मत्ती 8:3 - नेवाः बाइबल

³ अले वय्‌कलं वयात थियाः धयादिल – “छ शुद्ध जुइमा।” थुलि धाय्‌वं हे व कोह्रि ल्‍वचं शुद्ध जुल।

मत्ती 8:3 ပူးပေါင်းရင်းမြစ်များ

उत्‍पत्ति 1:3

परमेश्‍वरं धयादिल, “तुयुगु जः दयेमा।” अले तुयुगु जः दत।

२ राजा 5:11

थ्‍व न्‍यनाः नामान तसकं तंचाल, अले थथे धयाः लिहां वन, “जितः नापलायेत व छाय् पिहां मवःगु? जिं ला व जिथाय् वयाः परमप्रभु थः परमेश्‍वरयात बिन्‍ति यानाः ल्‍वचं कःगु थासय् ल्‍हाः तयाः जिगु छेंगूया पुनेयःगु ल्‍वय् लाय्‌काबी धकाः च्‍वनागु का।

२ राजा 5:14

अले नामान यर्दन खुसिइ क्‍वहां वन। परमेश्‍वरया मनुखं धाःथें हे वं न्‍हय्‌क तक खुसिइ लुकुंबिल। वयागु म्‍ह चिधिकःम्‍ह मचाया म्‍ह थें जुल। अले व शुद्ध जुल।

भजनसंग्रहया सफू 33:9

वय्‌कलं धयादिसेंलि संसारया सृष्‍टि जुल। वय्‌कःया उजं दयेवं फुक्‍कं खनेदयावल।

प्रस्‍थान 4:7

वय्‌कलं हानं धयादिल, “थःगु ल्‍हाः हानं गाया दुने दुछ्व।” अले वं थःगु ल्‍हाः हानं गाया दुने छ्वत। पिकाःबलय् वयागु ल्‍हाः न्‍हापा गथे खः अथे हे जुल।

मत्ती 12:13

अले वय्‌कलं ल्‍हाः गंम्‍ह मनूयात धयादिल – “ल्‍हाः तप्‍यंकि।” वं ल्‍हाः तप्‍यंकल। अले गंगु ल्‍हाः लनाः मेगु ल्‍हाः थें च्‍वन।

मर्कूस 1:41

येशूं माया यानाः थःगु ल्‍हातं वयात थियाः धयादिल – “ज्‍यू, छंगु ल्‍वय् लाया वनेमा।”

मर्कूस 4:39

अले वय्‌कलं दनाः फय्‌यात ब्‍वःबियाः समुद्रयात धयादिल – “शान्‍त जु।” धाय्‌वं हे ग्‍वःफय् दित, अले फुक्‍कभनं शान्‍त जुल।

मर्कूस 5:41

वय्‌कलं सीम्‍ह मचायागु ल्‍हाः ज्‍वनाः धयादिल – “तालिथा कूमि!” थुकिया अर्थ खः – “नानी, दना वा!”

मर्कूस 7:34

स्‍वर्गय् थस्‍वयाः झसुकाः तयाः वयात धयादिल – “इफ्‍फात!” थुकियागु अर्थ खः – “चालेमा!”

मर्कूस 9:25

ग्‍वाः ग्‍वाः मनूत वयाच्‍वंगु खनाः वय्‌कलं भूतआत्‍मायात हक्‍काः धयादिल – “हे लाताम्‍ह व ख्‍वाँय्‌म्‍ह भूतआत्‍मा, जिं छन्‍त धयाच्‍वना – वयाथासं पिहां वा, अले हानं गुबलें हे वयाके दुबी मते।”

लूका 4:27

अले हानं एलीशा अगमवक्तायागु पालय् नं इस्राएलय् यक्‍व यक्‍व हे कोह्रि जुयाच्‍वंपिं दु। सिरियाय् च्‍वंम्‍ह नामानयात जक कोह्रि जूगु लाय्‌काबिल, मेपिं सुयातं लाय्‌का मब्‍यू।”

लूका 5:13

अले वय्‌कलं वयात ल्‍हातं थियाः थथे धयादिल – “ज्‍यू, छ शुद्ध जुइमा।” थुलि धायेवं हे वयागु कोह्रि ल्‍वय् लाया वन।

लूका 7:14

लिक्‍क झायाः वय्‌कलं कूताः थियादिल। सी क्‍वबिया वःपिं मनूत तक्‍क दित। वय्‌कलं धयादिल – “बाबु दँ।”

यूहन्‍ना 11:43

थुलि धयाः वय्‌कलं तस्‍सलं सःतादिल – “अय् लाजरस, पिहां वा।”

यूहन्‍ना 15:24

सुनानं मयाःगु ज्‍या जिं इमिगु न्‍ह्यःने यानाः मक्‍यंगु जूसा इमित पाप लाइ मखुगु। तर इमिसं थ्‍व अजू चायापुगु ज्‍या स्‍वयाः नं जितः व जिमि बाःयात नं हेला यात।

यूहन्‍ना 5:21

गथे बाःनं सीपिन्‍त म्‍वाकाः जीवन बियादी, अथे हे काय्‌यात यःपिन्‍त नं काय्‌नं जीवन बियादी।