लूका 9:52 - नेवाः बाइबल

⁵² वय्‌कलं थःपिं स्‍वयाः न्‍ह्यः हे सुं मनूतय्‌त छ्वयादिल। इमिसं सामरीतय्‌गु गामय् वनाः वय्‌कःपिन्‍त थाय्‌बाय् माल।

लूका 9:52 ပူးပေါင်းရင်းမြစ်များ

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

मत्ती 10:5

थुपिं झिंनिम्‍हय्‌सितं वय्‌कलं थथे धयाः छ्वयादिल – “यहूदीमखुपिन्‍थाय् व सामरीतय्‌गु शहरय् वने मते।

लूका 10:1

अनंलि प्रभुं मेपिं न्‍हयेम्‍ह मनूतय्‌त ल्‍ययादिल। अले इमित निम्‍ह निम्‍ह यानाः थः वनेगु शहर व गां पतिकं थः स्‍वयाः न्‍हापा छ्वयादिल।

लूका 10:33

“अले व हे लं छम्‍ह सामरी मनू नं वल। व मनूयात खनाः वयात माया वन।

लूका 17:11

येशू यरूशलेमपाखे झाःबलय् सामरिया व गालीलयागु दथुं दथुं झाल।

लूका 17:16

वं वय्‌कःयागु तुतिइ भ्‍वपुयाः सुभाय् बिल। व लिहां वःम्‍ह सामरी खः।

लूका 7:27

थ्‍वयागु खँ धर्मशास्‍त्रय् थथे च्‍वयातःगु दु – “‘जिं जिम्‍ह दूतयात छंगु न्‍ह्यः न्‍ह्यः छ्वयाबी। वं हे छंगु निंतिं लँ दय्‌काबी।’

यूहन्‍ना 4:4

गालीलय् वनेत सामरिया जुयाः वनेमाः।

यूहन्‍ना 4:5

वय्‌कः याकूबं थःकाय् योसेफयात ब्‍यूगु जगायागु लिक्‍क लाःगु सामरियायागु सुखार धाःगु शहरय् थ्‍यंकः झाल।

यूहन्‍ना 4:9

सामरी मिसां वय्‌कःयात धाल – “छि छम्‍ह यहूदी जुयाः नं सामरी मिसाया ल्‍हातं लः त्‍वने ज्‍यू ला?” यहूदीतय्‌सं सामरीतय्‌गु ल्‍हातं नयेत्‍वनेगु मयाः।

यूहन्‍ना 8:48

अले यहूदी नायःतय्‌सं वय्‌कःयात धाल – “छ सामरी खः, अले छंके भूत दुबिनाच्‍वंगु दु धकाः जिमिसं धयागु धात्‍थें हे खः।”