लूका 7:34 - नेवाः बाइबल

³⁴ मनूया काय्‌नं नयेत्‍वने याना जुल। छिमिसं वयात ‘नगुलु, अय्‌लाःगुलुत, कर काइपिं व पापीतय् पासा’ धकाः धयाजुल।

लूका 7:34 ပူးပေါင်းရင်းမြစ်များ

मत्ती 11:19

मनूया काय्‌नं नयेत्‍वने याना जुल। इमिसं वयात – ‘नगुलु, अय्‌लाःगुलुत व कर काइपिनि व पापीतय् पासा’ धकाः धयाजुल। इमिगु बुद्धि ला इमिगु ज्‍यां हे क्‍यं।”

मत्ती 5:46

थःत माया याइपिन्‍त जक माया यानाः छु सिरपाः कायेखनी? थथे ला कर काइपिन्‍सं नं याः।

मत्ती 9:11

थ्‍व खनाः फरिसीतय्‌सं वय्‌कःया चेलातय्‌त धाल – “थ्‍व छु खः? छिमि गुरु ला कर काइपिं व पापीत नाप च्‍वनाः नयाच्‍वन नि?”

लूका 11:37

येशूं थथे धयाच्‍वनादीबलय् हे छम्‍ह फरिसीं वयाः वय्‌कःयात भ्‍वय् नयेत सःतः वल। अले वय्‌कः झायाः नयेत फ्‍यतुनादिल।

लूका 14:1

छकः विश्रामबार खुन्‍हु येशू छम्‍ह तःधंम्‍ह फरिसीयागु छेँय् भ्‍वय् सःतातःगुलिं झाल। मनूतय्‌सं वय्‌कःयात अन नं चिवा यानाच्‍वन।

लूका 15:2

अले फरिसीत व शास्‍त्रीतय् थथे धकाः खँ जुल – “थ्‍व मनू ला पापीत नाप बुला जुयाः नया जुइम्‍ह खनिसा।”

लूका 19:7

थ्‍व खनाः मनूतय् दथुइ थथे खँ जुल – “व ला पापीम्‍ह मनूयागु छेँय् धकाः बाय् च्‍वंवन।”

लूका 5:29

अनंलि लेवीं येशूयात थःगु छेँय् भ्‍वय् सःतल। भ्‍वजय् कर काइपिं व मेमेपिं मनूत नं यक्‍व दु।

लूका 7:33

“दाखरस मत्‍वनीम्‍ह व मरि मनइम्‍ह बप्‍तिस्‍मा बीम्‍ह यूहन्‍ना वलं छिमिसं वयात ‘भूत दुब्‍यूम्‍ह मनू’ धकाः धाल।

लूका 7:35

परमेश्‍वरयागु बुद्धि दुम्‍हय्‌सिनं हे वय्‌कःयागु बुद्धियात नाला काइ।”

लूका 7:36

छन्‍हु छम्‍ह फरिसीं थःगु छेँय् येशूयात भ्‍वय् नयेत सःतल। अले वय्‌कः वयागु छेँय् वनाः भ्‍वय् नयेत ग्‍वतुलाः खव ल्‍हातय् छ्यं दिका च्‍वनादिल।

यूहन्‍ना 12:2

इमिसं वय्‌कःयात भ्‍वय् ज्‍वरय् यात। मार्था भलिं जुयाच्‍वन। वय्‌कःनापं भ्‍वय् नयेत फ्‍यतुपिं मध्‍ये लाजरस नं छम्‍ह खः।

यूहन्‍ना 2:2

येशू व चेलातय्‌त नं भ्‍वजय् सःतातःगु दु।