मत्ती 3:2 - नेवाः बाइबल

² थथे धकाः भिंगु खँ न्‍यंकाजुल – “पश्‍चाताप या, छाय्‌धाःसा स्‍वर्गयागु राज्‍य न्‍ह्यःने थ्‍यंकः वःगु दु।”

मत्ती 3:2 ပူးပေါင်းရင်းမြစ်များ

१ राजा 8:47

इमित ज्‍वनाः यंकूगु देशय् इमिसं दुःख स्‍यूगुलिं थःगु मन हीकाः पस्‍ताय् चायाः ‘जिमिसं पाप यानागु दु जिमिसं द्वंकागु दु, मभिंगु ज्‍या यानागु दु धकाः’ छितः प्रार्थना यात धाःसा

अय्‍यूब 39:12

खलां छंगु अन्‍न धुकुतिइ हयेत व लिहां वइ धकाः छं वयात पत्‍याः याये फु ला?

अय्‍यूब 42:6

उकिं जिं थःत क्‍वह्यंकाः स्‍वया, अले धू व नउलय् च्‍वनाः पस्‍ताय् चाये।”

इजकिएल 33:11

उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

मत्ती 10:7

थथे धकाः न्‍यंकि – ‘परमेश्‍वरयागु राज्‍य न्‍ह्यःने थ्‍यंकः वये धुंकल।’

मत्ती 11:20

येशूं अप्‍वः यानाः अजू चायापुगु ज्‍या यानादीगु शहरय् च्‍वंपिं मनूतय्‌सं पश्‍चाताप मयाःगुलिं इमित ब्‍वःबियादिल।

मत्ती 12:41

“निनवेय् च्‍वंपिन्‍सं नं न्‍याय याइबलय् आःयापिं मनूतय्‌त सजाँय बी हे माः धकाः नवाइ, छाय्‌धाःसा इमिसं ला योनां जक न्‍यंकूबलय् हे पश्‍चाताप यात। स्‍व, थन ला योना स्‍वयाः नं तःधंम्‍ह छम्‍ह दु।

मत्ती 13:11

वय्‌कलं धयादिल – “स्‍वर्गयागु राज्‍ययागु गुप्‍ति खँ छिमित जक सीके ब्‍यूगु दु। इमित सीके मब्‍यू।

मत्ती 13:24

येशूं मेगु उखान छुनाः इमित धयादिल – “स्‍वर्गयागु राज्‍य थथे च्‍वं – छम्‍ह मनुखं थःगु बुँइ भिंगु पुसा ह्वल।

मत्ती 13:31

अले हानं येशूं मेगु उखान छुनादिल। “स्‍वर्गयागु राज्‍य थथे च्‍वं – छम्‍ह मनुखं तुग्‍वःया पुसा थःगु बुँइ ह्वल।

मत्ती 13:33

वय्‌कलं इमित हानं मेगु उखान छुनादिल – “स्‍वर्गयागु राज्‍य थथे च्‍वं – छम्‍ह मिसां सोडा कयाः स्‍वफा छ्वचुंलय् ल्‍वाकछ्यानाः फुक्‍क थासय् मन्‍यंतले न्‍हायाच्‍वन। अले छ्वचुं फुक्‍कं फ्‍वंगाना वल।”

मत्ती 13:47

“स्‍वर्गयागु राज्‍य थथे च्‍वं – न्‍या लाइपिं मनूतय्‌सं समुद्रय् न्‍या लायेत जाः ह्वात। अले थुकी थीथी कथंयापिं न्‍या लात।

मत्ती 13:52

वय्‌कलं हानं धयादिल – “व्‍यवस्‍था स्‍यनीपिं व थुइकीपिं शास्‍त्रीत स्‍वर्गयागु राज्‍यय् चेला जूवल धाःसा इपिं छेँ थुवाः थें जुइ। छेँ थुवालं थःगु धुकुतिं न्‍हूगु व पुलांगु न्‍ह्यागुं लिकाये फइ।”

मत्ती 18:23

“स्‍वर्गयागु राज्‍य थथे च्‍वं – छकः छम्‍ह जुजुं थः च्‍यःतय्‌के इमिगु ल्‍याःचाः कायेगु क्‍वःछित।

मत्ती 20:1

“स्‍वर्गयागु राज्‍य थथे च्‍वं – छन्‍हु छम्‍ह मनू सुथ न्‍हापां थःगु दाखक्‍यबय् ज्‍या याकेत ज्‍यामि माः वन।

मत्ती 22:2

“स्‍वर्गयागु राज्‍य थथे च्‍वं – छकः छम्‍ह जुजुं थः काय्‌यागु ब्‍याहाया भ्‍वय् सःतल।

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

मत्ती 25:1

“स्‍वर्गयागु राज्‍य थथे च्‍वं। झिम्‍ह ल्‍यासेत जिलाजं नापलायेत थथःगु मत ज्‍वनावन।

