मत्ती 17:4 - नेवाः बाइबल

⁴ अले पत्रुसं वय्‌कःयात धाल – “प्रभु, झीपिं थन हे च्‍वने दत धाःसा गुलि बांलाइ। छिं धयादीसा जिं छिगु निंतिं, मोशायागु निंतिं व एलियायागु निंतिं स्‍वंगू बल्‍चा दय्‌काबी।”

मत्ती 17:4 ပူးပေါင်းရင်းမြစ်များ

भजनसंग्रहया सफू 16:11

छिं जितः जीवनया लँपु क्‍यनादी छिनापं च्‍वनाः जितः लय्‌ताय्‌केबी। अले थ्‍व लसता जितः सदां सदां बियादी।

भजनसंग्रहया सफू 4:6

यक्‍वसिनं न्‍यनाच्‍वंगु दु – “झीत सुनां भिंगु लँ क्‍यनाबी?” हे परमप्रभु! छिगु ख्‍वाःया जः जिमिके थीकादिसँ।

यशैया 33:17

छिमिगु मिखां जुजुयात व वय्‌कःया बांलाःसूयात खनी अले तापाक हे न्‍यनावंगु देशयात छिमिसं खनी।

जकरिया 9:17

इपिं गुलि यइपुस्‍से च्‍वनी अले गुलि बांलाइ। देशयागु अन्‍न नयाः दाखया ति त्‍वनाः ल्‍याय्‌म्‍ह ल्‍यासेत बल्‍लानावइ।

मत्ती 17:3

इमिसं मोशा व एलिया वयाः वय्‌कः नाप खँ ल्‍हानाच्‍वंगु खन।

लूका 9:33

इपिं वय्‌कः नाप बाया वनेत्‍यंबलय् लाक्‍क पत्रुसं वय्‌कःयात धाल – “गुरुजु, झीपिं थन हे च्‍वने दत धाःसा गुलि बांलाइ। जिमिसं स्‍वंगू बल्‍चा दय्‌के ला? छगू छितः, छगू मोशायात व मेगु छगू एलियायात।” पत्रुसं व धाये थ्‍व धाये मसियाः अथे धाःगु खः।

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

यूहन्‍ना 7:2

थुबलय् यहूदीतय्‌गु बल्‍चाबाय्‌या नखः थ्‍यंकः वये धुंकल।

फिलिप्‍पी 1:23

जि ला बाम्‍हय् कानाच्‍वंगु दु। थ्‍व संसार त्‍वःताः ख्रीष्‍टनाप च्‍वंवनेगु जिगु तःधंगु इच्‍छा खः।

१ यूहन्‍ना 3:2

अय् जि यःपिं मस्‍त, आः ला झीपिं परमेश्‍वरया सन्‍तान खः धकाः झीसं स्‍यू। अय्‌नं लिपा झीपिं गज्‍याःपिं जुइ धयागु खँ झीत कना मदीनि। अय्‌सां ख्रीष्‍ट झायादीबलय् झीपिं वय्‌कः थें हे जुइतिनि धकाः झीसं स्‍यू। अले तिनि वय्‌कः गथे च्‍वं धकाः झीसं खनी।

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।