मलाकी 4:4 - नेवाः बाइबल

⁴ “जिं होरेब पर्वतय् सकल इस्राएलीतय्‌गु निंतिं जिम्‍ह दास मोशायात बियागु विधि व नियम दुगु व्‍यवस्‍थायात लुमंकी अले उकियात बांलाक मानय् या।

मलाकी 4:4 ပူးပေါင်းရင်းမြစ်များ

यशैया 42:21

थःगु धार्मिकताया कारणं थःगु व्‍यवस्‍थायात तःधंकेगु व महिमां जाय्‌केगु परमप्रभुयात यल।

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

रोमी 3:31

छु थ्‍व विश्‍वासं यानाः व्‍यवस्‍था ज्‍यालगय् मजुल ला? अहं, अथे मखु, बरु झीसं ला व्‍यवस्‍थायात झन जक बांलाक मानय् यानाच्‍वनागु जुइ।

व्‍यवस्‍था 4:10

छिपिं होरेबय् परमप्रभु थः परमेश्‍वरया न्‍ह्यःने दंगु दिंयात लुमंकि। उबलय् परमप्रभुं जितः धयादिल, “मनूतय्‌त जिगु न्‍ह्यःने मुंकि, अले इमित जिगु वचन न्‍यंकि। गुकिं यानाः जिं इमित बीत्‍यनागु देशय् म्‍वानाच्‍वंतले इमिसं जिगु ग्‍याःभय कायेमाः अले इमिसं थ्‍व हे खँ थःकाय् म्‍ह्याय्‌पिन्‍त स्‍यनेमाः।”

व्‍यवस्‍था 4:23

होश या! परमप्रभु छिमि परमेश्‍वरं छिपिंलिसें यानादीगु बाचा ल्‍वःमंके मते! वय्‌कलं दय्‌के मते धकाः धयादीगु छुकियागु नं मूर्ति दय्‌के मते!

व्‍यवस्‍था 5:2

परमप्रभु झी परमेश्‍वरं झीपिंलिसे होरेबय् छगू बाचा चिनादीगु दु।

व्‍यवस्‍था 8:11

होश या! परमप्रभु छिमि परमेश्‍वरयात ल्‍वमंके मते, जिं थौं छिमित बियाच्‍वनागु परमप्रभु छिमि परमेश्‍वरया आज्ञा, विधि व नियम मानय् मयासें वय्‌कःयात ल्‍वःमंके मते।

व्‍यवस्‍था 8:19

छिमिसं परमप्रभु थः परमेश्‍वरयात ल्‍वःमंकल धाःसा अले मेपिं द्यःतय्‌गु ल्‍यू वनाः इमित पुजा व भागि यात धाःसा छिपिं धात्‍थें नाश जुइ धकाः जिं थौं छिमित ख्‍याच्‍वः बी।