मीका 1:12 - नेवाः बाइबल

¹² मारोतया मनूत नुगः खुलखुल मिंका उद्धार पियाच्‍वंगु दु। तर परमेश्‍वरयापाखें विपत्ति यरूशलेमयागु ध्‍वाखाय् तक थ्‍यंकः वःगु दु।

मीका 1:12 ပူးပေါင်းရင်းမြစ်များ

अय्‍यूब 30:26

जिं भिं जुइगु आशा यानागु खः, तर उकिया पलेसा मभिं वल। जःयागु आशा यानागु खः, तर खिउँगु वल।

यशैया 45:7

जिं जः दय्‌का, अले खिउँगुयात नं सृष्‍टि याना। जिं आशिष व विपत्ति निगुलिं हया। जि परमप्रभुं हे थुपिं फुक्‍क ज्‍या याना।

यर्मिया 14:19

छु! छिं यहूदायात त्‍वःता हे दियागु खः ला? छितः सियोन तसकं मयः ला? जिमित लने हे मफय्‌क छाय् छिं कय्‌कादियागु? जिमिसं शान्‍तिया आशा यानाः तर छुं नं भिंगु खँ मवः। लनीगु ई पियाच्‍वनाः तर आतंक जक दु।

यर्मिया 8:15

झीसं शान्‍तिया आस यानागु खः, अय्‌नं छुं भिंगु खँ मवः, लाय्‌काबीगु ईया आस यानागु खः अय्‌नं आतंक जक दु।

आमोस 3:6

गुगुं शहरय् लडाइँया तुरही पुइबलय् मनूत मग्‍याइ ला? परमप्रभुं मछ्वतले छु गुगुं शहरय् विपत्ति वइ ला?

मीका 1:9

सामरियायागु घाः लनी मखु। व यहूदाय् नं वःगु दु, यरूशलेमया ध्‍वाखा तक नं थ्‍यंगु दु।

रुथया सफू 1:20

वं धाल, “जितः नाओमी धाये मते। जितः मारा धा, छाय्‌धाःसा दक्‍व शक्ति दुम्‍ह परमेश्‍वरं जिगु जीवन तसकं म्‍हाइपुका बियादीगु दु।

१ शमूएल 4:13

एली धाःसा परमप्रभुया बाचाया सनूया निंतिं तसकं धन्‍दा कयाच्‍वन। अले लँसिथय् थः च्‍वनेगु थासय् च्‍वनाः त्‍वलय् जुयाच्‍वन। व मनुखं शहरय् न्‍यंकभनं खबर थ्‍यंकल, अले फुक्‍क मनूत ग्‍यानाः तसकं हाला हल।