मलाकी 4:3 - नेवाः बाइबल

³ जिं थ्‍व ज्‍या यायेगु दिनय् छिमिसं दुष्‍टतय्‌त तुतिं न्‍हुइ, अले इपिं छिमिगु तुति क्‍वय्‌यागु नउ थें जुइ,” दक्‍व शक्ति दुम्‍ह परमप्रभुं धयादी।

मलाकी 4:3 ပူးပေါင်းရင်းမြစ်များ

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

२ शमूएल 22:39

जिं इमित दने हे मफयेक क्‍वथला इपिं जिगु तुतिइ क्‍वदल।

२ शमूएल 22:43

जिं इमित धू जुइक दाया। मनूतय्‌सं लँय् ध्‍याचःयात न्‍हुत्तुन्‍हुगु थें जिं इमित न्‍हुत्तुन्‍हुया।

अय्‍यूब 40:12

फुक्‍क घमण्‍डी मनूयात स्‍वयाः इमित क्‍वय् क्‍वका। इपिं दनाच्‍वंगु थासय् हे दुष्‍ट मनूतय्‌त काच्‍याक कुचुक यानाब्‍यु!

भजनसंग्रहया सफू 147:6

परमप्रभुं क्‍वत्‍यका च्‍वनेमाःपिन्‍त थकयादी, तर दुष्‍टतय्‌त बँय् बस्‍वानादी।

भजनसंग्रहया सफू 49:14

इपिं फै थें सिनावनी कालं इमित नुनाछ्वइ। धर्मीपिन्‍सं इमित शासन याइ। इमिगु म्‍ह थःगु छेँनं तापाक चिहानय् ध्‍वगिनावनि।

भजनसंग्रहया सफू 91:13

छं सिंह व गोमन सर्पयात तुतिं न्‍हुइ, ल्‍याय्‌म्‍हम्‍ह सिंह व सर्पयात छं तुतिं न्‍हुत्तुन्‍हुइ।

यशैया 25:10

थ्‍व पर्वतयात परमप्रभुं रक्षा यानादी मोआबया मनूतय्‌त धाःसा छ्वालियात सौलय् न्‍हुत्तुन्‍हु थें न्‍हुयादी।

यशैया 26:6

आः क्‍वत्‍यका च्‍वंपिं इमिगु च्‍वंच्‍वं न्‍यासि वनी, अले दुःखकष्‍टय् लानाच्‍वंपिनिगु तुतिं इमित न्‍हुत्तुन्‍हुइ।

विलाप 1:15

“परमप्रभुं जितः रक्षा याइपिं दकलय् बल्‍लाःपिं फुक्‍क सिपाइँतय्‌त क्‍वह्यंकादीगु दु। वय्‌कलं जिमि ल्‍याय्‌म्‍हपिं मनूत नाश यायेत सिपाइँत छ्वयादिल। दाखयात तिसीगु थें परमप्रभुं जितः, यहूदाया कन्‍या म्‍ह्याय्‌यात तिसिनादिल।

इजकिएल 28:18

छंगु यक्‍व पाप व बेइमान व्‍यापारपाखें छं छंगु पवित्रगु थाय् अशुद्ध यात। थुकिं यानाः जिं छपाखें हे मि पिकयाबिया, उकिं हे छन्‍त भस्‍म यात। छन्‍त क्‍वथीक स्‍वइपिं सकसिगु न्‍ह्यःने जिं छन्‍त जमिनय् नौ यानाबिया।

दानिएल 7:18

लिपतय् दक्‍व शक्ति दुम्‍ह परमेश्‍वरया पवित्र मनूतय्‌त राज्‍य दइ। उकी इमिसं सदां सदांया लागि अधिकार याइ।’

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

मीका 5:8

यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।

मीका 7:10

“जितः परमप्रभु छिमि परमेश्‍वर गन दु?” धकाः धाइम्‍ह जि शत्रु थ्‍व खनाः तसकं मछाली। अले जिगु मिखां व क्‍वःदःगु खनी। वयात गल्‍लि गल्‍लिइ ध्‍याचःयात थें न्‍हुत्तुन्‍हुइ।

जकरिया 10:5

इपिं लडाइँलय् थः शत्रुतय्‌त लँया धुलय् न्‍हुत्तु न्‍हुइपिं बल्‍लाःपिं सिपाइँत थें जुइ। परमप्रभु इपिं लिसे दीगुलिं इमिसं सल गयाः वइपिं सिपाइँतय्‌त नं बुकी।

मलाकी 3:17

“गुखुन्‍हु जिं इमित थःगु सम्‍पत्ति थें दय्‌केगु ज्‍या याये उखुन्‍हु हे इपिं जिम्‍ह मनूत जुइ। बौनं थःगु खँ न्‍यनीम्‍ह काय्‌यात गथे दया माया यानाः ल्‍यंका तइ अथे हे जिं इमित ल्‍यंकातये,” दक्‍व शक्ति दुम्‍ह परमप्रभुं धयादी।

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 14:20

शहरं पिने यंकाः दाख तिस्‍सिल। दाख तिस्‍यूबलय् सलयागु गःपः तक जायाः स्‍वसः किलोमिटर तक हि बाः वन।