मत्ती 2:4 - नेवाः बाइबल

⁴ उकिं हेरोद जुजुं फुक्‍क तःधंपिं पुजाहारीतय्‌त व शास्‍त्रीतय्‌त सःताः थथे न्‍यन – “मुक्ति बीम्‍ह ख्रीष्‍ट गन बुइगु?”

मत्ती 2:4 ပူးပေါင်းရင်းမြစ်များ

२ इतिहास 34:13

ज्‍यामित नं थुमिगु अधीनय् खः। थुमिसं हे फुक्‍क कथंया ज्‍या याइपिनिगु ज्‍या स्‍वइगु खः, गुलिं गुलिं लेवीतय्‌सं धाःसा छ्यान्‍जे, कसजु व लुखा पिवाःया ज्‍या याइगु।

२ इतिहास 34:15

हिल्‍कियाहं छ्यान्‍जे शापानयात धाल, “जिं परमप्रभुया देगलय् व्‍यवस्‍थाया सफू लुइकागु दु।” अले हिल्‍कियाहं व सफू शापानयात बिल।

२ इतिहास 36:14

पुजाहारीतय् फुक्‍क नायःत व मनूतय्‌सं नं मेमेगु जातिं याःगु थें घच्‍चायापुगु ज्‍या यानाः झन विश्‍वासघात यात। इमिसं परमप्रभुं थःम्‍हं हे यरूशलेमय् शुद्ध यानादीगु देगःयात अशुद्ध यात।

एज्रा 10:5

थथें हे एज्रां मू पुजाहारीत, लेवीत व सकल इस्राएलीतय्‌त शकन्‍याहं धाःथें ज्‍या याये धकाः पाफय्‌कल। अले इमिसं पाफल।

एज्रा 7:6

एज्रा परमप्रभु इस्राएलयाम्‍ह परमेश्‍वरं मोशायात ब्‍यूगु व्‍यवस्‍था बांलाक स्‍यनेसःम्‍ह शास्‍त्री खः। वयात परमप्रभु परमेश्‍वरया सुवाः दुगुलिं वं फ्‍वंगु फुक्‍क खँ जुजुं वयात बिल। थथे जूगुलिं एज्रा बेबिलोनं यरूशलेमय् वल।

नहेम्‍याह 12:7

सल्‍लू, अमोक, हिल्‍कियाह व यदायाह। येशूअया पालय् पुजाहारीतय् नायःत व इमि ग्‍वाहालिमित थुपिं हे खः।

भजनसंग्रहया सफू 2:2

पृथ्‍वीया जुजुत व शासकत परमप्रभुया विरोधय् व वय्‌कलं अभिषेक याःम्‍ह मनूयागु विरोधय् दं वइ, अले शासकत जानाः जाः ग्‍वयाजुइ।

यर्मिया 8:8

“‘छिमिसं गथे यानाः धाये फइ, “जिपिं बुद्धिमान खः, अले परमप्रभुयागु व्‍यवस्‍था जिमिके दु?” तर स्‍व, शास्‍त्रीतय्‌गु फताहा कलमं उकियात फताहा दय्‌कूगु दु।

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

मत्ती 13:52

वय्‌कलं हानं धयादिल – “व्‍यवस्‍था स्‍यनीपिं व थुइकीपिं शास्‍त्रीत स्‍वर्गयागु राज्‍यय् चेला जूवल धाःसा इपिं छेँ थुवाः थें जुइ। छेँ थुवालं थःगु धुकुतिं न्‍हूगु व पुलांगु न्‍ह्यागुं लिकाये फइ।”

मत्ती 2:3

थ्‍व खँ न्‍यनाः हेरोद जुजुया तसकं नुगः भाराभारा मिन। यरूशलेमय् च्‍वंपिं फुक्‍क मनूत नं ग्‍यात।

मत्ती 2:5

अले इमिसं थथे धकाः लिसः बिल – “यहूदियायागु बेथलेहेमय् दु, छाय्‌धाःसा थ्‍व खँ छम्‍ह अगमवक्तां नं थथे च्‍वया थकूगु दु –

मत्ती 21:15

थथे अजू चायापुगु ज्‍या खनाः व मस्‍तय्‌सं देगलय् च्‍वनाः ततःसलं “होसन्‍ना, दाऊदया काय्” धकाः हाल। थ्‍व न्‍यनाः तःधंपिं पुजाहारीत व शास्‍त्रीत तमं मि जुल।

मत्ती 21:23

येशूं देगलय् झायाः स्‍यनेकने यानाच्‍वनादीबलय् तःधंपिं पुजाहारीत व थकालिपिन्‍सं वयाः वय्‌कःयात थथे धकाः न्‍यन – “छिं थथे यानादीत गनं अधिकार कयादिया? अले छितः थ्‍व अधिकार सुनां बिल?”

