मत्ती 13:8 - नेवाः बाइबल

⁸ गुलिं पुसा भिंगु चा दुथाय् लात, अले यक्‍व अन्‍न सल। गनं सछि, गनं खुइदुगं, गनं स्‍विदुगं अन्‍न सल।

मत्ती 13:8 ပူးပေါင်းရင်းမြစ်များ

उत्‍पत्ति 26:12

इसहाकं अन बुँ ज्‍यात। अले उगु दँय् वं सच्‍छिब्‍व अप्‍वः सय्‌काः बाली लल, छाय्‌धाःसा परमप्रभुं वयात आशिष बियादीगु खः।

मत्ती 13:23

परमेश्‍वरयागु वचन न्‍यनाः थुइका काइपिं मनूत भिंगु चाय् लाःगु पुसा थें खः। थुमिसं यक्‍व अन्‍न सय्‌की। गुलिसिनं सछि, गुलिसिनं खुइदुगं, गुलिसिनं स्‍विदुगं अन्‍न सय्‌की।”

मत्ती 13:7

अले हानं गुलिं पुसा कंमा दुथाय् लात। कंमा तःमा जुया वःबलय् अन लाःगु पुसा थाहां वये मफुत।

मर्कूस 4:20

गुलिं मनूत भिंगु चाय् लाःगु पुसा थें खः। इमिसं वचन नं न्‍यनी, अले मानय् नं याइ। इमिसं स्‍विदुगं, खुइदुगं, व सछिदुगं अप्‍वः अन्‍न सय्‌की।”

मर्कूस 4:8

अले गुलिं पुसा भिंगु चा दुथाय् लात। थ्‍व चाय् पुसा बुया वयाः तःमा जुल। अले यक्‍व अन्‍न सल। गनं स्‍विदुगं, गनं खुइदुगं, गनं सछिदुगं अन्‍न सल।”

लूका 8:15

अले भिंगु चा दुथाय् लाःगु पुसा इपिं खः – सुनां परमेश्‍वरयागु वचन भिंगु मतिं न्‍यनाः नुगलय् दुने थ्‍यंक स्‍वथना तइ। अले थुमिसं क्‍वात्तुक विश्‍वास यानाः फल सय्‌की।”

लूका 8:8

अले गुलिं पुसा भिंगु चा दुथाय् लात। थ्‍व पुसा तःमा जुयाः सछिदुगं अप्‍वः अन्‍न सल।” सुयाके न्‍हाय्‌पं दु वं न्‍यना का। थुलि धयाः वय्‌कलं उखान क्‍वचाय्‌कादिल।

यूहन्‍ना 15:8

छिमिसं यक्‍व फल सय्‌कल धाःसा उकिं हे जिमि बाः तःधनी। अले छिपिं जिमि चेलात जुइ।

रोमी 7:18

जिगु मनय् छुं नं भिंगु खं थाय् मकाः धकाः जिं सिल। मनं भिंगु याये मास्‍ति वःसां जिं याये मफु।

फिलिप्‍पी 1:11

अले परमेश्‍वरया महिमा व प्रशंसाया निंतिं येशू ख्रीष्‍टपाखें वइगु धार्मिकताया फलं छिपिं जाइ।