लूका 7:26 - नेवाः बाइबल

²⁶ धात्‍थें छिपिं छु स्‍वः वनापिं? अगमवक्तायात स्‍वःवनागु ला? खः, जिं धाये – यूहन्‍ना अगमवक्ता स्‍वयाः यक्‍व तःधं।

लूका 7:26 ပူးပေါင်းရင်းမြစ်များ

लूका 1:76

छ नं, जिमि काय्, दकलय् तःधंम्‍ह परमेश्‍वरया अगमवक्ता धकाः छन्‍त धाइ। उकिं छ प्रभुया न्‍ह्यः वय्‌कःयात लँ छिंकेत वनीम्‍ह जुइ।

लूका 16:16

“यूहन्‍ना मवतले ला व्‍यवस्‍था व अगमवक्तातय्‌गु सफू हे चले जुयाच्‍वंगु खः। उबलय्‌ निसें हे परमेश्‍वरयागु राज्‍ययागु भिंगु खँ न्‍यंकाच्‍वंगु दु। अय्‌जूगुलिं न्‍ह्याथे याना जूसां मनूतय्‌सं अन दुहां वनेत कुतः यानाच्‍वन।

लूका 20:6

मनूतय्‌पाखें काःगु धाल कि मनूतय्‌सं झीत ल्‍वहँतं कय्‌का स्‍याइ, छाय्‌धाःसा फुक्‍कसिनं यूहन्‍नायात अगमवक्ता धकाः मानय् यानातःगु दु।”

लूका 7:25

मखुसा छिपिं छु स्‍वयेत वनागु लय्? बाबांलाःगु वसतं पुनातःपिं मनूतय्‌त स्‍वःवनागु ला? बाबांलाःगु वसतं पुना तइपिं ला लाय्‌कुलिइ जक दइ, छाय्‌धाःसा बांलाक तियाः नयाः मोजमज्‍जा यानाजुइपिं ला अन जक दइ।

लूका 7:27

थ्‍वयागु खँ धर्मशास्‍त्रय् थथे च्‍वयातःगु दु – “‘जिं जिम्‍ह दूतयात छंगु न्‍ह्यः न्‍ह्यः छ्वयाबी। वं हे छंगु निंतिं लँ दय्‌काबी।’

यूहन्‍ना 5:35

यूहन्‍ना ला च्‍याःगु व थीगु मत जक खः। वयागु जलय् छिमिसं छुं ई तक जक जूसां लय्‌ताय्‌गु हे यय्‌कल।