लूका 8:51 - नेवाः बाइबल

⁵¹ छेँय् थ्‍यंकाः वय्‌कलं पत्रुस, यूहन्‍ना, याकूब व सीम्‍ह मचाया मां बौयात जक मचा दुथाय् दुत यंकादिल। मेपिं सुयातं दुकयामदी।

लूका 8:51 ပူးပေါင်းရင်းမြစ်များ

२ राजा 4:33

व क्‍वथा दुने दुहां वन, अले उपिं निम्‍ह जक दुने दुहां वनाः वं खापा तिल अले परमप्रभुयात प्रार्थना यात।

यशैया 42:2

व चिल्‍लाय् दनाः हाली मखु, वा तसकं हाली मखु अले वं लँय् थःगु सः न्‍यंका जुइ मखु।

मर्कूस 14:33

वय्‌कलं पत्रुस, याकूब व यूहन्‍नायात जक ब्‍वना यंकादिल। उबलय् वय्‌कलं तसकं हे नुगः मछिंकाः दिक्‍क जुयादिल।

लूका 6:14

थुकथं ल्‍यःपिं थुपिं खः – सिमोन, गुम्‍हय्‌सिगु नां वय्‌कलं पत्रुस तयादिल, वया दाजु अन्‍द्रियास अले याकूब व यूहन्‍ना, फिलिप व बारथोलोमाइ,

लूका 8:50

थ्‍व न्‍यनाः वय्‌कलं याइरसयात थथे धयादिल – “ग्‍यानादी म्‍वाः, छिं विश्‍वास जक यानादिसँ। छिकपिनि म्‍ह्याय् म्‍वाइ।”

लूका 8:52

अन च्‍वंपिं फुक्‍कं मचा सीगुलिं नुगःपा दादां ख्‍वयाच्‍वन। वय्‌कलं इमित धयादिल – “ख्‍वये मते। मचा सीगु मखु, न्‍ह्यः वय्‌काच्‍वंगु खः।”

लूका 9:28

अथे धयादीगु च्‍यान्‍हु दय्‌काः पत्रुस, यूहन्‍ना व याकूबयात ब्‍वनाः येशू पर्वतया च्‍वय् प्रार्थना याः झाल।

प्रेरित 9:40

अले वं इपिं फुक्‍कसितं पिने छ्वयाः पुलिं चुयाः प्रार्थना यात। प्रार्थना याये धुंकाः सीम्‍हय्‌सिथाय् स्‍वयाः धाल “तबीता, दना वा।” अले वं मिखा चाय्‌कल, पत्रुसयात खनाः व फ्‍यतुत।