मलाकी 2:16 - नेवाः बाइबल

¹⁶ परमप्रभु इस्राएलया परमेश्‍वरं धयादी, “पारपाचुकेगु ज्‍या जितः तसकं मयः। जितः सुनानं थः कलाःयात पार बिया वयात सास्‍ती ब्‍यूगु तसकं मयः,” दक्‍व शक्ति दुम्‍ह परमप्रभुं धयादी। अथे जुयाः थःगु मनयात बसय् ति, अले थः कलाःयात ध्‍वंलाये मते।

मलाकी 2:16 ပူးပေါင်းရင်းမြစ်များ

भजनसंग्रहया सफू 73:6

उकिं घमण्‍ड इमिगु तिसा खः ल्‍वापुख्‍यापु इमिगु वसः खः।

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

हितोपदेश 5:20

हे जिकाय्! छाय् छ व्‍यभिचारी मिसालिसे भेलय् पुना जुयागु? थ्‍व व मदुपिं मिसातय्‌गु जालय् छ छाय् तक्‍यना जुयागु?

यशैया 28:20

छिपिं द्यनेगु खाता चिहाकः जुइ अले फांगा नं चिधं जुइ।

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

यशैया 59:6

इमिगु जालं नं वसः दय्‌के फइ मखु, उकिं दय्‌कूग कापतं इमिसं थःपिन्‍त हे त्‍वपुइ फइ मखु। इमिसं अधर्मया ज्‍या यानाच्‍वंगु खः। अले मभिंगु ज्‍या इमिगु ल्‍हातय् हे दु।

लूका 16:18

“सुनानं थः कलाःयात त्‍वःताः मेम्‍ह कलाः हःसा वं व्‍यभिचार याःगु जुइ। अले हानं अथे हे भाःतं त्‍वःतातःम्‍ह मिसायात हःम्‍ह मिजंनं नं व्‍यभिचार याःगु जुइ।”

१ कोरिन्‍थी 7:10

ब्‍याहा याये धुंकूपिन्‍त प्रभुयापाखें जिगु आज्ञा दु – भाःत दुम्‍ह मिसां थः भाःतयात त्‍वःते मज्‍यू।