1 “मेपिन्त दोष बी मते, अले छिमित नं दोष बी मखु।
छिपिं मध्ये सुनां परमप्रभुया वचनया भय काइ, वय्कःया वचन न्यँ, “छिकपिनि थः मनूत, सुनां छिमित यय्की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्द स्वये।’ अय्नं इपिं लाजय् लाइ।
छाय्धाःसा गथे छिमिसं मेपिन्त दोष बिल, अथे हे छिमित नं दोष बी। गुलि छिमिसं कर्पिन्त बिल, उलि हे छिमित नं बी।
थःगु हे मिखाय् च्वंगु सुपः मखंम्हय्सिनं छिमि किजाया मिखाय् च्वंगु धू लिकयाबी धकाः गथे धाये फइ? हे निपाः ख्वाःपाः दुपिं, न्हापां थःगु मिखाय् च्वंगु सुपः निं लिका। अले तिनि कर्पिनिगु मिखाय् च्वंगु धू खंकाः लिकाये फइ।
“कर्पिनिगु न्याय याये मते, अले छिमिगु नं न्याय याइ मखु। कर्पिन्त दोष बी मते, अले छिमित नं दोष बी मखु। क्षमा ब्यु, अले छिमित नं क्षमा बी।
“थःगु मिखाय् सुपः दुहां वनाच्वंगु मखंम्हय्सिनं थः किजाया मिखाय् धू दुहां वनाच्वंगु खँय् छाय् वास्ता याः जुइ माल?
इमिसं व हे खँ जक न्यनाच्वंगुलिं वय्कलं दनाः इमित थथे धयादिल – “छिकपिं मध्ये सुनां गुबलें पाप यानामदी, वय्कलं हे दकलय् न्हापालाक वयात ल्वहँतं कय्कादिसँ।”
यःपिं दाजुकिजापिं, अप्वः गुरु जुयाः जुइ मते। गुरु जुया जूपिन्त परमेश्वरं मेपिन्त स्वयाः कडा जुइक न्याय यानादी।
