लूका 7:42 - नेवाः बाइबल

⁴² इपिं निम्‍हय्‌सिनं नं दां पुले मफुगुलिं साहुनं निम्‍हय्‌सितं फुक्‍क दां माफी बियाछ्वत। आः इपिं निम्‍ह मध्‍ये साहुयात सुनां अप्‍वः माया याइ थें च्‍वं, धा सा?”

लूका 7:42 ပူးပေါင်းရင်းမြစ်များ

२ शमूएल 14:13

मिसां धाल, “छिसं छाय् परमेश्‍वरया मनूतय्‌त थज्‍याःगु मभिं यानागु? जुजुं थथे धाःगुलिं इपिं दोषी ठहरय् जुइ, छाय्‌धाःसा देशं पितनाछ्वम्‍ह मनूयात छलपोलं हाकनं लित हयादीत मानय् मजू।

भजनसंग्रहया सफू 103:3

वय्‌कलं जिगु फुक्‍क पाप क्षमा यानादी अले जिगु फुक्‍क ल्‍वय् लंकादी

यशैया 43:25

“जि, जि व हे खः, गुम्‍हय्‌सिनं छंगु अपराध थःगु हे लागिं क्षमा यानाबी, जिं छंगु पाप गुबलें लुमंके मखु।

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

मत्ती 18:27

जुजुयात व मनू खनाः दया वनाः वं वयागु त्‍यासा फुक्‍कं माफ यानाबिल।”

मत्ती 18:34

जुजुं तसकं तंम्‍वयाः फुक्‍क धिबा मपुतले वयात झ्‍यालखानाय् कुना तयेगु उजं बिल।”

मत्ती 6:12

अले जिमिगु अपराध क्षमा यानादिसँ, गथे जिमिसं नं जिमि अपराधीतय्‌त क्षमा यानाबियागु दु।

लूका 7:43

वं लिसः बिल – “जिं स्‍वयेबलय् ला अप्‍वः दां त्‍याये कयातःम्‍ह मनुखं याइ।” अले वय्‌कलं वयात धयादिल – “छं ठीक धाल।”

रोमी 3:24

अय्‌नं परमेश्‍वर दयादुम्‍ह जूगुलिं वय्‌कलं ख्रीष्‍टयात छ्वयाहयाः झीत सितिकं धर्मी यानादिल।

रोमी 5:6

झीसं थःम्‍हं थःगु मुक्तिया लागि छुं याये मफुबलय् ख्रीष्‍ट पापीतय्‌गु निंतिं पाय्‌छि इलय् सिनादिल।

गलाती 3:10

व्‍यवस्‍थाय् जक भलसा तया च्‍वंपिं मनूत सराः फयाच्‍वंपिं खः। थ्‍व हे खँ धर्मशास्‍त्रय् थथे च्‍वयातःगु दु – “व्‍यवस्‍थाय् च्‍वयातःगु फुक्‍कं सदां मानय् यानाच्‍वने मफुपिं मनूतय्‌सं सराः फयेमाली।”

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

एफिसी 4:32

गथे ख्रीष्‍टयात विश्‍वास याःगुलिं परमेश्‍वरं छिमित क्षमा यानादिल, अथे हे छिमिसं नं थःथवय् क्षमा बीगु यानाः दया माया याना च्‍वँ।

कलस्‍सी 3:13

थःथवय् सह यानाः दया माया या। थःत सुनानं मभिंकूसां वयात क्षमा बीगु या। गथे प्रभुं छिमित क्षमा यानादिल, अथे हे छिमिसं नं क्षमा बीमाः।