मलाकी 4:2 - नेवाः बाइबल

² “अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

मलाकी 4:2 ပူးပေါင်းရင်းမြစ်များ

२ शमूएल 23:4

व सुपाँय् मदुबलय्‌या सुथसियागु निभाजः थें खः। व वा वये धुंकाः जमिनं घाँय् बुइकीगु जः थें खः।”

भजनसंग्रहया सफू 103:3

वय्‌कलं जिगु फुक्‍क पाप क्षमा यानादी अले जिगु फुक्‍क ल्‍वय् लंकादी

भजनसंग्रहया सफू 147:3

वय्‌कलं नुगः क्‍वतुंपिन्‍त लाय्‌कादी, अले इमिगु घालय् पट्टी चिनादी।

भजनसंग्रहया सफू 61:5

हे परमेश्‍वर, छिं जिगु भाकल न्‍यनादीगु दु। छिं जितः छिगु भय काइपिन्‍त दइगु भिंगु खँ बियादीगु दु।

भजनसंग्रहया सफू 67:1

हे परमेश्‍वर, जिमित दया यानादिसँ, अले सुवाः बियादिसँ। जिमित थःगु ख्‍वाःया दयाया जलं खय्‌कादिसँ। सेला

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

भजनसंग्रहया सफू 85:9

धात्‍थें हे वय्‌कःया उद्धार वय्‌कःयात मानय् याइपिनिगु न्‍ह्यःने हे दु, अथे जुयाः वय्‌कःया महिमा झीगु देशय् च्‍वनाच्‍वनेमा।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यशैया 35:6

अले लंग्रापिं चल्‍ला थें तिंन्‍हुइ, खाखःत लय्‌तातां तसलं हाली। गंगु बं तज्‍यानाः लः पिहां वइ अले मरुभूमिइ खुसिबाः न्‍ह्याइ।

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

यशैया 53:5

तर वयात ला झीगु हे अपराधया निंतिं सुयाबिल। वयात झीगु अधर्मया निंतिं क्‍वत्‍यल। वं सजाँय फःगुलिं झीत सुख शान्‍ति दत। वं कोर्रा नःगुलिं झीपिं लन।

यशैया 9:2

थ्‍व तसकं खिउँथाय् न्‍यासि जुइपिं मनूतय्‌सं छगू तःधंगु जः खनीतिनि। तसकं खिउँगु देशय् च्‍वनाच्‍वंपिन्‍सं नं थ्‍व तःधंगु जः स्‍वइतिनि।

यर्मिया 17:14

हे परमप्रभु, छिं जितः लाय्‌कादिसँ, अले जि बांलाक लनी। जितः बचय् यानादिसँ अले जि बचय् जुइ। जिं छितः हे प्रशंसा याये।

यर्मिया 30:17

परमप्रभुं धयादी, ‘जिं छन्‍त वासः यानाः छंगु घाः लाय्‌काबी, छाय्‌धाःसा छन्‍त सकसिनं अलग यानातःम्‍ह सुनां वास्‍ता मयाःम्‍ह सियोन धकाः धाइगु।’

यर्मिया 33:6

“‘अथेजूसां, जिं थःम्‍हं हे थ्‍व शहरयात लाय्‌काः हाकनं स्‍वस्‍थ यानाबी। अले थनयापिं मनूतय्‌त गाक्‍क सुरक्षा व शान्‍ति बी।

इजकिएल 47:12

खुसिया सिथय् निखेंपाखे थीथी कथंयागु फलयागु सिमात बुया वइ। उमिगु हः सुकूगनावनी मखु। उमिगु फल गुबलें फुइ मखु। उमिसं फुक्‍क लाय् हे फल बी, छाय्‌धाःसा उमित प्‍याकिगु लः पवित्र थासं न्‍ह्याइगु खः। उमिगु फल नयेत व उमिगु हः ल्‍वय् लाय्‌केत जुइ।”

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

मलाकी 3:16

परमप्रभुया भय काइपिं मनूतय्‌सं थःथवय् थथे खँ ल्‍हाना च्‍वंबलय् परमप्रभुं इमिगु खँ ध्‍यान बियाः न्‍यनादिल। अले वय्‌कःयागु भय काइपिं व वय्‌कःयात हनाबना तइपिनिगु नां इमिगु लुमन्‍तिया निंतिं वय्‌कःया न्‍ह्यःने छगू सफुतिइ च्‍वल।

मत्ती 11:5

कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत हानं म्‍वानावल, अले चीमिपिन्‍सं भिंगु खँ न्‍यन।

