मत्ती 7:2 - नेवाः बाइबल

² छाय्‌धाःसा गथे छिमिसं मेपिन्‍त दोष बिल, अथे हे छिमित नं दोष बी। गुलि छिमिसं कर्पिन्‍त बिल, उलि हे छिमित नं बी।

मत्ती 7:2 ပူးပေါင်းရင်းမြစ်များ

२ शमूएल 21:5

इमिसं जुजुयात लिसः बिल, “शाऊलं जिमित नाश यात, अले जिमिगु विरोधय् ग्‍वसाः ग्‍वल, अले जिपिं नाश जुल व इस्राएलय् जिमिगु निंतिं छगू नं थाय् मन्‍त,

भजनसंग्रहया सफू 109:17

वं सराः बी यय्‌कीगु, व सराः वयात हे लायेमा। वं सुवाः बी मयय्‌कल, वपाखें नं सुवाः तापाक च्‍वनेमा।

प्रस्‍थान 21:24

मिखाया पलेसा मिखा, वाया पलेसा वा, ल्‍हाःया पलेसा ल्‍हाः, तुतिया पलेसा तुति,

यशैया 33:1

धिक्‍कार, छ नाश याइम्‍हय्‌सित, गुम्‍ह थः हे नाशय् लाःगु मदुनि! धिक्‍कार, छ विश्‍वासघातीयात, सुयात मेपिं सुनानं विश्‍वासघात याःगु मदुनि! गुबलय् छं नाश यायेगु दिकी, उबलय् छन्‍त नं नाश यानाछ्वइ। गुबलय् छं विश्‍वासघात यायेगु दिकी उबलय् छन्‍त नं विश्‍वासघात याइ।

यर्मिया 34:17

“उकिं परमप्रभुं थथे धयादी – छिमिसं जिगु आज्ञा पालन याःगु मदु। अले थः मनूतय्‌त स्‍वतन्‍त्र यायेगु घोषणा याःगु मदु। उकिं आः जिं थःम्‍हं हे छिमिगु निंतिं स्‍वतन्‍त्र यायेगु घोषणा याये, छिमित तरवार, महामारी व अनिकालं सीगु घोषणा याये। जिं छिमित पृथ्‍वीया राज्‍य राज्‍यया निंतिं घच्‍चाइपुपिं यानाबी।

यर्मिया 51:24

“इमिसं सियोनय् याःगु फुक्‍क मभिंगु ज्‍याया कारणं जिं बेबिलोन व बेबिलोनियाय् च्‍वंपिं सकलें मनूतय्‌त छिमिसं खंक हे पलेसा बी,” परमप्रभुं धयादी।

ओबदिया 1:15

“दक्‍व जातितय्‌गु लागि परमप्रभुया न्‍यायया दिं याकनं हे वयेत्‍यंगु दु। छं गथे याःगु दु छन्‍त नं अथे हे याइ। छं याःगु ज्‍या छंगु हे छेनय् ला वइ।

मत्ती 6:14

“थःत मभिं याःपिन्‍त छिमिसं क्षमा याःसा छिमित नं स्‍वर्गय् च्‍वनादीम्‍ह परमेश्‍वर बाःनं क्षमा यानादी।

मर्कूस 4:24

वय्‌कलं इमित थथे नं धयादिल – “छिमिसं न्‍यनागु खँय् मन ति। गुलि छिमिसं कर्पिन्‍त बिल, उलि हे छिमित नं बी। अज्‍ज ला अप्‍वः हे बी,

लूका 6:38

कर्पिन्‍त ब्‍यु, अले परमेश्‍वरं नं छिमित बियादी। छिमिसं फयां फय् मफय्‌क कुलि संकाः संकाः दानाः बी। गुलि छिमिसं कर्पिन्‍त बिल, उलि हे छिमित नं बी।”

२ कोरिन्‍थी 9:6

थ्‍व खँ नं ल्‍वःमंके मते – कम पुसा ह्वःम्‍हय्‌सिनं भतिचा जक सय्‌की। यक्‍व पुसा ह्वःम्‍हय्‌सिनं यक्‍व हे सय्‌की।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।

प्रकाश 18:6

वं छिमित गथे यानातःगु खः छिमिसं नं वयात अथे हे या। वं याःगु ज्‍या सिबय् निदुगं अप्‍वः वयात छिमिसं नं या। छिमित त्‍वंकेत ख्‍वल्‍चाय् तयाब्‍यूगु सिबय् निदुगं अप्‍वः कडागु वयागु ख्‍वल्‍चाय् तयाब्‍यु।

न्‍यायकर्ता 1:7

अदोनी-बेजेकं धाल, “ल्‍हाः व तुतियागु बुरापतिं ध्‍यंपिं न्‍हयेम्‍ह जुजुपिन्‍सं जिगु टेबुलया तःलय् चिप मुनीगु। जिं इमित गथे यानागु खः परमेश्‍वरं जितः अथे हे यानादीगु दु।” इमिसं वयात यरूशलेमय् हल, अले व अन हे सित।

न्‍यायकर्ता 5:27

सीसरा व मिसाया न्‍ह्यःने ग्‍वतुल, अले वयागु हे तुतिइ ग्‍वारातुल अन हे व सित।”

१ शमूएल 15:33

तर शमूएलं धाल, “छंगु तरवारं यक्‍व मिसातय्‌त मस्‍त मदुपिं याः थें छिमि मां नं आः मस्‍त मदुम्‍ह जुइ।” अनंलि शमूएलं अगागयात परमप्रभुया न्‍ह्यःने गिलगालय् स्‍यात।