मलाकी 4:6 - नेवाः बाइबल

⁶ अले वं मां-बौयागु नुगः थः काय्‌म्‍ह्याय् पाखे व काय् म्‍ह्याय्‌पिनिगु नुगः मां-बौपाखे हीकाबी। अथे मजूसा जिं देशयात सराः बियाः नाश यानाबी।”

मलाकी 4:6 ပူးပေါင်းရင်းမြစ်များ

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 24:6

अथे जुयाः छगू सरापं पृथ्‍वीयात भस्‍म याइ। अले अन दुपिं मनूतय्‌सं थःम्‍हं याःगु दोषया सजाँय फयेमाः। अथे जुयाः पृथ्‍वी च्‍वंपिं मनूतय्‌त मिं छ्वय्‌काछ्वइ। थुकथं म्‍हो जक मनूत बचय् जुइ।

यशैया 40:3

सुं छम्‍हय्‌सिनं थथे धकाः हाला हःगु सः ताये दइ, “मरुभूमिइ परमप्रभुयात लँ ब्‍यु, झिजांमिजां दंगु थासय् झी परमेश्‍वरयात लँ छिंकाब्‍यु।

यशैया 43:28

अथे जुयाः जिं छंगु देगःया थकालितय्‌त अशुद्ध ठहरय् याना। जिं याकूबया लागिं पूर्ण नाश हयागु दु, जिं इस्राएलयात बदनाम जुइके बियागु दु।”

यशैया 61:2

वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

यशैया 65:15

छिमिसं थःपिनिगु नां जिं ल्‍ययापिनिगु निंतिं सरा कथं त्‍वःतावनि। अले जि, परमप्रभु परमेश्‍वरं छिमित स्‍यानाबी। तर जिं थः दासतय्‌गु निंतिं मेगु नां बी।

दानिएल 9:11

छिगु आज्ञा मानय् मयासें सकल इस्राएलं छिगु व्‍यवस्‍था त्‍वाथूगु दु अले छिपाखें फहिलावंगु दु। “उकिं परमेश्‍वरया च्‍यः मोशाया व्‍यवस्‍थाय् च्‍वयातःगु सराः व फैसला जिमित लाःगु दु। छाय्‌धाःसा जिमिसं छिगु खँ मन्‍यंसें पाप यानागु दु।

जकरिया 11:6

आवंलि जिं देशय् च्‍वंपिं सुयातं हे दया याये मखुत,” परमप्रभुं धयादी। “जिं मनूतय्‌त छम्‍हय्‌सित मेम्‍हय्‌सिगु विरोधी यानाबी। अले इमित इमि शासकतय्‌गु ल्‍हातिइ तयाबी। इमिसं देशयात क्‍वत्‍यली। अय्‌नं जिं थ्‍वयात इमिगु ल्‍हातिं बचय् याये मखु।”

जकरिया 13:8

हाकनं परमप्रभुं थथे धयादी, “थ्‍व देशयापिं मनूतय् स्‍वब्‍वय् निब्‍व स्‍याइ, ल्‍यंदुपिं स्‍वब्‍वय् छब्‍व जक उकी च्‍वनाच्‍वनी।

जकरिया 14:12

यरूशलेमलिसें लडाइँ याइपिं जातितय्‌थाय् परमप्रभुं छगू ग्‍यानापुगु ल्‍वय् हयाबी। इपिं दनाच्‍वंबलय् हे इमिगु म्‍हयागु ला ध्‍वग्‍गिनाः वनी। इमिगु मिखा इमिगु मिखा ग्‍वलय् हे ध्‍वग्‍गिनावनी अले इमिगु मे इमिगु म्‍हुतुइ ध्‍वग्‍गिनावनी।

जकरिया 14:2

जिं फुक्‍क जातितय्‌त यरूशलेमलिसे लडाइँ यायेत मुंके, अले व शहरयात काइ, छेँ पतिकं लुतय् याइ। अले मिस्‍तय्‌त बलात्‍कार याइ। शहरयापिं बच्‍छि मनूतय्‌त ज्‍वनाः विदेशय् यंकी। ल्‍यंदुपिं मनूत धाःसा शहरय् हे च्‍वनी।

जकरिया 5:3

अले वं जितः धाल, “देशया दक्‍व थासय् लाये त्‍यंगु सराःया बारे उकी च्‍वयातःगु दु। उकिया छखेपाखे फुक्‍क खुँतय्‌त देशं पितिनाछ्वइ धकाः च्‍वयातःगु दु। अले मेखेपाखे मखुगु पाफइपिन्‍त नं पितिनाछ्वइ धकाः च्‍वयातःगु दु।

मत्ती 22:7

“जुजुं तमं मि जुयाः सिपाइँतय्‌त छ्वयाः व ज्‍यानमारातय्‌त स्‍याकल। अले इमिगु शहर नं छ्वय्‌काबिल।

मर्कूस 11:21

अले पत्रुसयात लुमंसे वयाः थथे धाल – “गुरुजु, स्‍वयादिसँ, छिं सराः बियादीगु सिमा ला गनावने धुंकल।”

लूका 1:76

छ नं, जिमि काय्, दकलय् तःधंम्‍ह परमेश्‍वरया अगमवक्ता धकाः छन्‍त धाइ। उकिं छ प्रभुया न्‍ह्यः वय्‌कःयात लँ छिंकेत वनीम्‍ह जुइ।

हिब्रू 6:8

कं व घाँय् जक बुयावल धाःसा व बुँ ज्‍यालगय् जुइ मखु। उकी ला परमेश्‍वरयागु सराः लाइ, अले मि तइ।

प्रकाश 19:15

जात जातियापिं मनूतय्‌त स्‍यायेत वय्‌कःयागु म्‍हुतुं छपु तरवार पिहां वयाच्‍वंगु दु। अले वय्‌कलं इमित नँयागु दण्‍डीं राज्‍य यानादी। दक्‍वसिबय् तःधंम्‍ह व शक्ति दुम्‍ह परमेश्‍वरयागु तमं जायाच्‍वंगु दाख तिस्‍सिगु थासय् वय्‌कलं तुतिं न्‍हुयाः दाखरस पिकयादी।

प्रकाश 22:3

अन सराः बियातःगु छुं हे नं दइ मखुत। परमेश्‍वर व चीधिकःम्‍ह भ्‍याःचायागु सिंहासन अन दइ। अले वय्‌कःया दासतय्‌सं वय्‌कःयात आराधना याइ।