मत्ती 26:3

उबलय् हे तःधंपिं पुजाहारीत व थकालिपिं कैयाफा धाःम्‍ह दकलय् तःधंम्‍ह पुजाहारीया छेँय् मुन।

मत्ती 26:47

वय्‌कलं थथे धयाच्‍वनादीबलय् हे झिंनिम्‍ह मध्‍ये छम्‍ह चेला यहूदा अन थ्‍यंकः वल। व नाप तःधंपिं पुजाहारीत व थकालिपिन्‍सं छ्वयाहःपिं नं वःगु दु। इमिसं तरवार व कथि ज्‍वनातःगु दु।

मत्ती 27:1

सुथ न्‍हापां हे तःधंपिं पुजाहारीतय्‌सं व थकालिपिन्‍सं मुनाः येशूयात स्‍यायेगु ग्‍वसाः ग्‍वल।

मत्ती 7:29

छाय्‌धाःसा वय्‌कलं इमि शास्‍त्रीतय्‌सं थें मखु, बरु अधिकार दुम्‍ह मनुखं थें स्‍यनादिल।

मर्कूस 8:31

अबलय् निसें येशूं चेलातय्‌त ध्‍वाथुइक धयादिल – “मनूया काय्‌नं यक्‍व हे दुःख सी मानि। थकालिपिं, तःधंपिं पुजाहारीत व शास्‍त्रीतय्‌सं वयात मानय् याइ मखु, बरु इमिसं वयात स्‍याइ। स्‍वन्‍हु लिपा व हानं म्‍वाना वइ।”

लूका 20:19

वय्‌कलं अथे धयादीगुलिं शास्‍त्रीत व तःधंपिं पुजाहारीतय्‌सं वय्‌कःयात अन हे ज्‍वनेत स्‍वल, छाय्‌धाःसा व उखान इमित हे किकाः न्‍यंकादीगु खः धकाः इमिसं सीकल। अय्‌नं मनूत खनाः ग्‍यानाः इमिसं वय्‌कःयात ज्‍वने मफुत।

लूका 23:10

तःधंपिं पुजाहारीत व शास्‍त्रीतय्‌सं वय्‌कःयात तःधंगु दोष बियाः पाः यात।

यूहन्‍ना 18:3

उकिं यहूदा तःधंपिं पुजाहारीतय्‌थाय् व फरिसीतय्‌थाय् वनाः छथ्‍वः सिपाइँत व हाकिमतय्‌त ब्‍वनाः मिप्‍वाः, लालतिन, व हतियार ज्‍वनाः अन वल।

यूहन्‍ना 3:10

वय्‌कलं लिसः बियादिल – “इस्राएलीतय् गुरु जुयाः छिं थुलि नं थुइके मफु ला?

यूहन्‍ना 7:32

थथे यक्‍व मनूतय्‌सं वय्‌कःयागु खँ ल्‍हानाच्‍वंगु तायाः फरिसीतय्‌सं तःधंपिं पुजाहारीतलिसे मिलय् जुयाः वय्‌कःयात ज्‍वंकेत देगःया सिपाइँत छ्वल।

यूहन्‍ना 8:3

शास्‍त्री व फरिसीतय्‌सं व्‍यभिचार यानाच्‍वंबलय् ज्‍वंम्‍ह छम्‍ह मिसायात हयाः सकसिगुं न्‍ह्यःने थनाः

प्रेरित 23:9

अले अन तसकं खलबल जुल। फरिसीतय् शास्‍त्रीतय्‌सं दनाः सदुकीतय्‌त न्‍यंकाः थथे धाल – “जिमिसं ला थ्‍व मनूयागु छुं हे दोष मखना। थ्‍व मनूयात आत्‍मां व स्‍वर्गदूतं हे नवाकूगु जुइमाः।”

प्रेरित 4:5

कन्‍हय् खुन्‍हु इमि शासकत, थकालिपिं व शास्‍त्रीत यरूशलेमय् मुन।

प्रेरित 6:12

थुकथं इमिसं मनूतय्‌त, थकालिपिन्‍त व शास्‍त्रीतय्‌त नं ग्‍वाकल। अले इमिसं वनाः स्‍तिफनसयात ज्‍वनाः महासभाय् हल।