मत्ती 25:14

“स्‍वर्गयागु राज्‍य थथे च्‍वं। छम्‍ह परदेशय् वनेत्‍यंम्‍ह मनुखं थः च्‍यःतय्‌त सःताः थःगु फुक्‍क सम्‍पत्ति इमित त्‍वःताथकल।

मत्ती 4:17

उबलय् निसें वय्‌कलं थथे धकाः न्‍यंकादिल – “पश्‍चाताप या, छाय्‌धाःसा स्‍वर्गयागु राज्‍य न्‍ह्यःने थ्‍यंकः वये धुंकल।”

मत्ती 4:23

येशू गालील फुक्‍कभनं चाःहिलादिल। धर्मशास्‍त्र स्‍यनीगु छेँय् झायाः मनूतय्‌त स्‍यनेकने यानाः परमेश्‍वरयागु राज्‍ययागु भिंगु खँ न्‍यंकादिल। अले तःतामछि ल्‍वय् दुपिं मनूतय्‌त नं लाय्‌कादिल।

मत्ती 5:10

परमेश्‍वरया न्‍ह्यःने धर्मी ठहरय् जुइत दुःखकष्‍ट फयाच्‍वंपिं मनूत धन्‍यपिं खः, छाय्‌धाःसा स्‍वर्गयागु राज्‍य इमिगु हे खः।”

मत्ती 5:3

“थःत आत्‍माय् चीमि खंकीपिं मनूत धन्‍यपिं खः, स्‍वर्गयागु राज्‍य इमिगु हे खः।

मत्ती 6:10

छिगु राज्‍य वयेमा, छिगु इच्‍छा स्‍वर्गय् थें हे, थ्‍व पृथ्‍वीइ नं पूवनेमा।

मत्ती 6:33

न्‍हापां परमेश्‍वरयागु राज्‍य मा, वय्‌कलं धयादी थें च्‍वँ। अले वय्‌कलं छिमित माःगु फुक्‍क बियादी।

मर्कूस 1:15

“ई जुइ धुंकल, परमेश्‍वरयागु राज्‍य न्‍ह्यःने थ्‍यने धुंकल। पश्‍चाताप या, भिंगु खँय् विश्‍वास या।”

मर्कूस 1:4

अले बप्‍तिस्‍मा बीम्‍ह यूहन्‍ना मरुभूमिइ खनेदय्‌कः वल। वं पापयागु पश्‍चाताप यानाः परमेश्‍वरपाखें क्षमा कायेत बप्‍तिस्‍मा का धकाः न्‍यंकाजुल।

मर्कूस 6:12

थुकथं इमिसं पिहां वनाः मनूतय्‌सं पश्‍चाताप यायेमाः धकाः न्‍यंकाजुल।

लूका 1:16

अले वं यक्‍व यक्‍व इस्राएलीतय्‌त इमि परमप्रभु परमेश्‍वरयाथाय् तुं लिगना हइ।

लूका 11:20

अथे मखु, जिं परमेश्‍वरयागु शक्तिं भूतयात पितिनाछ्वयागु खः धयागु जूसा परमेश्‍वरयागु राज्‍य छिकपिन्‍थाय् वये धुंकल धकाः सीकादिसँ।

लूका 13:3

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।

लूका 13:5

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।”

लूका 15:10

जिं छिकपिन्‍त धाये – अथे हे परमेश्‍वरयापिं स्‍वर्गदूतत नं पश्‍चाताप याःम्‍ह छम्‍ह पापी खनाः लय्‌लय्‌ताइ।”

लूका 15:7

जिं छिकपिन्‍त धाये – थुकथं हे पश्‍चाताप याःम्‍ह छम्‍ह पापी मनू खनाः परमेश्‍वर लय्‌तायादी। तर छिकपिं थें ज्‍याःपिं गुइगुम्‍ह ‘जिपिं धर्मीपिं खः’ धकाः धाइपिं मनूत खनाः परमेश्‍वर लय्‌तायादी मखु।”

लूका 16:30

अले हानं वं धाल – ‘मखु, बाः अब्राहाम, उलिं जक इमित मगाः। सीम्‍ह मनू हे छकः वनाः इमित धया ब्‍यूसा इमिसं पश्‍चाताप याइ।’

लूका 21:31

अथे हे गुबलय् छिमिसं जिं धया थें जुया वयाच्‍वंगु खनी, परमेश्‍वरयागु राज्‍य न्‍ह्यःने वये धुंकल धकाः सीकि।

लूका 24:47

अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।

लूका 6:20

येशूं चेलातय्‌त स्‍वयाः धयादिल – “छिपिं नये मखंपिं मनूत धन्‍यपिं खः। परमेश्‍वरया राज्‍य छिमिगु हे खः।

लूका 9:2

अले वय्‌कलं परमेश्‍वरयागु राज्‍ययागु खँ न्‍यंकेत व ल्‍वय् लाय्‌काबीत इमित छ्वयादिल।

