात क्वदल। वय्कः सदां झाया हे च्वनादी।
उखुन्हु हे वय्कः यरूशलेमयागु पुर्बपाखे जैतून डाँडाय् दनादी। अबलय् जैतून डाँडा पुर्बंनिसें पच्छिम तक दथु दथुं चिरिबायाः तःधंगु गाः जुइ। बच्छि डाँडा उत्तरपाखे व बच्छि डाँडा दच्छिनपाखे चिलावनी।
अनं लिपा जिं तःधंगु तुयुगु सिंहासन व उकी फ्यतुना च्वंम्हय्सित खना। वय्कःयात खनाः आकाश व पृथ्वी मदयावन। अले इमित च्वनेत गनं हे थाय् मन्त।
“हे परमप्रभु, छि सेइरं पिहां झाःबलय्, छि एदोम देशं पिहां झाःबलय्, पृथ्वी थुरथुर खात, अले आकाशं फुति फुति वा वल, खः, सुपाचं वा वल।