लूका 7:6 - नेवाः बाइबल

⁶ अले वय्‌कः इपिं नाप झाल। वय्‌कःपिं वयागु छेँय् थ्‍यनिथें च्‍वंबलय् कप्‍तानं वया पासापिन्‍त वय्‌कःयात थथे धाय्‌के छ्वयाहल – “प्रभु, छिं जिथाय् झायाः दुःख सियादी म्‍वाः। प्रभुयात जिगु छेँय् सःतेत जि उलि मग्‍यंनि।

लूका 7:6 ပူးပေါင်းရင်းမြစ်များ

उत्‍पत्ति 32:10

छिं थः दासयात क्‍यनादीगु दया माया व विश्‍वासया निंतिं जि मल्‍वः। छाय्‌धाःसा यर्दन खुसि छिनाबलय् जिके कथि छपु जक दुगु खः, आः जिके मनूतय्‌गु व पशुतय्‌गु निगू ततःधंगु पुचः दु।

हितोपदेश 29:23

घमण्‍डं मनूतय्‌त पतन यानाबी। क्‍वमिलु जुयाः जुइपिन्‍सं हनाबना काइ।

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

मत्ती 3:11

“जिं ला छिमित पश्‍चातापया निंतिं लखं बप्‍तिस्‍मा बियाच्‍वना। जिगु लिपा जि सिबय् तसकं तःधंम्‍ह झायाच्‍वंगु दु। जि ला वय्‌कःयागु लाकां ज्‍वनाजुइत तक नं मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

मर्कूस 5:24

वय्‌कः व नाप झायादिल। यक्‍व हे मनूत घ्‍वात्तुघ्‍वानाः वय्‌कःया ल्‍यूल्‍यू वन।

लूका 5:8

अथे जाः जाय्‌क न्‍या क्‍यंगुलिं सिमोन अले व नाप दुपिं मनूत फुक्‍क अजू चाल, नापं ग्‍या नं ग्‍यात। अय्‌जूगुलिं सिमोन पत्रुसं येशूयागु पालिइ भ्‍वपुयाः थथे धाल – “प्रभु, छि जिथासं झासँ, जि पापीम्‍ह मनू खः।”

लूका 7:4

अले इपिं वय्‌कःयाथाय् वयाः थथे बिन्‍ति यात – “व भिंम्‍ह मनू खः, वं धाःथें यानादिसँ,

लूका 7:5

छाय्‌धाःसा वं झी इस्राएलीतय्‌त माया याः। अले हानं वं झीत धर्मशास्‍त्र स्‍यनीगु छेँनं दय्‌काब्‍यूगु दु।”

लूका 7:7

अय्‌जूगुलिं नं जि छिथाय् वये मछालाः मवयागु खः। अय्‌नं छिं न जक वानादिल धाःसां जिम्‍ह दास लायावनी।

लूका 8:49

उबलय् हे कजीया छेँनं छम्‍ह मनू वयाः वयात थथे धाल – “छिम्‍ह म्‍ह्याय् सी धुंकल, अय्‌जूगुलिं गुरुजुयात दुःख बियादी म्‍वाःल।”

प्रेरित 10:38

अले हानं गथे परमेश्‍वरं थ्‍व हे नासरतयाम्‍ह येशूयात पवित्र आत्‍मां जाय्‌काः यक्‍व शक्ति बियादिल। अले येशूं फुक्‍कसितं भिंकाः शैतानं दुःखकष्‍ट बियातःपिन्‍त लाय्‌कादिल। छाय्‌धाःसा परमेश्‍वर वय्‌कः नाप दीगु खः धकाः छिकपिन्‍सं नं स्‍यू।

याकूब 4:10

परमेश्‍वरया न्‍ह्यःने चिधं जु। अले जक छिमित वय्‌कलं तःधंकादी।

याकूब 4:6

परमेश्‍वरं अज्‍ज यक्‍व दया माया यानादी। धर्मशास्‍त्रय् थथे च्‍वयातःगु दु – “परमेश्‍वरयात तःधंछुया जुइपिं मनूत मयः। चिधंछुया जुइपिं मनूतय्‌त धाःसा वय्‌कलं यक्‍व दया माया यानादी।”