मलाकी 3:1 - नेवाः बाइबल

¹ दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

मलाकी 3:1 ပူးပေါင်းရင်းမြစ်များ

भजनसंग्रहया सफू 110:1

परमप्रभुं जिमि प्रभुयात धयादिल, “छं शत्रुतय्‌त छंगु पालि तःले मततले छ जिगु जवय् च्‍वँ।”

प्रस्‍थान 23:20

परमप्रभुं धयादिल, “स्‍व, लँय् छिमिगु बिचाः यायेत अले जिं तयार यानागु थासय् छिमित हयेत जिं छम्‍ह दूत छिमि न्‍ह्यः न्‍ह्यः छ्वयाबी।

प्रस्‍थान 23:21

वयागु न्‍ह्यःने होश यानाच्‍वँ अले वं धाःगु खँ न्‍यँ। वयागु विरोधय् वने मते। छाय्‌धाःसा वयाके जिगु नां दुगुलिं वं छिमिगु अपराध क्षमा याइ मखु।

यशैया 40:10

स्‍व, शक्तिनापं परमप्रभु परमेश्‍वर झायेत्‍यंगु दु, वय्‌कःया बल्‍लाःगु ल्‍हातं राज्‍य याइ। वय्‌कःया सिरपाः वय्‌कःयाके दु, अले वय्‌कःया इनाम नं वय्‌कःयाके हे दु।

यशैया 63:9

इमिगु फुक्‍क दुःखकष्‍टय् वय्‌कः नं दुःखी जुयादिल, अले वय्‌कःया दूत इमित बचय् यायेत इमिथाय् वल। वय्‌कःया दयामाया व कृपाय् वय्‌कलं मू पुलाः इमित छुत्‍कारा यानादिल। वय्‌कलं इमित दुःखकष्‍टपाखें थकयादिल, अले न्‍हापा न्‍हापायागु इलय्‌ वय्‌कलं इमित क्‍वबियादिल।

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।

हाग्‍गै 1:13

परमप्रभुया दूत हाग्‍गैनं परमप्रभुयागु बुखँ मनूतय्‌त न्‍यंकल। परमप्रभुं धयादी, “जि छिपिंलिसें दु।”

मलाकी 2:4

लेवी व वया सन्‍तानलिसें जिं यानागु बाचा दयाच्‍वनेमा धकाः छिमित जिं थ्‍व आज्ञा बियागु खः धकाः छिमिसं अले तिनि सी,” दक्‍व शक्ति दुम्‍ह परमप्रभुं धयादी।

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

मलाकी 4:5

“स्‍व! परमप्रभुयागु व तःधंगु व ग्‍यानापुसे च्‍वंगु दिं वये न्‍ह्यः जिं छिमिथाय् एलिया अगमवक्तायात छ्वयाहये।

मत्ती 11:14

छिमिसं थ्‍व खँ विश्‍वास याना काःसा वइतिनि धाःम्‍ह एलिया यूहन्‍ना हे खः।

लूका 1:76

छ नं, जिमि काय्, दकलय् तःधंम्‍ह परमेश्‍वरया अगमवक्ता धकाः छन्‍त धाइ। उकिं छ प्रभुया न्‍ह्यः वय्‌कःयात लँ छिंकेत वनीम्‍ह जुइ।

लूका 19:47

वय्‌कलं न्‍हिन्‍हिं झायाः अन देगलय् स्‍यनादीगु खः। उकिं तःधंपिं पुजाहारीत, शास्‍त्रीत व ततःधंपिं मनूत मिलय् जुयाः वय्‌कःयात स्‍यायेत स्‍वयाच्‍वन।

लूका 2:11

जुजु दाऊद बूगु गामय् छिमि छम्‍ह मुक्तिदाता नकतिनि हे बूगु दु। वय्‌कः हे ख्रीष्‍ट प्रभु खः।

लूका 2:38

मचा येशू देगलय् दनिबलय् हे हन्‍नां नापलाः वयाः परमेश्‍वरयात सुभाय् बिल। अले यरूशलेमय् च्‍वंपिनिगु उद्धार जुइतिनि धकाः पिया च्‍वंपिन्‍त व मचायागु खँ कन।

लूका 2:46

स्‍वन्‍हु दय्‌काः इमिसं वय्‌कःयात देगलय् गुरुपिंनापं फ्‍यतुनाः इमिगु खँ न्‍यँन्‍यं, न्‍ह्यसः यानाच्‍वंगु खन।

प्रेरित 19:4

थ्‍व न्‍यनाः वं धाल – “यूहन्‍नां ब्‍यूगु बप्‍तिस्‍मा पश्‍चातापयागु बप्‍तिस्‍मा खः। वं थः लिपा वयाच्‍वंम्‍ह येशूयात विश्‍वास याः धकाः मनूतय्‌त कनीगु खः।”

प्रेरित 7:38

मरुभूमिइ सीनै पहाडय् स्‍वर्गदूतं वयात व इस्राएलीतय्‌त धाःगु परमेश्‍वरयागु खँ झी तापाःबाज्‍यापिन्‍त न्‍यंका जूम्‍ह नं मोशा हे खः।