मत्ती 7:7 - नेवाः बाइबल

⁷ “फ्‍वँ, अले छिमित बी, माला स्‍व, अले छिमिसं लुइके फइ, सः ब्‍यु, अले लुखा चाय्‌काबी।

मत्ती 7:7 ပူးပေါင်းရင်းမြစ်များ

उत्‍पत्ति 26:32

उखुन्‍हु हे इसहाकया दासतय्‌सं वयाः वयात धाल, “जिमिसं लः लुइका।”

१ राजा 3:5

गिबोनय् परमप्रभु परमेश्‍वर चान्‍हय् म्‍हगसय् खनेदय्‌क झायाः वयात धयादिल, “छन्‍त छु माल? फ्‍वँ, व जिं बी। छन्‍त छु यः?”

भजनसंग्रहया सफू 10:17

छिं दुःखय् लानाच्‍वंपिनिगु सः न्‍हाय्‌पं बियाः न्‍यनादी। छिं इमिगु नुगःयात बल्‍लाकादी।

भजनसंग्रहया सफू 10:4

दुष्‍टतय्‌सं तःधंछु जुयाः परमप्रभुयात माली मखु। इमिगु बिचालय् परमेश्‍वर धयाम्‍ह द हे मदु।

भजनसंग्रहया सफू 119:12

हे परमप्रभु, छिगु प्रशंसा जुइमा, छिगु व्‍यवस्‍था जितः स्‍यनादिसँ।

भजनसंग्रहया सफू 27:8

छिं “जिथाय् वा” धयादीबलय्, जिं लिसः बिया, “जि वये परमप्रभु।”

भजनसंग्रहया सफू 34:4

जिं परमप्रभुयात माला, वय्‌कलं जितः लिसः बियादिल। नापं वय्‌कलं जिगु फुक्‍क भय नं मदय्‌काबिल।

भजनसंग्रहया सफू 37:4

परमप्रभुनापं लय्‌ताया च्‍वँ! परमप्रभुं छं मनंतुंगु पूवंकादी।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 69:32

क्‍वत्‍यय्‌काः च्‍वनेमाःपिं थ्‍व खनाः लय्‌ताइ, परमेश्‍वरयात माला जुइपिनि नुगःयात हःपाः दइ।

भजनसंग्रहया सफू 70:4

छितः मालाजुइपिं धाःसा छिके लय्‌तायाच्‍वनेमा। अले छिं मुक्ति बीगु यःपिन्‍सं सदां थथे धयाच्‍वनेमा, “परमेश्‍वर गुलि तःधं!”

भजनसंग्रहया सफू 86:5

हे परमप्रभु, छि भिंम्‍ह व क्षमा बियादीम्‍ह खः। अले गुलिसिनं ग्‍वाहालिया लागि छितः इनाप याइ, इपिं सकसितं छिं सदां दया माया यानादी।

हितोपदेश 8:17

जितः यय्‌कीपिन्‍त जिं नं यय्‌के, जितः मालीपिन्‍सं जितः लुइकी।

श्रेष्‍ठगीत 3:2

जिं फुक्‍क शहर चाःहुलाः माला स्‍वये, उकिया लँय् व चुक चुकय् माले। जिं जिमि प्रिययात यय्‌के, जिं वयात माला स्‍वयाः अय्‌नं वयात लुइके मफु।

यशैया 30:19

हे यरूशलेमय् च्‍वंपिं सियोनया मनूत, हाकनं छिपिं ख्‍वयेमाली मखुत। छिपिं ग्‍वाहालिया निंतिं ख्‍वःगु सः तायेवं वय्‌कः गुलि दयां जाःम्‍ह जुयादी। छिमिगु बिन्‍ति न्‍यनेवं हे वय्‌कलं छिमित लिसः बियादी।

यर्मिया 33:3

‘जितः प्रार्थना या, अले जिं छन्‍त लिसः बी। छं मस्‍यूगु ततःधंगु व गुप्‍ति खँ जिं छन्‍त कने।’

