मत्ती 17:12 - नेवाः बाइबल

¹² जिं छिमित धाये – एलिया ला वये धुंकल। इमिसं वयात म्‍हमसील। इमिसं वयात यःयःथें यात। मनूया काय्‌यात नं इमिसं अथे हे यानाः दुःखकष्‍ट बी।”

मत्ती 17:12 ပူးပေါင်းရင်းမြစ်များ

मत्ती 11:2

झ्‍यालखानाय् कुनातःम्‍ह यूहन्‍नां मुक्ति बीम्‍ह ख्रीष्‍टं यानादीगु ज्‍याखँ न्‍यनाः थः चेलातय्‌त वय्‌कःयाथाय् थथे धकाः न्‍यंके छ्वयाहल।

मत्ती 16:21

उबलय् निसें येशूं चेलातय्‌त ध्‍वाथुइक धयादीगु यानादिल – “यरूशलेमय् वनाः जिं थकालिपिं, तःधंपिं पुजाहारीत व शास्‍त्रीतय्‌गु ल्‍हातं दुःखकष्‍ट फये मानि। लिपा इमिसं जितः स्‍यानाछ्वइ। अले स्‍वन्‍हु लिपा जि हानं म्‍वाना वये।”

मत्ती 17:11

वय्‌कलं धयादिल – “खः, एलिया निं न्‍हापालाक वयाः फुक्‍कं मिलय् याइ।

मत्ती 17:13

अले तिनि इमिसं वय्‌कलं बप्‍तिस्‍मा बीम्‍ह यूहन्‍नायागु खँ धयादीगु खः धकाः थुइकल।

मत्ती 17:22

गालीलय् च्‍वनादीबलय् वय्‌कलं चेलातय्‌त धयादिल – “मनूया काय्‌यात ज्‍वनाः मनूतय्‌गु ल्‍हातय् लःल्‍हाइगु ई वइन।

मत्ती 17:9

पर्वतं क्‍वहां झाया च्‍वंबलय् वय्‌कलं इमित धयादिल – “मनूया काय् सिनाः म्‍वाना मवतले छिमिसं थ्‍व खँ सुयातं कने मते।”

मत्ती 21:32

भिंगु व धात्‍थेंगु लँपु क्‍यनेत बप्‍तिस्‍मा बीम्‍ह यूहन्‍ना छिकपिन्‍थाय् वल, अय्‌नं छिकपिन्‍सं वयागु खँ न्‍यनामदी। बरु कर काइपिं मनूतय्‌सं व वेश्‍यातय्‌सं वयागु खँय् विश्‍वास यात। इमिसं याःगु फुक्‍कं खंक खंक नं छिकपिन्‍सं पश्‍चाताप मयात धाःसा अले वयात विश्‍वास यानामदी।”

मत्ती 8:20

वय्‌कलं लिसः बियादिल – “ध्‍वंतय् च्‍वनेत प्‍वाः दु, झंगःतय् च्‍वनेत स्‍वँ दु, मनूया काय्‌या धाःसा छ्यं दिकेत नं थाय् मदु।”

लूका 7:33

“दाखरस मत्‍वनीम्‍ह व मरि मनइम्‍ह बप्‍तिस्‍मा बीम्‍ह यूहन्‍ना वलं छिमिसं वयात ‘भूत दुब्‍यूम्‍ह मनू’ धकाः धाल।

यूहन्‍ना 1:11

वय्‌कः थः हे मनूतय्‌थाय् झाल। अय्‌नं थः मनूतय्‌सं वय्‌कःयात नाला मकाः।

प्रेरित 2:23

परमेश्‍वरं थःगु ग्‍वसाः व ज्ञानकथं येशूयात छिकपिनि ल्‍हातय् बियादिल। अले छिकपिन्‍सं वय्‌कःयात अधर्मीतय्‌गु ल्‍हातय् क्रूसय् स्‍याकेत लःल्‍हाना बिल।

प्रेरित 4:10

का सा, छिकपिं व इस्राएली मनूत फुक्‍कसिनं बांलाक न्‍यनादिसँ – नासरतयाम्‍ह येशू ख्रीष्‍टयात छिकपिन्‍सं क्रूसय् यख्‍खानाः स्‍यात, अय्‌नं परमेश्‍वरं सीम्‍हय्‌सित हानं म्‍वाकादिल। थ्‍व हे येशू ख्रीष्‍टयागु नामं थ्‍व मनू छिकपिनिगु न्‍ह्यःने थथे लनाः दनाच्‍वने फुगु खः।

प्रेरित 7:52

छिकपिनि तापाःबाज्‍यापिन्‍सं अगमवक्ता सुयात जक दुःख मब्‍यूगु दु? धर्मीम्‍ह मनू झायादी तिनि धकाः धाःपिन्‍त नं इमिसं स्‍याना छ्वल। आः व हे धर्मीम्‍ह मनूयात नं छिकपिन्‍सं दुःख जक बियाः मगानाः धोखा बियाः स्‍यानाबिल।