मलाकी 2:2 - नेवाः बाइबल

² छिमिसं जिगु खँय् न्‍हाय्‌पं मबिल धाःसा, छिमिसं जिगु खँ मन्‍यंसा, जिगु नांयात हनाबना मतःसा जिं छिमिथाय् सराः छ्वयाहये। छिमित दइगु सुवाःयात सराः बी। छिमिसं जिगु आज्ञाय् ध्‍यान मब्‍यूगुलिं उमित सराः लाये धुंकूगु दु,” दक्‍व शक्ति दुम्‍ह परमप्रभुं धयादी।

मलाकी 2:2 ပူးပေါင်းရင်းမြစ်များ

भजनसंग्रहया सफू 69:22

इमिगु भ्‍वजं इमित नाश यायेमा, इमिगु पवित्र भ्‍वय् इमिगु निंतिं लिच्‍वः व स्‍वःतिपाँय् जुइमा।

हितोपदेश 3:33

दुष्‍टतय्‌गु छेँय् परमप्रभुयागु सराः लाइ धर्मीतय्‌गु छेँयात धाःसा वय्‌कलं आशिष बियादी।

यशैया 42:25

अथे जुयाः वय्‌कलं इमित थःगु तं प्‍वंकादीगु खः, अले लडाइँ यानाः स्‍यायेगुया दुःखकष्‍ट याकेबियादिल। मि थें ज्‍याःगु वय्‌कःया तं फुक्‍क इस्राएलय् च्‍याःगु दु। तर छु जुयाच्‍वंगु दु, व इमिसं गुबलें थुइका काःगु मदु, वपाखें इमिसं छुं नं सय्‌का काःगु मदु।

यशैया 47:7

छं धाल, ‘जि सदांया निंतिंया रानी जुयाच्‍वने।’ तर छं थुपिं खँय् बिचाः मयाः, अले लिपा छु जुइ धकाः नं बिचाः मयाः।

यशैया 57:11

“छिमिसं सुयागु भय कयाः जितः मखुगु खँ ल्‍हानागु? अले छाय् छिमिसं जितः लुममंकागु व जितः नुगलय् मतयागु? छु जि यक्‍व ई तक सुम्‍क च्‍वनागुलिं छिमिसं जिगु भय मकयागु ला?

यर्मिया 34:17

“उकिं परमप्रभुं थथे धयादी – छिमिसं जिगु आज्ञा पालन याःगु मदु। अले थः मनूतय्‌त स्‍वतन्‍त्र यायेगु घोषणा याःगु मदु। उकिं आः जिं थःम्‍हं हे छिमिगु निंतिं स्‍वतन्‍त्र यायेगु घोषणा याये, छिमित तरवार, महामारी व अनिकालं सीगु घोषणा याये। जिं छिमित पृथ्‍वीया राज्‍य राज्‍यया निंतिं घच्‍चाइपुपिं यानाबी।

इजकिएल 3:7

तर इस्राएलया घरानायात छंगु खँ न्‍यने मास्‍ति मवः, इमित जिगु खँ न्‍यने मंमदु। छाय्‌धाःसा इस्राएलया फुक्‍क घराना हे जिद्दी व नुगः छाःपिं खः।

हाग्‍गै 1:6

छिमिसं यक्‍व पी, कम जक लइ, नयेत ला नइ, लुधनी मखु, त्‍वनेत ला त्‍वनी, प्‍याःचाः लनी मखु, वसः ला पुनी तर लुमुइ मखु। कमय् याःगु धिबा नं ह्वगं म्‍हिचाय् तः थें जुइ।”

हाग्‍गै 1:9

“छिमिसं यक्‍व लयेगु आसा याइ, अय्‌नं कम जक सइ, छिमिसं छेँय् हःगु बाली नं जिं फसं पुइकाछ्वये। थथे छाय् जुल?” दक्‍व शक्ति दुम्‍ह परमप्रभुं धयादी। “जिगु देगः दुनाच्‍वन, छिपिं धाःसा थथःगु बांलाःगु छेँ दय्‌केगुलिइ जुयाच्‍वन।

मलाकी 2:1

“हे पुजाहारीत, थ्‍व आज्ञा छिमिगु निंतिं खः!

मलाकी 3:9

छिमित तःधंगु सराः लाःगु दु, छाय्‌धाःसा छिमिगु जातियापिं फुक्‍कसिनं जितः लुतय् याःगु दु।

लूका 17:18

थ्‍व यहूदीमखुम्‍ह छम्‍हय्‌सिनं जक वयाः परमेश्‍वरयात सुभाय् बिल, मेपिन्‍सं छाय् परमेश्‍वरयात सुभाय् ब्‍यू मवल?”

यहोशू 7:19

अले यहोशूं आकानयात धाल, “हे जिमि काय्, परमप्रभु इस्राएलया परमेश्‍वरयात महिमा ब्‍यु, वय्‌कःयात इज्‍जत या! अले छं छु यानागु दु व जितः धा, जिगु न्‍ह्यःने व खँ सुचुके मते।”

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।

प्रकाश 14:7

वं ततसलं थथे धाल – “परमेश्‍वर खनाः ग्‍या। वय्‌कःयात तःधंकि। वय्‌कलं मनूतय्‌त न्‍याय याइगु ई वये धुंकल। स्‍वर्ग, पृथ्‍वी, समुद्र व लःयागु बुंगाः सृष्‍टि यानादीम्‍हय्‌सित आराधना या।”

प्रकाश 16:9

तसकं तांन्‍वयाः मनूतय्‌त पुत। थथे दुःखकष्‍ट छ्वयाहयेगु अधिकार दुम्‍ह परमेश्‍वरयागु नां कयाः इमिसं सराः बिल। अय्‌नं इमिसं पश्‍चाताप मयाः अले परमेश्‍वरयात नं तःमधंकू।