लूका 7:43 - नेवाः बाइबल

⁴³ वं लिसः बिल – “जिं स्‍वयेबलय् ला अप्‍वः दां त्‍याये कयातःम्‍ह मनुखं याइ।” अले वय्‌कलं वयात धयादिल – “छं ठीक धाल।”

लूका 7:43 ပူးပေါင်းရင်းမြစ်များ

मत्ती 18:27

जुजुयात व मनू खनाः दया वनाः वं वयागु त्‍यासा फुक्‍कं माफ यानाबिल।”

मर्कूस 12:34

वयागु थज्‍याःगु बुद्धिं जाःगु लिसः न्‍यनाः वय्‌कलं धयादिल – “छ परमेश्‍वरयागु राज्‍यं तापाः मजू।” उबलय्‌ निसें वय्‌कःयाके सुनानं छुं हे न्‍यं वये मछाल।

लूका 10:38

वय्‌कःपिं वँवं लँय् लाःगु छगू गामय् थ्‍यन। व गामय् च्‍वंम्‍ह मार्था धाःम्‍ह छम्‍ह मिसां वय्‌कःपिन्‍त थःगु छेँय् यंकल।

लूका 7:42

इपिं निम्‍हय्‌सिनं नं दां पुले मफुगुलिं साहुनं निम्‍हय्‌सितं फुक्‍क दां माफी बियाछ्वत। आः इपिं निम्‍ह मध्‍ये साहुयात सुनां अप्‍वः माया याइ थें च्‍वं, धा सा?”

लूका 7:44

अले वय्‌कलं मिसायात क्‍यनाः सिमोनयात धयादिल – “छं थ्‍व मिसायात म्‍हस्‍यू ला? जि छंगु छेँय् वयाबलय् तुति सिलेत लः तक नं मब्‍यू। वं ख्‍वबि हाय्‌काः जिगु पालि सिलाः थःगु सं हुयाबिल।

लूका 7:47

“अय्‌जूगुलिं जिं छितः धाये – वं याःगु यक्‍व पाप क्षमा जूगुलिं वं यक्‍व माया यात। सुयागु कम जक पाप क्षमा जुइ, वं कम हे जक माया याइ।”