मत्ती 23:37

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वल, अले परमेश्‍वरं छ्वयाहयादीपिं दूततय्‌त ल्‍वहँतं कय्‌का छ्वल। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

लूका 1:50

वय्‌कःयात मानय् याइपिन्‍त वय्‌कलं पुस्‍ता पुस्‍तां तकं दया यानादी।

लूका 1:78

झी परमेश्‍वर तसकं भिंम्‍ह व दया माया दुम्‍ह खः। अय्‌जूगुलिं वय्‌कलं तसकं थीगु मुक्तियागु निभाः जः झीत खय्‌कादी।

लूका 2:32

यहूदीमखुपिन्‍त नं लँ क्‍यनीम्‍ह वय्‌कः मुक्तिदाता व जः खः। उकिं वय्‌कः मुक्तिदाता झायादीगुलिं मनूतय्‌सं झी इस्राएलीतय्‌त तःधंकी।”

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 1:4

जीवन वय्‌कःयाके दु। व हे जीवन मनूतय्‌त मदय्‌कं मगाःगु जः खः।

यूहन्‍ना 1:8

थ्‍व मनू थः हे जः मखु, बरु जः फुक्‍कसितं म्‍हसीका बीत वःम्‍ह खः।

यूहन्‍ना 12:40

“परमेश्‍वरं इमिगु मिखा कां यानाः नुगः छाय्‌का बिल। थथे जूगुलिं इमिसं मिखां खनी मखु, अले मनं थुइके फइ मखु, अले लाय्‌केत जिथाय् लिफः स्‍वयाः वइ मखु।”

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

यूहन्‍ना 9:4

झीसं न्‍हि दतले जितः छ्वया हःम्‍हय्‌सिगु ज्‍या यायेमाः, चान्‍हय् सुनानं ज्‍या याइ मखु।

प्रेरित 13:26

“दाजुकिजापिं, अब्राहामया सन्‍तान जूसां वा परमेश्‍वरयात मानय् याइपिं यहूदीमखुपिं जूसां थ्‍व मुक्तियागु खँ परमेश्‍वरं झी फुक्‍कसितं छ्वयाहयादीगु खः।

प्रेरित 13:47

छाय्‌धाःसा थथे या धकाः प्रभुं हे जिमित धयादीगु दु – “‘जिं छिमित यहूदीमखुपिन्‍थाय् जः ह्वलेत, अले संसारयात मुक्तियागु लँ क्‍यनेत छ्वयाच्‍वना।’”

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ पत्रुस 1:19

अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

१ यूहन्‍ना 2:8

अय्‌नं थन धाःसा जिं छिमित छगू न्‍हूगु हे आज्ञा च्‍वयाच्‍वनागु दु। थ्‍व सत्‍य खः धकाः ख्रीष्‍टपाखें हे सी दःवःगु दु, छाय्‌धाःसा खिउँ तना वनाच्‍वंगु दु, अले धात्‍थेंगु जः लुयावःगु दु।

प्रकाश 11:18

जात जातियापिं मनूत छि खनाः तसकं तंम्‍वय्‌कल। आः छिगु तं पिकायेगु ई वल, अले सीपिन्‍त न्‍याय यायेगु। छिकपिनि दास अगमवक्ताततय्‌त व विश्‍वासीतय्‌त, छितः मानय् यानाच्‍वंपिं तःधंपिं व चिधंपिं फुक्‍कसितं सिरपाः बीगु व पृथ्‍वीयात स्‍यंकूपिन्‍त न्‍हंकेगु ई नं वये धुंकल।”

प्रकाश 2:28

अले जिं इमित सुथसिगु नगु नं बी।

प्रकाश 22:16

“मण्‍डलीतय्‌त थ्‍व खँ धाय्‌केत जि येशूं छन्‍थाय् जिम्‍ह स्‍वर्गदूत छ्वयाहयागु खः। जि दाऊदया कुल व सन्‍तान खः। सुथय् थीगु नगु नं जि हे खः।”

प्रकाश 22:2

उगु शहरयागु लँ दथुं न्‍ह्यानाच्‍वंगु दु। थ्‍व खुसि सिथय् झिंनिलाया झिंनिता हे फल सइगु जीवनयागु सिमा दु। थ्‍व सिमाय् लच्‍छिइ छता फल सइ। थ्‍व सिमायागु हः जात जातियापिं मनूतय्‌त लाय्‌केगु निंतिं वासः खः।

रुथया सफू 2:12

छंगु ज्‍याया सिरपाः परमेश्‍वरं छन्‍त बियादीमा। छ शरण काःवःम्‍ह इस्राएलया परमप्रभु परमेश्‍वरं छन्‍त यक्‍व इनाम बियादीमा।”