लूका 8:25 - नेवाः बाइबल

²⁵ वय्‌कलं इमित धयादिल – “छिमिगु विश्‍वास ग्‍व?” इपिं तसकं अजू चायाः ग्‍या नं ग्‍यात। अले थःथवय् थथे खँ ल्‍हात – “थ्‍व मनू सु खः हं? थ्‍वं धाःगु खँ फसं व लखं नं न्‍यं।”

लूका 8:25 ပူးပေါင်းရင်းမြစ်များ

हितोपदेश 30:4

स्‍वर्गय् वनाः सु लिहां वःगु दु? सुनां फय्‌यात थःगु ल्‍हातिइ प्‍वःचिनातःगु दु? सुनां समुद्रयात कापतय् च्‍यूगु दु? अले सुनां पृथ्‍वीया लागा कियाब्‍यूगु दु? थ्‍व फुक्‍क सुनां याःगु? छिपिं सुनानं स्‍यूसा व सु खः, वया काय् सु खः जितः धा।

हितोपदेश 8:29

वय्‌कलं समुद्रया लागा क्‍वःछिनादीबलय्, अले पृथ्‍वीया जग स्‍वनादीबलय् जि अन हे दु।

मत्ती 14:31

अले वय्‌कलं वयात ज्‍वनाः धयादिल – “ग्‍व, छंगु विश्‍वास, छाय् संका यानागु?”

मत्ती 17:20

वय्‌कलं धयादिल – “छिमिसं क्‍वात्तुक विश्‍वास याये मफुगुलिं अथे याये मफुगु खः। जिं धात्‍थें धाये – छिमिके तू छगः ग्‍वःछि जक विश्‍वास दःसां छिमिसं थ्‍व पहाडयात ‘थनं चिला हुँ’ धाःसा चिलावनी। छिमिसं याये मफुगु छुं नं दइ मखु।

मत्ती 6:30

थौं बुयाः कन्‍हय् हे झ्‍वाः जुयावनीगु घाँय्‌यात ला परमेश्‍वरं थुलि समाः यानातयादी धाःसा वय्‌कलं छिमित पुनेत वसः बियामदी ला? विश्‍वास मगाःपिं, छिमिसं गथे क्‍वात्तुक विश्‍वास याये मफुगु?

मत्ती 8:10

वय्‌कलं थ्‍व खँ न्‍यनाः अजू चायाः वय्‌कः नाप वःपिं मनूतय्‌त थथे धयादिल – “जिं छिमित धात्‍थें धाये – जिं थपाय्‌सकं विश्‍वास याइम्‍ह मनू ला इस्राएलय् हे नं मखना।

मत्ती 8:26

अले वय्‌कलं इमित धयादिल – “छिपिं छाय् अपाय्‌सकं ग्‍यानागु? छिमिसं जितः अज्‍जं क्‍वात्तुक विश्‍वास याये मफुनि ला?” थुलि धयाः वय्‌कलं दनाः ग्‍वःफय्‌यात व लःद्वम्‍बःयात हक्‍कादिल। अले ग्‍वःफय् दित, लःद्वम्‍बः नं दित।

मर्कूस 4:35

सन्‍ध्‍याकाः ई जुइ धुंकाः येशूं इमित धयादिल – “वा, झी समुद्र पारिइ वनेनु।”

लूका 12:28

थौं बुयाः कन्‍हय् हे झ्‍वाः जुया वनीगु घाँय्‌यात ला परमेश्‍वरं थुलि समाः यानातयादी धाःसा वय्‌कलं छिमित पुनेत वसः बियामदी ला? अय् विश्‍वास मगाःपिं, छिमिसं गथे क्‍वात्तुक विश्‍वास याये मफुगु?

लूका 8:24

चेलातय्‌सं वयाः वय्‌कःयात थथे धयाः थन – “गुरुजु, गुरुजु, झीपिं दुबय् जुइन।” वय्‌कलं दनाः ग्‍वःफय्‌यात व लःद्वम्‍बःयात हक्‍काः दिल। अले ग्‍वःफय् नं दित, लः नं मसन।

लूका 8:26

अले वय्‌कःपिं गालील समुद्रयागु पारिइ च्‍वंगु गेरासेनस जिल्‍लाय् झाल।

यूहन्‍ना 11:40

वय्‌कलं वयात धयादिल – “छिं विश्‍वास यानादीसा, परमेश्‍वरयागु तःधंगु महिमा स्‍वये खनी धकाः जिं मधया ला?”