मीका 1:1 - नेवाः बाइबल

¹ यहूदाया जुजुपिं योताम, आहाज व हिजकियां राज्‍य यानाच्‍वंबलय् मोरेशेत शहरय् च्‍वंम्‍ह मीकायाथाय् वःगु परमप्रभुया वचन, थ्‍व दर्शन वं सामरिया व यरूशलेमयागु बारे खंगु खः।

मीका 1:1 ပူးပေါင်းရင်းမြစ်များ

२ राजा 15:32

इस्राएलया जुजु रमल्‍याहया काय् पेकहं राज्‍य यानाच्‍वंगु निगूगु दँय् उज्‍जियाहया काय् योताम यहूदाया जुजु जुल।

२ राजा 15:5

परमप्रभुं वयात छेंगूया पुनेयःगु ल्‍वचं कय्‌काः सजाँय बियादिल। व सी न्‍ह्यः तक नं छेंगूया पुनेयःगु ल्‍वय् जुयाच्‍वन। छेंगूया पुनेयःगु ल्‍वय् जूगुलिं व ब्‍यागलं मेगु हे छेँय् च्‍वन। दरबारया फुक्‍क जिम्‍मा वया काय् योतामयात बिल। वया काय् योतामं देशय् शासन यात।

२ राजा 16:1

रमल्‍याहया काय् पेकहं राज्‍य यानाच्‍वंगु झिंन्‍हय्‌गूगु दँय् योतामया काय् आहाज यहूदायाम्‍ह जुजु जुल।

२ राजा 18:1

इस्राएलया जुजु एलाहया काय् होशियां राज्‍य यानाच्‍वंगु स्‍वंगूगु दँय् आहाजया काय् हिजकिया यहूदायाम्‍ह जुजु जुल।

२ इतिहास 28:1

आहाज निइदँ दुबलय् जुजु जूगु खः। वं यरूशलेमय् झिंखुदँ राज्‍य यात। वया पुर्खा दाऊदं परमेश्‍वरया मिखाय् भिंगु ज्‍या याःगु खःसां आहाजं अथे मयाः।

२ इतिहास 29:1

हिजकिया निइन्‍यादँ दुबलय् जुजु जूगु खः। वं यरूशलेमय् निइगुदँ राज्‍य यात। वया मांया नां अबिया, जकरियाया म्‍ह्याय् खः।

यशैया 1:1

यहूदाया जुजुपिं उज्‍जियाह, योताम, आहाज व हिजकियां शासन यानाच्‍वंबलय् आमोजया काय् यशैयां यहूदा व यरूशलेमया बारे खंगु दर्शन।

यशैया 1:2

हे आकाश, न्‍यँ! हे पृथ्‍वी, बांलाक ध्‍यान बियाः न्‍यँ! छाय्‌धाःसा परमप्रभुं थथे धयादीगु दु, “जिं थःकाय् म्‍ह्याय्‌पिन्‍त सुसाःकुसाः यानाः ब्‍वलंका, अय्‌नं इपिं जिराहा जुयाः जिगु विरोधय् विद्रोह यात।

यशैया 7:1

योतामया काय् अले उज्‍जियाहया छय् आहाज यहूदाय् जुजु जूबलय् छगू लडाइँ जुल। अले अरामया जुजु रसीन व इस्राएलया जुजु रमल्‍याहया काय् पेकहनापं मिलय् जुयाः यरूशलेमय् हमला यात, अय्‌नं इमिसं त्‍याके मफुत।

यशैया 7:9

इस्राएल वया राजधानी सामरिया स्‍वयाः बमलाः अले सामरिया रमल्‍याहया काय् जुजु पेकह स्‍वयाः नं बमलाः। छुं जुयाः छिपिं थःगु विश्‍वासय् क्‍वातुक्‍क च्‍वना मच्‍वन धाःसा छिपिं नं दयाच्‍वनी मखु।’”

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

होशे 1:1

यहूदाया जुजुपिं उज्‍जियाह, योताम, आहाज व हिजकिया अले येहोआशया काय् इस्राएलया जुजु यारोबामं राज्‍य यानाच्‍वंबलय् परमप्रभुया वचन बेरीया काय् होशेयाथाय् वल।

होशे 4:15

“अय् इस्राएल, छं व्‍यभिचार याःसां नं यहूदा दोषी मजुइमा।” “छिपिं गिलगालय् वने मते बेथ-आवनय् नं वने मते, अले म्‍वानाच्‍वंम्‍ह परमप्रभुयात साक्षी तयाः पाफये मते।

होशे 8:14

इस्राएलया मनूतय्‌सं थःत दय्‌कादीम्‍ह सृष्‍टिकर्ता परमेश्‍वरयात ल्‍वमंकाः ततःखागु छेँ दय्‌कल, यहूदाया मनूतय्‌सं यक्‍व शहरय् किल्‍लात दय्‌कल। तर जिं इमिगु शहरय् मि तयाबी, अले उकिं वया किल्‍लायात भस्‍म यानाबी।”

आमोस 1:1

तकोय् च्‍वंपिं फैजवाःत मध्‍ये छम्‍ह आमोसया वचन। वं इस्राएलय् भुखाय् ब्‍वःगु निदँ न्‍ह्यः इस्राएलया बारे थ्‍व दर्शन खन। उबलय् उज्‍जियाह यहूदाया जुजु व येहोआशया काय् यारोबाम इस्राएलया जुजु खः।

आमोस 6:1

सियोनय् मोजमज्‍जा यानाः आरामं च्‍वनाच्‍वंपिन्‍त व सामरियाया डाँडाय् थःत सुरक्षित ताय्‌कीपिन्‍त धिक्‍कार। छिपिं न्‍हापांगु जातिया नांजाःपिं मनूत खः, ग्‍वाहालि फ्‍वनेत छिमिथाय् इस्राएलया मनूत वयाच्‍वनी।

मीका 1:5

थुपिं फुक्‍व याकूबया अपराध व इस्राएलया घरानाया पापया कारणं जूगु खः। याकूबया अपराध छु खः लय्? छु व सामरिया मखु ला? यहूदाया द्यःपुजा याइगु थाय् गन दु? छु व यरूशलेम मखु ला?

मीका 3:9

हे याकूबया घरानाया नायःत, हे इस्राएलया घरानाया शासकत, हे न्‍याययात मयय्‌कीपिं अले तप्‍यंगु खँयात बेक्‍व याइपिं मनूत, छिमिसं थ्‍व खँ बांलाक न्‍यँ!

हबकूक 1:1

हबकूक अगमवक्तां खंगु दर्शनया अगमवाणी।

२ पत्रुस 1:21

अगमवक्तातय्‌सं धाःगु खँ मनूतय्‌सं यसें धाःगु मखु। इपिं परमेश्‍वरया मनूत खः। अय्‌जूगुलिं पवित्र आत्‍मां इमित धयादीगु खँ जक इमिसं धयावंगु खः।