लूका 8:1 - नेवाः बाइबल

¹ अनं लिपा वय्‌कलं शहर पतिकं व गांगामय् चाःहुलाः परमेश्‍वरयागु राज्‍ययागु भिंगु खँ न्‍यंकादिल। वय्‌कः नाप झिंनिम्‍ह चेलात नं दु।

लूका 8:1 ပူးပေါင်းရင်းမြစ်များ

मत्ती 11:1

झिंनिम्‍ह चेलातय्‌त थुलि धाये धुंकाः येशू अनं गांगामय् स्‍यनेकने यायेत व भिंगु खँ न्‍यंकेत झाल।

मत्ती 13:19

गुलिखय् मनूतय्‌सं परमेश्‍वरयागु राज्‍ययागु खँ न्‍यनाः नं थुइके फइ मखु। थुपिं लँय् लाःगु पुसा थें खः। इमिगु नुगलय् ह्वलातःगु परमेश्‍वरयागु वचन शैतानं वयाः लिकया यंकी।

मत्ती 4:23

येशू गालील फुक्‍कभनं चाःहिलादिल। धर्मशास्‍त्र स्‍यनीगु छेँय् झायाः मनूतय्‌त स्‍यनेकने यानाः परमेश्‍वरयागु राज्‍ययागु भिंगु खँ न्‍यंकादिल। अले तःतामछि ल्‍वय् दुपिं मनूतय्‌त नं लाय्‌कादिल।

मत्ती 9:35

थुकथं येशूं शहरय् व गांगामय् चाःहिलाः धर्मशास्‍त्र स्‍यनीगु छेँय् झायाः स्‍यनेकने यायां परमेश्‍वरयागु राज्‍ययागु भिंगु खँ न्‍यंकादिल। अले तःतामछि ल्‍वय् दुपिं मनूतय्‌त नं लाय्‌कादिल।

मर्कूस 1:39

अले गालीलया फुक्‍क धर्मशास्‍त्र स्‍यनीगु छेँय् न्‍यंकु न्‍यंकुं व भूत दुब्‍यूपिन्‍त लाय्‌केगु ज्‍या यायां चाःहिलादिल।

लूका 1:80

व मचा आत्‍मा व म्‍ह निताय् नं बल्‍लानाः तःधिकः जुयावल। इस्राएलीतय्‌थाय् वनाः न्‍यंकेगु ज्‍या मयातले व मरुभूमिइ हे च्‍वनाच्‍वन।

लूका 20:1

छन्‍हु येशूं देगलय् मनूतय्‌त स्‍यनेकने याना व भिंगु खँ कनाच्‍वंबलय् तःधंपिं पुजाहारीत, शास्‍त्रीत व थकालिपिन्‍सं वयाः

लूका 4:18

“मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभुयागु आत्‍मा जिके च्‍वनादीगु दु। परमप्रभुं चिना तःपिन्‍त त्‍वःताबीत, कांपिन्‍त मिखां खंका बीत, अले न्‍हुत्तुन्‍हुया तःपिन्‍त थना बीत,

लूका 9:6

अनंलि गांगामय् वनाः इमिसं भिंगु खँ न्‍यंकाः मनूतय्‌गु ल्‍वय् लाय्‌काबीगु यात।

प्रेरित 10:38

अले हानं गथे परमेश्‍वरं थ्‍व हे नासरतयाम्‍ह येशूयात पवित्र आत्‍मां जाय्‌काः यक्‍व शक्ति बियादिल। अले येशूं फुक्‍कसितं भिंकाः शैतानं दुःखकष्‍ट बियातःपिन्‍त लाय्‌कादिल। छाय्‌धाःसा परमेश्‍वर वय्‌कः नाप दीगु खः धकाः छिकपिन्‍सं नं स्‍यू।

प्रेरित 13:32

“आः जिमिसं परमेश्‍वरं झी तापाःबाज्‍यापिन्‍त बी धकाः धयादीगु थ्‍व हे भिंगु खँ छिमित कं वयाच्‍वना।

रोमी 10:15

मछ्वय्‌कं गथे यानाः मनूतय्‌सं न्‍यंकः वनी? यशैयायागु सफुलिइ थथे च्‍वयातःगु दु – “भिंगु खँ न्‍यंक वःपिं मनूत वयाच्‍वंगु गुलि बांलाः।”