मत्ती 11:3 - नेवाः बाइबल

³ “झायादी माःम्‍ह छि हे खः ला कि जिमिसं मेम्‍हय्‌सिगु लँ स्‍वयाच्‍वनेमाः नि?”

मत्ती 11:3 ပူးပေါင်းရင်းမြစ်များ

उत्‍पत्ति 12:3

छन्‍त आशिष ब्‍यूपिन्‍त जिं नं आशिष बी, छन्‍त सराः ब्‍यूपिन्‍त जिं नं सराः बी। छपाखें हे संसारय् च्‍वंपिं दक्‍व जातितय्‌सं आशिष काइ।”

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

भजनसंग्रहया सफू 118:26

परमप्रभुया नामं झाःम्‍ह धन्‍यम्‍ह खः। जिमिसं वय्‌कःयात परमप्रभुया देगलं आशिष बी।

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

ओबदिया 1:21

उद्धार याइपिं एसावया डाँडाय् राज्‍य यायेत सियोन पर्वतय् थाहां वइ। अले राज्‍य परमप्रभुयागु हे जुइ।

मीका 5:2

“तर, हे बेथलेहेम एप्राता, छ यहूदाया कुलत मध्‍ये दकलय् चिधंगु जूसां जिगु लागिं छंकेनं छम्‍ह मिजं पिहां वइ गुम्‍हय्‌सिनं इस्राएलयात शासन याइ, गुम्‍हय्‌सिगु शुरु पुलांगु इलंनिसें हे, अर्थात दकलय् न्‍हापाया इलंनिसें हे दु।”

हाग्‍गै 2:7

जिं फुक्‍क जातितय्‌त संकाबी, अले फुक्‍क जातितय्‌गु धन-सम्‍पत्ति थन मुं वइ। अले थ्‍व देगःयात झःझः धाय्‌के बी,’ दक्‍व शक्ति दुम्‍ह परमप्रभुं धयादी।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

गन्‍ती 24:17

जिं वय्‌कःयात स्‍वये, तर आः थत्‍थें ला मखु। जिं वय्‌कःयात खंके, तर लिक्‍क हे ला मखु। याकूबं छगः नगु त्‍वइ, इस्राएलं छगू राजदण्‍ड पिहां वइ। वय्‌कलं मोआबया छ्यं तछ्यानादी। शेथया सन्‍तानयात नाश यानाबी।

मत्ती 11:10

थ्‍वयागु खँ धर्मशास्‍त्रय् थथे च्‍वयातःगु दु – “‘जिं जिम्‍ह दूतयात छंगु न्‍ह्यः हे छ्वयाबी। वं हे छंगु निंतिं लँ दय्‌काबी।’”

मत्ती 11:4

वय्‌कलं इमित लिसः बियादिल – “छिमिसं छु छु खना अले न्‍यना यूहन्‍नायात वनाः व हे धयाब्‍यु।

मत्ती 21:5

“सियोनया मनूतय्‌त धा – ‘स्‍व, छिमि जुजु छिमिथाय् झायाच्‍वंगु दु। वय्‌कः क्‍वमिलुम्‍ह जुयाः गधा गयादिल, गधाया मचा गयाः झायादीगु दु।’”

मत्ती 21:9

वय्‌कःया ल्‍यूल्‍यू व न्‍ह्यः न्‍ह्यः वयाच्‍वंपिं मनूत थथे धकाः हाल – “होसन्‍ना, दाऊदया काय्, प्रभुया नामं झाःम्‍ह धन्‍यम्‍ह खः। स्‍वर्गय् च्‍वनादीम्‍ह परमेश्‍वरयात होसन्‍ना।”

मर्कूस 11:9

वय्‌कःया न्‍ह्यः न्‍ह्यः वंपिं व ल्‍यूल्‍यू वःपिं थथे हाल – “होसन्‍ना, प्रभुया नामं झाःम्‍ह धन्‍यम्‍ह खः।

लूका 19:38

“परमप्रभुया नामं झाःम्‍ह जुजु धन्‍यम्‍ह खः। स्‍वर्गय् शान्‍ति जुइमा, अले परमेश्‍वरया जयजय जुइमा।”

यूहन्‍ना 11:27

वं धाल – “खः प्रभु, संसारय् झायादी माःम्‍ह परमेश्‍वरया काय्, मुक्ति बीम्‍ह ख्रीष्‍ट छि हे खः धकाः जिं विश्‍वास यानागु दु।”

यूहन्‍ना 12:13

उकिं इमिसं ताय्‌गः सिमाया कचामचा ज्‍वनाः– “होसन्‍ना, इस्राएलयाम्‍ह जुजु परमप्रभुयागु नामं झाःम्‍हय्‌सिया जयजय जुइमा” धकाः हा हां वय्‌कःयात लसकुस याः वन।

यूहन्‍ना 16:14

वय्‌कलं जिगु खँयात कयाः छिमित थथे कनाः जितः तःधंकादी।

यूहन्‍ना 4:21

वय्‌कलं वयात धयादिल – “मय्‌जु, विश्‍वास यानाः बांलाक न्‍यना का। ई वयाच्‍वंगु दु, गुबलय् छिमिसं परमेश्‍वर बाःयात आराधना यायेत न यरूशलेमय् न थ्‍व पहाडय् हे वनेमाली।

यूहन्‍ना 6:14

थुकथं वय्‌कलं यानादीगु चिं खनाः मनूतय्‌सं थथे धाल – “धात्‍थें, संसारय् वइ धाःम्‍ह अगमवक्ता ला थ्‍व हे खः।”

यूहन्‍ना 7:31

अय्‌सां यक्‍व मनूतय्‌सं वय्‌कःयात विश्‍वास यात। इमिसं धाल – “मुक्ति बीम्‍ह ख्रीष्‍ट झाइबलय् वय्‌कलं थ्‍व मनुखं स्‍वयाः अप्‍वः अजू चायापुगु चिं क्‍यनादी ला?”

हिब्रू 10:37

धर्मशास्‍त्रय् च्‍वयातःगु दु – “आः झाइम्‍ह मनू झाया हे दी, लिबाकादी मखु।