लूका 7:9 - नेवाः बाइबल

⁹ थ्‍व न्‍यनाः येशूं अजू चायाः लिफः स्‍वयाः ल्‍यूल्‍यू वःपिं मनूतय्‌त थथे धयादिल – “थज्‍याःगु विश्‍वास याइम्‍ह मनू ला जिं इस्राएलय् छम्‍ह नं मखनानि।”

लूका 7:9 ပူးပေါင်းရင်းမြစ်များ

मत्ती 15:28

अले वय्‌कलं वयात धयादिल – “केहेँ मय्‌जु, छिगु विश्‍वास तसकं तःधं, छिं मनं तुं थें जुइमा।” उबलय् हे वया म्‍ह्याय् लन।

मत्ती 8:10

वय्‌कलं थ्‍व खँ न्‍यनाः अजू चायाः वय्‌कः नाप वःपिं मनूतय्‌त थथे धयादिल – “जिं छिमित धात्‍थें धाये – जिं थपाय्‌सकं विश्‍वास याइम्‍ह मनू ला इस्राएलय् हे नं मखना।

मत्ती 9:33

भूतयात पितिनेवं व मनुखं नवाना हल। अले स्‍वयाच्‍वंपिं मनूतय्‌सं छक्‍क जुयाः थथे धाल – “थथे ला जिमिसं इस्राएलय् गुब्‍सं मखनानि।”

लूका 7:10

कप्‍तानं छ्वयाहःपिं मनूत छेँय् लिथ्‍यंबलय् उसाँय् मदया च्‍वंम्‍ह दासयागु ल्‍वय् लाये धुंकल।

लूका 7:50

वय्‌कलं मिसायात धयादिल – “छंगु विश्‍वासं यानाः छंगु उद्धार जुल। आः याउँक हुँ।”

लूका 7:8

जिगु क्‍वय् सिपाइँत दुसां जिगु च्‍वय्‌नं तःधंपिं मनूत दु। जिं सिपाइँतय्‌त ‘वा’ धाःसा इपिं वइ। अले ‘हुँ’ धाःसा वनी। अथे हे दासयात ‘थथे या’ धाःसा वं अथे हे याइ।”