लूका 8:41 - नेवाः बाइबल

⁴¹ धर्मशास्‍त्र स्‍यनीगु छेँयाम्‍ह कजी याइरसं वयाः वय्‌कःया तुतिइ भ्‍वपुयाः “जिगु छेँय् झासँ” धकाः बिन्‍ति यात,

लूका 8:41 ပူးပေါင်းရင်းမြစ်များ

लूका 13:14

अथे वय्‌कलं विश्रामबार खुन्‍हु हे ल्‍वय् लाय्‌कादिल धकाः धर्मशास्‍त्र स्‍यनीगु छेँयाम्‍ह कजी तसकं तंम्‍वय्‌कल। अले वं मनूतय्‌त धाल – “ज्‍या याये ज्‍यूगु दिं ला खुन्‍हु मछि द हे दु नि। सुयां ल्‍वय् लाय्‌के माःसा उबलय् वःसां ज्‍यूनि। विश्रामबार खुन्‍हु हे लाय्‌केमाः धयागु छु दु?”

लूका 17:16

वं वय्‌कःयागु तुतिइ भ्‍वपुयाः सुभाय् बिल। व लिहां वःम्‍ह सामरी खः।

लूका 5:8

अथे जाः जाय्‌क न्‍या क्‍यंगुलिं सिमोन अले व नाप दुपिं मनूत फुक्‍क अजू चाल, नापं ग्‍या नं ग्‍यात। अय्‌जूगुलिं सिमोन पत्रुसं येशूयागु पालिइ भ्‍वपुयाः थथे धाल – “प्रभु, छि जिथासं झासँ, जि पापीम्‍ह मनू खः।”

लूका 8:42

छाय्‌धाःसा वया झिंनिदँ दुम्‍ह याकः म्‍ह्याय् सी थें च्‍वंक उसाँय् मदयाच्‍वन। वयागु खँ न्‍यनाः वय्‌कः व नाप झाल। वय्‌कः थथे झायेत्‍यंगुलिं मनूतय्‌सं वय्‌कःयात घ्‍वात्तु घ्‍वात।

लूका 8:49

उबलय् हे कजीया छेँनं छम्‍ह मनू वयाः वयात थथे धाल – “छिम्‍ह म्‍ह्याय् सी धुंकल, अय्‌जूगुलिं गुरुजुयात दुःख बियादी म्‍वाःल।”

यूहन्‍ना 11:21

मार्थां येशूयात धाल – “प्रभु, छि थन दीगु जूसा जिमि किजा सी मखुगु।

प्रेरित 13:15

व्‍यवस्‍थायागु सफू व अगमवक्तातय्‌गु सफू ब्‍वने धुंकाः थकालिपिन्‍सं इमित सःताः थथे धाल – “किजापिं, थ्‍व मनूतय्‌त छुं भिंगु खँ न्‍यंके मास्‍ति वःसा, धयादिसँ।”

प्रेरित 18:17

अले इपिं फुक्‍कसिनं धर्मशास्‍त्र स्‍यनीगु छेँया थकालि सोस्‍थेनेसयात ज्‍वनाः अदालतया न्‍ह्यःने हे दाल। गलियोनं थ्‍व फुक्‍क खंसां छुं हे च्‍यूताः मतः।

प्रेरित 18:8

अन च्‍वंम्‍ह कजी क्रिस्‍पस व वया जहानपिं फुक्‍कसिनं प्रभुयात विश्‍वास यात। अले हानं यक्‍व हे कोरिन्‍थीतय्‌सं पावलयागु खँ न्‍यनाः विश्‍वास यानाः बप्‍तिस्‍मा काल।

प्रेरित 9:38

लुड्डा योप्‍पां तामपाःगुलिं चेलातय्‌सं पत्रुस अन दनि धकाः सीकाः निम्‍ह मनूयात सःतके छ्वल। इमिसं वनाः धाल – “लिबाकादी मते, याकनं झासँ।”

प्रकाश 5:8

थुकथं वं थ्‍व भ्‍वंथू काये धुंकाः प्‍यम्‍ह जीवात्‍मा व निइप्‍यम्‍ह थकालिपिं चीधिकःम्‍ह भ्‍याःचायागु न्‍ह्यःने क्‍वछुत। इपिं फुक्‍कसिके वीणा व गुँगू थनातःगु लुँयागु मकः दु। थ्‍व विश्‍वासीतय्‌गु प्रार्थना खः।