लूका 8:56 - नेवाः बाइबल

⁵⁶ वया मांबौ ला तसकं अजू चाल। वय्‌कलं थ्‍व खँ सुयातं कने मते धकाः इमित उजं बियादिल।

लूका 8:56 ပူးပေါင်းရင်းမြစ်များ

मत्ती 8:4

अले वय्‌कलं वयात धयादिल – “न्‍यँ, थ्‍व खँ सुयातं कने मते। पुजाहारीतय्‌थाय् वनाः छं थःगु ल्‍वय् लाःगु क्‍यँ। अले फुक्‍कसितं सीकेत व्‍यवस्‍थाय् च्‍वया तः थें माःकथं छाय्‌छी या।”

मत्ती 9:30

अले इमिसं मिखां खन। वय्‌कलं इमित थथे धयादिल – “थ्‍व खँ सुयातं कने मते।”

लूका 5:14

अले वय्‌कलं थथे धकाः उजं बियादिल – “न्‍यँ, थ्‍व खँ सुयातं कने मते। अय्‌नं पुजाहारीयाथाय् वनाः छिं थःगु ल्‍वय् लाःगु क्‍यनाब्‍यु। अले फुक्‍कसितं सीकेत व्‍यवस्‍थाय् च्‍वया तः थें माःकथं छाय्‌छी यानाब्‍यु।”

लूका 8:55

अले वयागु आत्‍मा लिहां वल, उघ्रिमय् व जुरुक्‍क दन। अले वयात छुं नकेत बियादिसँ धकाः वय्‌कलं धयादिल।