आमोस 5:4

परमप्रभुं इस्राएलया घरानायात थथे धयादी – “जितः माला स्‍व, अले बचय् जुइ।

मत्ती 18:19

“जिं छिमित हानं धाये – थ्‍व पृथ्‍वीइ छिपिं सुं निम्‍हय्‌सिनं छगू हे मनं छुं फ्‍वन धाःसा स्‍वर्गय् च्‍वनादीम्‍ह जिमि बाःनं व छिमित बियादी।

मत्ती 21:22

अले विश्‍वास यानाः प्रार्थनाय्‌ न्‍ह्यागु फ्‍वंसां छिमित दइ।”

मत्ती 6:33

न्‍हापां परमेश्‍वरयागु राज्‍य मा, वय्‌कलं धयादी थें च्‍वँ। अले वय्‌कलं छिमित माःगु फुक्‍क बियादी।

मत्ती 7:11

मभिंपिं जुयाः नं छिमिसं थः मस्‍तय्‌त भिंगु भिंगु बी सः धाःसा स्‍वर्गय् च्‍वनादीम्‍ह बाःनं जक थःके फ्‍वंम्‍हय्‌सित झन भिंगु बियामदी ला?

मत्ती 7:8

छाय्‌धाःसा फ्‍वंपिन्‍त बी, माला स्‍वःपिन्‍सं लुइकी, अले सः ब्‍यूम्‍हय्‌सित चाय्‌काबी।

मर्कूस 11:24

अय्‌जूगुलिं जिं छिमित धाये – प्रार्थना यानाः छिमिसं छु फ्‍वंगु खः व जितः दये धुंकल धकाः विश्‍वास यात धाःसा छिमित व द हे दइ।

लूका 13:25

छेँ थुवालं खापा ति धुंकाः हानं चाय्‌काबी मखु। अले छिपिं पिने च्‍वनाः थथे धयाः खापा संका च्‍वनेमाली – ‘प्रभु, खापा चाय्‌कादिसँ।’ वय्‌कलं थथे लिसः बिया हइ – ‘छिपिं गनं वयापिं खः? जिं छिमित म्‍हमस्‍यू।’

लूका 18:1

अले येशूं चेलातय्‌सं न्‍ह्याबलें प्रार्थना यानाच्‍वनेमा, अले प्रार्थना यायेगु मत्‍वःतेमा धकाः ध्‍वाथुइकेत छगू उखान कनादिल।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 15:7

छिपिं जिके च्‍वनाच्‍वन धाःसा व जिगु वचनयात नुगलय् तया तल धाःसा छिमिसं न्‍ह्यागु फ्‍वंसां छिमित बी।

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

रोमी 3:11

परमेश्‍वरयात सुनानं मथू, वय्‌कःयात मालाजुइपिं सुं हे मदु।

हिब्रू 11:6

विश्‍वास मयाय्‌कं परमेश्‍वरयात लय्‌ताय्‌के फइ मखु। वय्‌कःयाथाय् वइम्‍ह मनुखं परमेश्‍वर दि, अले वय्‌कःयात मालिपिन्‍त वय्‌कलं इनाम बियादी धकाः विश्‍वास याये हे माः।

याकूब 5:15

परमेश्‍वरयात क्‍वात्तुक विश्‍वास यानाच्‍वंम्‍ह मनूयागु प्रार्थनां उसाँय् मदया च्‍वंम्‍हय्‌सिगु ल्‍वय् लंकाबी। व मनुखं पाप हे याःगु जूसां वयात क्षमा यानादी।

१ यूहन्‍ना 3:22

वय्‌कलं धयादीगु मानय् जुयाः वय्‌कःयात यःयःगु जक याना जूसा वय्‌कःयाके न्‍ह्यागु फ्‍वंसां झीत बियादी।