लूका 9:7 - नेवाः बाइबल

⁷ गालीलयाम्‍ह शासक हेरोद येशूयागु खँ न्‍यनाः अलमलय् लात, छाय्‌धाःसा गुलिं गुलिंसिनं ला बप्‍तिस्‍मा बीम्‍ह यूहन्‍ना म्‍वानावःगु धकाः नं धयाजुल।

लूका 9:7 ပူးပေါင်းရင်းမြစ်များ

भजनसंग्रहया सफू 73:19

इपिं मिखा पीमलावं नाश जुयावनी। इपिं ग्‍यानापुक्‍क हे नाश जुयावनी।

यशैया 22:5

दर्शनया ब्‍यासिइ प्रभु, दक्‍व शक्ति दुम्‍ह परमप्रभुपाखें जू वःगु थ्‍व हाःहू व तुतिं न्‍हुत्तुन्‍हुयेगु व भयया दिं खः, पर्वतय् ग्‍वाहालि फ्‍वनेगु दिं।

मीका 7:4

इपिं मध्‍ये दक्‍वसिबय् बांलाःम्‍ह मनू कं थें खः, दकलय् भिंम्‍ह धाःसा कं झाः स्‍वयाः ग्‍यानपुसे च्‍वनी। छिमिगु सजाँयया दिं वयाच्‍वंगु, गुकिया बारे छिमि पिवाः च्‍वंपिन्‍सं ख्‍याच्‍वः ब्‍यूगु खः। आः इपिं याकनं हे अलमल जुइ।

मत्ती 11:2

झ्‍यालखानाय् कुनातःम्‍ह यूहन्‍नां मुक्ति बीम्‍ह ख्रीष्‍टं यानादीगु ज्‍याखँ न्‍यनाः थः चेलातय्‌त वय्‌कःयाथाय् थथे धकाः न्‍यंके छ्वयाहल।

मर्कूस 8:28

इमिसं धाल – “गुलिसिनं बप्‍तिस्‍मा बीम्‍ह यूहन्‍ना धाइगु,” गुलिसिनं “एलिया धाइगु, अले गुलिसिनं मेम्‍ह हे अगमवक्ता जुइ धकाः धाइगु।”

लूका 13:31

अबलय् हे सुं फरिसीतय्‌सं वयाः येशूयात थथे धाल – “हेरोदं छितः स्‍यायेत स्‍वयाच्‍वंगु दु, याकनं हे थनं बिस्‍युं झासँ।”

लूका 21:25

“अले सूर्यलय्, तिमिलाय् व नगुलय् चिं खने दइ। समुद्रयागु सलं व लःद्वम्‍बलं यानाः पृथ्‍वीइ च्‍वंपिं फुक्‍क जातयापिं मनूत ग्‍यानाः आछु-आछु कनी।

लूका 23:7

वय्‌कः हेरोदयागु इलाकाय् लाःम्‍ह मनू खः धकाः सीकाः वं वय्‌कःयात हेरोदयाथाय् छ्वयाबिल। अबलय् हेरोद यरूशलेमय् हे च्‍वनाच्‍वंगु दु।

लूका 3:1

रोमयाम्‍ह महाराजा तिबेरिअसं राज्‍य यानाच्‍वंगु झिंन्‍यादँ दुबलय् पन्‍तियस पिलातस यहूदियायाम्‍ह शासक जुयाच्‍वंगु खः। अले हेरोद गालीलयाम्‍ह शासक जुयाच्‍वंगु खः। अथे हे इतुरिया व त्राखोनितिसय् हेरोदया किजा फिलिप व अबिलेनय् लुसानियास शासक जुयाच्‍वंगु खः।

लूका 9:19

इमिसं धाल – “गुलिसिनं बप्‍तिस्‍मा बीम्‍ह यूहन्‍ना धाइगु, अले गुलिंसिनं एलिया धाइगु, गुलिंसिनं ला न्‍हापायापिं अगमवक्तात मध्‍ये सुं छम्‍ह म्‍वानावःगु जुइ धकाः धाइगु।”