मत्ती 10:3 - नेवाः बाइबल

³ फिलिप व बारथोलोमाइ, थोमा, कर काइम्‍ह मत्ती, अल्‍फयसया काय् याकूब व थेदियस,

मत्ती 10:3 ပူးပေါင်းရင်းမြစ်များ

मत्ती 18:17

इमिसं धाःगु खँ नं वं मन्‍यन धाःसा मण्‍डलीइ वनाः फुक्‍क खँ न्‍यंकाब्‍यु। मण्‍डलीयागु खँ नं मन्‍यन धाःसा छिमिसं वयात यहूदीमखुम्‍ह व कर काइम्‍ह मनू थें ताय्‌कि।

मत्ती 27:56

थुपिं मध्‍ये मरियम मग्‍दलिनी, याकूब व योसेफया मां मरियम, अले जब्‍दिया काय्‌पिनि मां खः।

मत्ती 9:9

येशू अनं मेथाय् झायाच्‍वनादीबलय् मत्ती धयाम्‍ह छम्‍ह मनूयात कर कायेगु अड्डाय् च्‍वनाच्‍वंगु खन। अले वय्‌कलं वयात सःतादिल – “जि नाप वा।” अले व दनाः वय्‌कः नाप वन।

मर्कूस 15:40

मिसातय्‌सं नं तापाकं स्‍वयाच्‍वंगु दु। इपिं मध्‍ये मरियम मग्‍दलिनी, चिधीम्‍ह काय् याकूब व योसेफया मां मरियम व सलोमीपिं नं खः।

मर्कूस 2:14

लँय् वयाच्‍वंबलय् वय्‌कलं लेवी धाःम्‍ह अल्‍फयसया काय्‌यात कर कायेगु अड्डाय् च्‍वनाच्‍वंगु खनाः धयादिल – “जि नाप वा।” अले व दनाः वय्‌कः नाप वन।

मर्कूस 3:18

अन्‍द्रियास, फिलिप, बारथोलोमाइ, मत्ती, थोमा, अल्‍फयसया काय् याकूब, थेदियस, सिमोन कनानी

लूका 18:10

“छन्‍हु छम्‍ह फरिसी व कर काइम्‍ह मनू प्रार्थना यायेत देगलय् वन।

लूका 18:11

फरिसीं दनाः थथे प्रार्थना यात – ‘परमेश्‍वर, जिं छितः सुभाय् बी, छाय्‌धाःसा जि मेपिं थें ज्‍याःम्‍ह मनू मखु। जि खुँ लुच्‍चा मजुया, मभिं मजुया, व्‍यभिचार मयाना, अले थ्‍व कर काइम्‍ह मनू थें नं मजुया।

लूका 18:13

“कर काइम्‍ह मनुखं धाःसा तापाकं हे दनाः स्‍वर्गय् तकं थस्‍वये मफयाः नुगः मछिंकाः थथे धाल – ‘परमेश्‍वर, जि पापीयात दया यानादिसँ।’”

लूका 19:2

अन जखायस धाःम्‍ह छम्‍ह मनू दु। व कर काइपिनि हाकिम खः। व तसकं तःमि।

लूका 5:27

येशू अनं पिहां झाःबलय् कर कायेगु अड्डाय् च्‍वनाच्‍वंम्‍ह लेवी धाःम्‍ह कर काइम्‍ह मनूयात खनाः वयात सःतादिल – “जि नाप वा।”

यूहन्‍ना 1:48

वं धाल – “छिं जितः गथे म्‍हसिल?” वय्‌कलं लिसः बियादिल – “फिलिपं छन्‍त सःते न्‍ह्यः हे जिं छन्‍त यःमरिमाया क्‍वय् खना।”

यूहन्‍ना 11:16

अले दिदुमस धाःम्‍ह थोमां थः चेला पासापिन्‍त धाल – “नु, झी नं वय्‌कः नाप वने सी माःसां सी।”

यूहन्‍ना 14:22

यहूदां (इस्‍करियोत मखु) वय्‌कःयात धाल – “प्रभु, छु जुइत्‍यंगु दु धकाः छिं थःत संसारयात मखु, बरु जिमित जक म्‍हसीकादी धकाः धयादियागु?”

यूहन्‍ना 14:5

थोमां वय्‌कःयात धाल – “प्रभु, छि गन झायादी त्‍यना धकाः हे जिमिसं मस्‍यू धाःसा गथे यानाः छि झाइगु लँपु सीके फइ?”

यूहन्‍ना 14:9

वय्‌कलं धयादिल – “फिलिप, थुलिमछि दये धुंकल छ जि नाप जूगु, आः तक नं छं जितः म्‍हसीके मफुनि ला? सुनां जितः खन, वं बाःयात नं खने धुंकल धासेंलि हानं ‘जिमित बाः छकः क्‍यँ’ धकाः धायेमानि ला?

यूहन्‍ना 21:2

सिमोन पत्रुस, दिदुमस धाःम्‍ह थोमा, गालीलय् च्‍वंगु काना धाःगु थासय् च्‍वंम्‍ह नथानेल, जब्‍दिया काय्‌पिं व मेपिं निम्‍ह चेलात नं नापं दु।

प्रेरित 1:13

शहरय् वयेवं इपिं छखा छेँय् दुहां वनाः तले च्‍वंगु क्‍वथाय् वन। अन पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसया काय् याकूब, क्रान्‍तिइ सने धुंकूम्‍ह सिमोन व याकूबया काय् यहूदापिं च्‍वनीगु खः।

प्रेरित 12:17

अले वं इमित हाले मते धकाः ल्‍हाःभाय् यानाः प्रभुं वयात गुकथं झ्‍यालखानां पित ब्‍वना हयादिल धयागु खँ फुक्‍क कन। वं इमित – “थ्‍व खँ याकूब व मेपिं विश्‍वासीतय्‌त नं धयाब्‍यु” धकाः धयाः अनं मेथाय् वन।

प्रेरित 15:13

इमिसं नवाये धुंकाः याकूबं धाल – “दाजुकिजापिं, जिगु खँ न्‍यनादिसँ।

प्रेरित 21:18

कन्‍हय् खुन्‍हु पावल व जिपिं फुक्‍क याकूबयाथाय् वना। अन मण्‍डलीयापिं फुक्‍क थकालिपिं मुनाच्‍वंगु जुयाच्‍वन।

गलाती 1:19

अन जिं प्रभुया किजा याकूब बाहेक मेपिं सुं प्रेरिततय्‌त नाप मलाना।

गलाती 2:9

मण्‍डलीया थां धयातःपिं याकूब, पत्रुस व यूहन्‍नां परमेश्‍वरं जितः थ्‍व ज्‍या बियादीगु खः धकाः सीकाः बारनाबासयात व जितः मण्‍डलीया जव ल्‍हाः यात। जिमिगु ज्‍या यहूदीमखुपिन्‍थाय् वनेगु, अले इमिगु ज्‍या यहूदीतय्‌थाय् वनेगु जुल।

याकूब 1:1

परमेश्‍वर व प्रभु येशू ख्रीष्‍टया दास याकूबयापाखें सारा संसारय् न्‍यंक वनाच्‍वंपिं इस्राएलीतय्‌गु झिंनिगू कुलयापिं मनूतय्‌त ज्‍वजलपा।

यहूदा 1:1

याकूबया किजा व येशू ख्रीष्‍टया दास यहूदापाखें परमेश्‍वरं सःतादीपिन्‍त, परमेश्‍वर बाःनं माया यानातःपिन्‍त, अले येशू ख्रीष्‍टं बचय् यानातःपिन्‍त ज्‍वजलपा।