लूका 7:7 - नेवाः बाइबल

⁷ अय्‌जूगुलिं नं जि छिथाय् वये मछालाः मवयागु खः। अय्‌नं छिं न जक वानादिल धाःसां जिम्‍ह दास लायावनी।

लूका 7:7 ပူးပေါင်းရင်းမြစ်များ

भजनसंग्रहया सफू 107:20

वय्‌कलं थःगु वचन छ्वयाः इमित लंकादिल, अले इमित सीगालं बचय् यानादिल।

भजनसंग्रहया सफू 33:9

वय्‌कलं धयादिसेंलि संसारया सृष्‍टि जुल। वय्‌कःया उजं दयेवं फुक्‍कं खनेदयावल।

प्रस्‍थान 15:26

वय्‌कलं धयादिल, “छिमिसं थःपिनि परमप्रभु परमेश्‍वरया खँ ध्‍यान बियाः बांलाक न्‍यन धाःसा अले वय्‌कःया मिखाय् छु छु पाय्‌छि जू व यात धाःसा अले वय्‌कःया उजंयात न्‍हाय्‌पं बियाः न्‍यन धाःसा अले वय्‌कःया फुक्‍क नियमत बांलाक पालन यात धाःसा जिं मिश्रीतय्‌थाय् छ्वयाहयागु छुं हे ल्‍वय् छिमिथाय् छ्वयाहये मखु। छाय्‌धाःसा जि हे छिमित लंकाबीम्‍ह परमप्रभु खः।”

मर्कूस 1:27

थ्‍व खनाः फुक्‍क मनूत अजू चाल। अले थःथवय् थथे खँ ल्‍हात – “थ्‍व छु जूगु? थ्‍व ला अधिकारं जाःगु न्‍हूगु खँ खः। वय्‌कःयागु खँ ला भूतं नं न्‍यं।”

लूका 4:36

थ्‍व खनाः इपिं फुक्‍कं छक्‍क जुयाः थःथवय् थथे खँ ल्‍हात – “थ्‍व गज्‍याःगु वचन खः? थ्‍वं ला शक्ति व अधिकार दुम्‍हय्‌सिनं थें भूतआत्‍मातय्‌त पिहां वनेगु उजं बिल, अले इपिं पिहां नं वन।”

लूका 5:13

अले वय्‌कलं वयात ल्‍हातं थियाः थथे धयादिल – “ज्‍यू, छ शुद्ध जुइमा।” थुलि धायेवं हे वयागु कोह्रि ल्‍वय् लाया वन।

लूका 7:6

अले वय्‌कः इपिं नाप झाल। वय्‌कःपिं वयागु छेँय् थ्‍यनिथें च्‍वंबलय् कप्‍तानं वया पासापिन्‍त वय्‌कःयात थथे धाय्‌के छ्वयाहल – “प्रभु, छिं जिथाय् झायाः दुःख सियादी म्‍वाः। प्रभुयात जिगु छेँय् सःतेत जि उलि मग्‍यंनि।

लूका 7:8

जिगु क्‍वय् सिपाइँत दुसां जिगु च्‍वय्‌नं तःधंपिं मनूत दु। जिं सिपाइँतय्‌त ‘वा’ धाःसा इपिं वइ। अले ‘हुँ’ धाःसा वनी। अथे हे दासयात ‘थथे या’ धाःसा वं अथे हे याइ।”

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।

१ शमूएल 2:6

“परमप्रभुं स्‍यायेगु व जीवन बियेगु नितां यानादी, वय्‌कलं हे मनूतय्‌त पातालय् छ्वयादी अले इमित हाकनं म्‍वाकादी।