प्रेरित 11:18

इमिसं फुक्‍क खँ न्‍यने धुंकाः पत्रुसयात ब्‍वःबीगु त्‍वःताः थथे धकाः परमेश्‍वरयात तःधंकल – “अय्‌सा परमेश्‍वरं यहूदीमखुपिन्‍त नं पश्‍चाताप याकाः म्‍वाकादिल खनी।”

प्रेरित 17:30

“अय्‌जूगुलिं वय्‌कःयात म्‍हमस्‍यूनीबलय् याःगु ज्‍याखँयात परमेश्‍वरं च्‍यूताः तयामदी। आः धाःसा परमेश्‍वरं झीत थज्‍याःगु बांमलाःगु ज्‍यां लिचिलाः पश्‍चाताप यायेत उजं बियादीगु दु।

प्रेरित 2:38

अले पत्रुसं इमित धाल – “पश्‍चाताप या, अले छिकपिं छम्‍ह छम्‍हय्‌सिनं थःगु पापया क्षमा या लागि येशू ख्रीष्‍टयागु नामं बप्‍तिस्‍मा कयादिसँ। अले छिकपिन्‍सं परमेश्‍वरयागु वरदान पवित्र आत्‍मा कायेखनी।

प्रेरित 20:21

जिं यहूदीतय्‌त व यहूदीमखुपिन्‍त पश्‍चाताप यानाः परमेश्‍वरयाथाय् लिहां वयेत व झी प्रभु येशू ख्रीष्‍टयात विश्‍वास यायेत न्‍यंका जुया।

प्रेरित 26:20

जिं थ्‍व खँ दकलय् न्‍हापालाक दमस्‍कसय् च्‍वंपिन्‍त न्‍यंका। अले यरूशलेम व यहूदियाय् न्‍यंकं व यहूदीमखुपिन्‍त नं थथःगु पापं लिचिलाः परमेश्‍वरयाथाय् लिफः स्‍वयाः वा धकाः न्‍यंका। अले थःम्‍हं पश्‍चाताप यानागु ज्‍यां नं क्‍यँ धकाः नं धया।

प्रेरित 3:19

अय्‌जूगुलिं पश्‍चाताप यानाः छिकपिं परमेश्‍वरयाथाय् लिहांझासँ, अले वय्‌कलं छिकपिनिगु पाप हुयाछ्‌वयादी।

२ कोरिन्‍थी 7:10

छिमित नुगलय् स्‍याकेगु ज्‍या परमेश्‍वरं हे यानादीगुलिं व छिमिसं पश्‍चाताप याःगुलिं छिमित मुक्ति दत, उकिं छिमिसं दुःख ताये माःगु मदु। अय्‌नं थ्‍व संसारं ब्‍यूगु पश्‍चातापं मनूतय्‌त स्‍याइ।

कलस्‍सी 1:13

वय्‌कलं हे झीत शैतानयागु खिउँगु राज्‍यं लिगनाः थः यःम्‍ह काय्‌यागु राज्‍यय् हयादिल।

२ तिमोथी 2:25

अले शत्रुयात नं क्‍वमिलु जुयाः थुइका बीम्‍ह जुइमाः। सके परमेश्‍वरं इमिगु नुगः हे हिलाः सत्‍य खँयात थुइके फयेकादी ला?

हिब्रू 6:1

अय्‌जूगुलिं ख्रीष्‍टयागु न्‍ह्यखँ जक सय्‌का च्‍वनेगु त्‍वःताः मेमेगु दुग्‍यंगु व ततःधंगु खँ नं सीकेमाः। मखुगु, मभिंगु व परमेश्‍वरयात मयःगु ज्‍याखँ यायेगु त्‍वःताः पश्‍चाताप यायेगु, वय्‌कःयात विश्‍वास यानाच्‍वनेगु,

२ पत्रुस 3:9

गुम्‍ह गुम्‍हय्‌सिनं मतिइ तः थें प्रभुं थःम्‍हं धयादी थें यायेत लिपा लाकादी मखु। अथेसां छिपिं सुं नं नाश मजुइमा, अले फुक्‍कसिनं पश्‍चाताप यायेमा धकाः वय्‌कः पियाच्‍वनादीगु खः।

प्रकाश 2:21

जिं वयात पश्‍चाताप यायेमा धकाः ई बिया तया। अय्‌नं वं याना जूगु व्‍यभिचार याये मखुत धकाः मधाः।

प्रकाश 2:5

उकिं छिमिसं गनथाय् द्वंकागु खः लुमंकाः पश्‍चाताप यानाः न्‍हापा न्‍हापा याःथें थौंकन्‍हय् नं याये माल। मखुसा जि हे वयाः छिमिगु त्‍वाःदेवा उकिया थासं लिकयाबी। उकिं छिमिसं पश्‍चाताप याये हे माः।